3/28/2024
Today from Hiiraan Online:  _
Wararka Maanta- Arbaco, Nov 27, 2013
Ciidamada AMISOM oo la Wareegay Ammaanka Xarunta ADC-da Baydhabo oo uu ka socdo Shir lagu dhisayo Maamul Goboleed


Arbaco, November 27, 2013 (HOL) — Ciidamada AMISOM ee jooga degmada Baydhabo ee xarunta gobolka Bay ayaa la wareegay ammaanka xarunta uu ka socdo shirka maamul u sameynta gobollo ku yaalla Koonfurta iyo Galbeedka Soomaaliya.

Xarunta uu shirku ka socdo ee ADC-da Baydhabo oo horay u ahayd xaruntii baarlamaankii dowladdii KMG ahayd ee Soomaaliya oo uu hoggaaminayay marxuum Col. C/llaahi Yuusuf Axmed ayaa waxaa hadda ku sugan ciidammo ka tirsan AMISOM oo ammaankiisa sugaya.

“Tallaabada ay ciidanka AMISOM kula wareegeen xarunta uu shirka maamul maamul u sameynta Koonfurta iyo Galbeedka Soomaaliya ay la wareegeen ayaa timid kaddib kulan ay dhawaan Baydhabo ku yeesheen ergooyinka shirka ka qaybgalaya iyo wakiilka Midowga Afrika ee arrimaha Soomaaliya, Maxamed Saalax Al-Nadiif ,” sidaa waxaa warbaahinta u sheegay Malaaq Cali C/raxmaan Shiino oo ka mid ah xubnaha hoggaanka u haya shirkan.

Arrintan ayaa kusoo beegmaysa xilli magaalada Baydhabo ay ku qulqulayaan qaar ka mid ah ergooyinka ka qaybgalay shirka, kuwaasoo ka tagay qaybo ka mid ah dalka iyo kuwo ka yimid dalka dibaddiisa.

Sidoo kale, Cali Shiino ayaa sheegay in wajiga koowaad ee shirka dhawaan la soo gaba-gabeyn doono, isla markaana la gudo-geli doono qaybtii labaad ee shirka oo lagu dhisayo maamul ay yeelanayaan gobollo lix ah oo ku yaalla Koonfurta iyo Galbeedka Soomaaliya.

Ergayga Midowga Afrika ee arrimaha Somalia ayaa toddobaad ka hor magaalada Baydhabo ku tahay booqasho hal maalin ah, isagoo booqday xarunta uu shirku ka socdo halkaasoo uu kulammo kala duwan kula qaatay ergooyinka shirka ka qayb-galaya, inkastoo waxyaabihii shirkaas looga hadlay aan lawada shaacin.

Waa markii ugu horreysay oo ciidamada ka socda AMISOM ay la wareegaan xarun uu shir uga socdo ergooyin Soomaaliyeed, iyadoo goobta uu shirkan ka socdo uu horay u booqday guddoomiyaha baarlamaanka Soomaaliya iyo wafdi xildhibaanno ah oo uu hoggaaminayay.

Dhanka kale, waxaa lagu wadaa in toddobaadka soo socda uu gaaro magaalada Baydhabo, xildhibaan Shariif Xasan Sheekh Aadan oo la sheegay inuu doonayo inuu Baydhabo ka furo shir bar-bar socda shirka hadda ka socda oo lagu dhisayo maamul-goboleed ay yeeshaan saddex ka mid ah gobollada ku yaalla Koonfurta iyo Galbeedka Soomaaliya.

Ciidamada AMISOM ee ku sugan Baydhabo ayaa ka socda dalalka Uganda iyo Burundi oo qaybta hore kaga jira howlgalka nabad ilaalinta Soomaaliya oo hoos-taga ururka Midowga Afrika. Iyadoo taliska AMISOM uusan weli ka hadlin arrintan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
11/27/2013 11:21 AM EST
Arbaco, November 27, 2013 (HOL) — Waxaa maanta xarunta Jaamacadda Hormuud ee magaalada Muqdisho lagu soo gaba-gabeeyey bandhig-dhaqameed socday muddo todobaad ah kaasoo ay ka qaybgaleen ardayda wax ka barta kulliyadaha kala duwan ee jaamacadda.

11/27/2013 10:51 AM EST
Arbaco, November 27, 2013 (HOL) — Ra'iisul wasaare ku xigeenka Soomaaliya, ahna wasiiradda arrimaha dibadda Soomaaliya, Fowziyo Yuusuf Xaaji Aadan oo maalmahan ku sugnayd Brussels oo ay uga qaybalaysay shir horumarinta caalamka ayaa sheegtay inuu caalamku uu diyaar u yahay inuu Soomaaliya ka caawiyo dhinacyada horumarinta iyo dib u dhiska dalka, balse ay tahay inaan innagu u diyaar-garowno sidii aan kaalmooyinkaas uga faa’iideysan lahayn.

11/27/2013 10:25 AM EST
Arbaco, November 27, 2013 (HOL) — Magaalada Gaalkacyo ee xarunta gobolka Mudug waxaa lagu qabtay maanta munaasabad ballaaran oo lagu soo dhaweeyay xubno isugu jiray fannaaniin iyo ruug-cadaayaal isboorti oo Soomaaliyeed, kuwaasoo maalmahanba ku sugunaa Gaalkacyo.

