3/28/2024
Today from Hiiraan Online:  _
Wararka Maanta- Arbaco, May 8 , 2013
Maamulka Gobolka Hiiraan oo la Guddoonsiiyay Deeq ka timid Madaxweyne Ismaaciil Cumar Geelle (SAWIRRO)


Arbaco, May 08, 2013 (HOL) — Mas'uuliyiinta maamulka gobollka Hiiraan ayaa ka gudoomay taliyaha ciidamada Jabuuti ee howlgalka midowgga Africa AMISOM Col Cismaan Dubad deeq  la soo gaarsiiyay ciidamada maamulka gobolka Hiiraan.

Col. Cismaan Dubad taliyaha ciidamada Jabuuti ee AMISOM oo ugu horeyn ka hadllay munaasabad lagu qabtay xerada ciidamada Lama-galaay ee magaalada Baladweyne, ayaa sheegay in deeqdan la soo gaarsiiyay ciidamada si toos ah uga timid madaxweynaha dalka Jabuuti Ismaaciil Cumar Geelle oo sida uu sheegay ku farxay howlaha kala duwan ee ka socda magaalad gaar ahaan wax ka qabashada nabad-galyada oo siweyn leysugu howllay.

“Deeqdan waxaa ay ka kooban tahay dareys Isboorti, kabo iyo tuute loogu talagalay ciidamada, waxaana ku deeqay madaxweynaha dalka Jabuuti Ismaaciil Cumar Geelle oo runtii siweyn ugu qancay dadaalka ballaaran ee maamulka gobollka iyo ciidamada oo iskaashanaya loogu jiro sugida amniga,'' ayuu yiri Col Cismaan Dubad.

Taliyaha ciidamada dowladda Jabuuti ee AMISOM Col Cismaan Dubad ayaa ku wareejiyay deeqda ka timid madaxweynaha dalka Jabuuti guddoomiyaha maamulka gobollka Hiiraan Cabdi Faarax Laqanyo.

Guddoomiyaha oo munaasabad ka hadllay ayaa u mahad celiyay madaxweynaha dalka Jabuuti iyo guud ahaan shacabka dalkaas oo sida uu hadalka u dhigay is bar bartaag iyo walaalnimo dhab ah u muujiyay shacabka Soomaaliyeed waqtigii adkaa ee la soo maray, waxaana uu sheegay in deeqdan sare u qaadi doonto niyada ciidamada.

“Jabuuti iyo Soomaaliya xiriir ka dhaxeeya waa mid ka fog kana qota dheer kan dowladdaha kale aan la leenahay, waayo waa dad walaal ah oo aan wax kasta wadaagno, sidaa daraadeed mar walba waan xasuusan doonaa sida uga damqanayaa shacabka walaalahood ah ee Soomaaliyeed, waana uga mahad celinayaa madaxweynaha dalka Jabuuti kaalamadan uu ugu deeqay ciidamada.

Waxaa uu ku booriyay ciidamada maamulka gobollka in dareyska loogu deeqay ka faa'ideystaan, madaama ayu yiri askarigu marnaba ka maarmin jir dhiska iyo cayaaraha oo qeyb weyn ka qaadaneya caafimaadka.

“Sababta dareyskan Isboorti leydinku deeqay waa in Askariga iyo cayaaruhu marnaba kala marmin, sidaa daraadeed waan in aad ka faa'ideystaan oo waqtiyada aad fursada leedihiin jir dhis sameysaan, taasoo xitaa sahli karta in aad ka hartaan balwada qeybaheeda kala duwan,'' ayuu yiri guddoomiyaha gobollka Hiiraan.

Guddoomiyaha gobollka ayaa dhinaca kale uga mahad celiyay ciidamada maamulka gobollka Hiiraan sida wanaagsan oo ay uga qeyb-qaateen howlgalkii maalmihii ugu danbeeyay laga sameeyay xaaafaddaha magaalada Baladweyne oo lagu soo qab-qabtay hub iyo dad la tuhusan yahay.

Ugu dambeyn, isla munaasabadda ayaa loogu qeybiyay ciidamada deeqda ka timid madaxweynaha dalka Jabuuti Ismaaciil Cumar Geelle, waxaana ay halkaa ku soo bandhigeen ciidamada suugaan iyo erayo ay ku boogaadinayaa dowladda Jabuuti.



