3/28/2024
Today from Hiiraan Online:  _
Wararka Maanta- Arbaco, May 8 , 2013
Madaxweyne Xasan Sheekh oo la kulmay Jaaliyadda Soomaaliyeed ee magaalada London


Arboco, May 8, 2013 (HOL) - Madaxweyne Xasan Sheekh Maxamuud iyo wafdigii uu hogaaminayey oo maalmahaan booqasho ku joogay magaalada Lodnon ayaa kulan la qaatay jaaliyadda Soomaaliyeed ee ku nool magaalada London ee dalka Britain.

Kulankaas oo ka dhacay hoolka Westminister ee bartamaha magaalada London ayaa waxaa ka soo qayb-galay dhammaan jaaliyadda Soomaaliyeed ee magaalada London.

Inta aysan hoolka soo galin madaxweyne Xasan Sheekh iyo wafdigiisa ayaa waxaa halkaas heeso wadani iyo guubaabo ah halkaas ka jeediyey fannaaniin caan ah oo ay ka mid-yihiin Maryan Mursal iyo Axmed Naaji Sacad. Waxaase xusid mudan wiil yar oo sideed jir ah  magaaladaan Londona ku dhashay oo halkaas ka aqriyey gabaygii Suldaan Timcade ee caan baxay haldhiga "Dugsi maleh Qabyaaldi waxay dumiso mooyaane"

Madaxweyne Xasan Sheekh Maxamuud ayaa qudbadiisa waxay u badneyd ahmiyadda ay leedahay in ammaanka dalka la sugo. Wuxuuna sheegay in dhibaatada dalka ay sal u tahay ammaan darrida ka jirta dalka. Madaxweyne Xasan Sheekh ayaa uga mahadceliyey dowladda iyo shacabka dalka Britain kaalmada hagar la'aanta ah oo ay siinayaan dalka Soomaaliya.

 "Dal burbur intaa la eg ku dhacay kaligii kama soo kabsan karo. Wuxuu mar walba u baahan yahay kaalmo shisheeye. Soomaaliya waxay maanta taagantahay halkii ay wadamada Yurub joogaan 1945. Burburkii dheeraa ee uu geestay dagaalkii labaad ee adduunka. Waxaase Soomaaliya u sii dheer argagixiso iyo burcad badeed. " ayuu yiri Madaxweney Xasan Sheekh.

Qudbadda Madaxweynaha ka hor ayaa waxaa halkaas ka hadlay Duqa magaalada Moqdisho Maxamuud Axmed Nuur Tarzan oo warbixin kooban ka bixiyey xaaladda magaalada Moqdisho. "Moqdisho dhibaatadii iyo rafaadkii waa ka baxday, magaalada dhismo ayaa ku socoda. Ha sugana in dad kale wax idiin dhiso. Horumarka Xamar adinka ayuu indin sugayaa" ayuu hadalkiisii ku soo gabagabeeyey mudane Tarsan.

Waxaa sidoo kale aydna halkaas ka hadashay Wasiiradda arrimaha dibadda ee Soomaaliya Fowzia Adan oo si wanaagsan uga warbixisay wasaaradda ay madaxda ka tahay iyo dhibaatooyinka hor-yaal.













Click here
5/8/2013 2:47 PM EST
Arbaco, May 08, 2013 (HOL) — Degmada Baydhabo ayaa waxaa ka dhacay gallabta dagaal u dhexeeya ciidamada maamulka gobolka iyo ciidammo ka yimid jiidaha hore ee dagaalka, kuwaasoo dhawaanahan kusoo qulqulayay gudaha degmada, waxaana maamulku uu ku eedeeyay ciidamadan inay ku kacaan falal ay shacabka ku dhibaateynayaan oo uu ka mid yahay dhaca.

5/8/2013 2:36 PM EST
Arbaco, May 08, 2013 (HOL) — Ugu yaraan laba qof oo shacab ah ayaa ku dhintay afar askarina way ku dhaawacmeen bam-gacmeed lagu weeraray ciidammo ka tirsan milateriga Soomaaliya oo ku sugnaa degmada Yaaqshiid ee gobolka Banaadir.

5/8/2013 1:36 PM EST
Arbaco, May 08, 2013 (HOL) —Kuwait ayaa ugu deeqday Soomaaliya lacag gaaraysa 13-milyan oo doollar, taasoo qayb ka ah qorshaha lagu doonayo in Soomaaliya lagu caawiyo, iyadoo sheegtay in lacagtan ay ugu talogashay dib u dhiska Soomaaliya.

5/8/2013 1:34 PM EST
Arbaco, May 08, 2013 (HOL) — Ugu yaraan 55-qof oo ay ku jiraan saraakiil ka tirsan booliiska iyo maxaabiis ayaa lagu dilay weerar ay kooxda islaamiga ah ee Boko Haram ay ku qaaday gobol ku yaalla waqooyi-dalka Nigeira oo lagu magacaabo Borno.

5/8/2013 8:41 AM EST
Arbaco, May 08, 2013 (HOL) — Maamulka Somaliland ayaa soo dhaweeyay go’aannadii kasoo baxay shirkii London lagu qabtay shalay oo Salaaso ahayd kaasoo looga hadlayay horumarinta Soomaaliya iyo sidii beesha caalamku ay isku garab-taagi lahayd Soomaaliya si dib loogu soo celiyo sharciga iyo kala-dambeynta.

5/8/2013 8:40 AM EST
Arbaco, May 08, 2013 (HOL) — Mas'uuliyiinta maamulka gobollka Hiiraan ayaa ka gudoomay taliyaha ciidamada Jabuuti ee howlgalka midowgga Africa AMISOM Col Cismaan Dubad deeq la soo gaarsiiyay ciidamada maamulka gobolka Hiiraan.

5/8/2013 5:32 AM EST
Arboco, May 8, 2013 (HOL) - Madaxweynaha Soomaaliya ayaa ka qayb-galay shir looga hadlayey sidii ganacstada Soomaaliya iyo ganacsatada dalka Britain ay uga wada faa'iideysan lahaayeen fursadaha dhaqaale ee ka jira dalka Soomaaliya.

5/8/2013 3:46 AM EST
Arbaco, 08 May, 2013(HOL) :- Shacabka ku dhaqan magaalada Kismaayo ee xarunta gobolka J/hoose ayaa ka cabanayo sare u kac xooggan oo ku yimid qiimaha lakala siisto noocyada kala duwan ee khudaarta kadib markii ay roobab xireen wadadii ay soo mari jireen gaadiidkii qudradda ka keeni jira deegaanada gosha ee gobolka J/hoose.

5/8/2013 3:38 AM EST
Arbaco, May 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa ka hadlay qorshayaasha xukuumadda ee dhinacyada sugidda ammaanka, cadaaladda iyo dib u habeynta dhaqaalaha dalka isagoo xusay in dowladdu ay xoogga saari doonto hirgelinta qodobbadan oo dhan.

5/8/2013 3:06 AM EST
Arbaco, May 08, 2013 (HOL) — Guddoomiyaha xaafadda Howl-wadaag ee degmada Baydhabo ee xarunta gobolka Bay, Khaliif Ibraahim ayaa lagu dhaawacay bam-gacmeed xalay lagu weeraray gurigiisa, iyadoo dhaawaca gaaray la sheegay inuu yahay aad u culus, waxaana la dhigay isbitaalka weyn ee Baydhabo halkasoo lagu daweynayo.