11/27/2013 10:06 AM EST
Arbaco, November 27, 2013 (HOL) — Hayadaha bisha Cas ee Soomaaliyeed iyo ICRC ayaa sheegay inay gargaar kala duwan cunno iyo agabta guryaha isugu jiray gaarsiiyay dadkii ay sameeynta xooggan ku yeelatay duufaantii dhawaan ku dhufatay qaar ka mid ah deegaannada Puntland iyo dadkii ku barakacay fatahaadihii webiga Shabeelle uu ka geystay daafaha degmada Jowhar ee xarunta gobolka Shabeellada dhexe.

11/27/2013 8:43 AM EST
Arbaco, November 27, 2013 (HOL) — Waxaa maanta dib ugu soo laabtay magaalada Beledweyne ee xarunta gobolka Hiiraan ciidamo ka tirsan maamulka gobolka oo tababar soconayay mudo ku dhaw labo bilood ku soo dhameystay magaalada Muqdisho.

11/27/2013 7:05 AM EST
Arbaco, November 27, 2013 (HOL) — Wararka naga soo gaaraya deegaanka God-qaboobe ee gobolka Sool ayaa sheegaya in halkaa maanta uu dagaal muddo qaatay ku dhexmaray dhinacyo kawada tirsan maamulka Khaatumo.

11/27/2013 6:52 AM EST
Arbaco, November 27, 2013 (HOL) — Ilaahay ha u naraxiistee waxa maanta Aas Qaran loogu sameeyey magaaladda Hargeysa, Axmed Maxamed Aadan (Qaybe) oo ahaa siyaasi ruug cadaa oo taariikh ku dhex lahaa ummadda Soomaaliyeed.

11/27/2013 6:44 AM EST
Arbaco, November 27, 2013 (HOL) — Madaxweyne ku xigeenka maamulka Puntland, Jen. Cabdisamad Cali Shire ayaa dib ugu soo laabtay magaalada Garoowe ee xarunta maamulka Puntland, kaddib 36-maalmood oo safarro uga maqnaa.

11/27/2013 6:24 AM EST
Arbaco, November 27, 2013 (HOL) — Cudur aan la garanayn ayaa in 40-qof ka badan ku dilay ku dilay deegaano ka tirsan Gobolka Hiiraan, gaar ahaan deegaannada Ceel-cali iyo Buqda oo 75-km u jira magaalada Baladweyne, sida uu sheegay dhakhtar ku sugan Baladweyne.

11/27/2013 5:22 AM EST
Arbaco, November 27, 2013(HOL) :- Munaasibad ka dhacday Hotel Qiilmawaaye ee magaalada Kismaayo ayaa lagu doortay Gudoomiyaha xiriirka Kubadda Cagta ee gobolka J/hoose, waxaana xafladani goobjoog ka ahaa masuuliyiinta ugu sareeysa ee maamulka Jubba.

11/27/2013 5:19 AM EST
Arbaco, November 27, 2013 (HOL) — Afar qof ayaa ku dhaawacmay kaddib markii u shil ka dhacay isgoyska madaxtooyada Soomaaliya ee Muqdisho, kaddib markii ay nalalka kala haga gaadiidka ee Samaafaraha loo yaqaan ay bixiyaan amarro khaldan.

11/27/2013 1:14 AM EST
Arbaco, November 27, 2013 (HOL) — Wasaaradda gaashaandhigga dalka Sierra Leone oo ay ciidammo kaga sugan yihiin Somalia ayaa sheegtay in laba bilood aysan ciidamadooda qaybta ka ah AMISOM helin wax mushaaraad ah, ayna u baahan yihiin lacago ay howlahooda kusii wadaan.

11/27/2013 12:57 AM EST
Arbaco, November 27, 2013 (HOL) — Ra'iisul wasaare ku xigeenka xukuumadda Somalia ahna wasiirka arrimaha dibadda Soomaaliya, Fowziyo Yuusuf Xaaji Aadan iyo wafdi ay hoggaaminayso oo baryahan ku sugnaa Brussels ayaa maanta soo gaba-gabeynaya shirka ay halkaas uga qayb-galayaan kasoo looga hadlayo horumarinta caalamka.

11/27/2013 12:45 AM EST
Arbaco, November 27, 2013 (HOL) — Guddoomiyaha baarlamaanka Somalia, Maxamed Sheekh Cismaan (Jawaari) ayaa digniintii ugu dambeysay u diray xildhibaannada ka maqan fadhiyada baarlamaanka Soomaaliya, isagoo sheegay in xildhibaankii ay kulammada soo xaadirin ay u arkayaan mid ka dhuumanaya shaqadiisa.

11/27/2013 12:43 AM EST
Arbaco, November 27, 2013 (HOL) — Wasiirka warfaafinta, isgaarsiinta iyo gaadiidka, Cabdullaahi Ciilmooge Xirsi ayaa kormeer ku tagay madbacaddii Qaranka oo ku taalla degmada Shingaani ee gobolka Banaadir, taasoo ay hadda deggen yihiin dad shacab ah, waxaana ujeeddada socdaalka ay ahayd in la dar-dargeliyo dib u soo nooleynta Madbacada Qaranka Soomaaliya.