C/raxmaan Diini, Hiiraan Online
[email protected]
Baladweyne, Soomaaliya













Click here
5/8/2013 3:21 PM EST
Arboco, May 8, 2013 (HOL) - Madaxweyne Xasan Sheekh Maxamuud ayaa dhawaan la filayaa in kulan la qaato Jaaliyadda Soomaaliyeed ee magaalada London.

5/8/2013 2:47 PM EST
Arbaco, May 08, 2013 (HOL) — Degmada Baydhabo ayaa waxaa ka dhacay gallabta dagaal u dhexeeya ciidamada maamulka gobolka iyo ciidammo ka yimid jiidaha hore ee dagaalka, kuwaasoo dhawaanahan kusoo qulqulayay gudaha degmada, waxaana maamulku uu ku eedeeyay ciidamadan inay ku kacaan falal ay shacabka ku dhibaateynayaan oo uu ka mid yahay dhaca.

5/8/2013 2:36 PM EST
Arbaco, May 08, 2013 (HOL) — Ugu yaraan laba qof oo shacab ah ayaa ku dhintay afar askarina way ku dhaawacmeen bam-gacmeed lagu weeraray ciidammo ka tirsan milateriga Soomaaliya oo ku sugnaa degmada Yaaqshiid ee gobolka Banaadir.

5/8/2013 1:36 PM EST
Arbaco, May 08, 2013 (HOL) —Kuwait ayaa ugu deeqday Soomaaliya lacag gaaraysa 13-milyan oo doollar, taasoo qayb ka ah qorshaha lagu doonayo in Soomaaliya lagu caawiyo, iyadoo sheegtay in lacagtan ay ugu talogashay dib u dhiska Soomaaliya.

5/8/2013 1:34 PM EST
Arbaco, May 08, 2013 (HOL) — Ugu yaraan 55-qof oo ay ku jiraan saraakiil ka tirsan booliiska iyo maxaabiis ayaa lagu dilay weerar ay kooxda islaamiga ah ee Boko Haram ay ku qaaday gobol ku yaalla waqooyi-dalka Nigeira oo lagu magacaabo Borno.

5/8/2013 8:41 AM EST
Arbaco, May 08, 2013 (HOL) — Maamulka Somaliland ayaa soo dhaweeyay go’aannadii kasoo baxay shirkii London lagu qabtay shalay oo Salaaso ahayd kaasoo looga hadlayay horumarinta Soomaaliya iyo sidii beesha caalamku ay isku garab-taagi lahayd Soomaaliya si dib loogu soo celiyo sharciga iyo kala-dambeynta.

5/8/2013 5:32 AM EST
Arboco, May 8, 2013 (HOL) - Madaxweynaha Soomaaliya ayaa ka qayb-galay shir looga hadlayey sidii ganacstada Soomaaliya iyo ganacsatada dalka Britain ay uga wada faa'iideysan lahaayeen fursadaha dhaqaale ee ka jira dalka Soomaaliya.

5/8/2013 3:46 AM EST
Arbaco, 08 May, 2013(HOL) :- Shacabka ku dhaqan magaalada Kismaayo ee xarunta gobolka J/hoose ayaa ka cabanayo sare u kac xooggan oo ku yimid qiimaha lakala siisto noocyada kala duwan ee khudaarta kadib markii ay roobab xireen wadadii ay soo mari jireen gaadiidkii qudradda ka keeni jira deegaanada gosha ee gobolka J/hoose.

5/8/2013 3:38 AM EST
Arbaco, May 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa ka hadlay qorshayaasha xukuumadda ee dhinacyada sugidda ammaanka, cadaaladda iyo dib u habeynta dhaqaalaha dalka isagoo xusay in dowladdu ay xoogga saari doonto hirgelinta qodobbadan oo dhan.

5/8/2013 3:06 AM EST
Arbaco, May 08, 2013 (HOL) — Guddoomiyaha xaafadda Howl-wadaag ee degmada Baydhabo ee xarunta gobolka Bay, Khaliif Ibraahim ayaa lagu dhaawacay bam-gacmeed xalay lagu weeraray gurigiisa, iyadoo dhaawaca gaaray la sheegay inuu yahay aad u culus, waxaana la dhigay isbitaalka weyn ee Baydhabo halkasoo lagu daweynayo.