3/28/2024
Today from Hiiraan Online:  _
Wararka Maanta- Arbaco, May 29, 2013
Wafdigii Golaha Wasiirrada oo Kismaayo Gudaha u Galay Kaddib Markii Afar Maamood ay ku Xayirnaayeen Garoonka

Arbaco, May 29, 2013(HOL) :- Wafdigii ka socday dowladda Soomaaliya ee maalmihii u danbeeyay ku sugnaa garoonka diyaaradaha Kismaayo ayaa maanta gudaha usoo galay magaalada, iyadoona wafdiga ay dageen Hotel Cascaseey oo ay hore ugu sugnaayeen xubno ka tirsan baarlamanka Soomaaliya.

Wafdigan oo mudo afar maalmood ah ku xayirnaa garoonka diyaaradaha Kismaayo ayaa maanta gudaha usoo galay magaalada, waxaana  wafdiga gelbinayay ciidamada AMISOM ee Kismaayo ku sugan iyo weliba askar ka tirsan ciidamada dowladda.

Masuuliyiin ka tirsan maamulka Kismaayo  garabka uu hogaamiyo Sheekh Axmed Madoobe oo dhawaan warbaahinta la hadlay ayaa sheegay in wafdigan aysan soo geli karin magaalada, iyagoona ku eedeeyay dowladda Soomaaliya in wafdi ay Kismaayo usoo dirtay iyada oo aan soo wargelin maamulka ka jira magaalada.

Wafdiga ayaa imika ku sugan Hotel Cascaseey oo ay hore ugu deganaayeen gudigii ay xukuumadda Soomaaliya usoo dirtay arimaha Jubooyinka, kuwaasoo mudooyinkii u danbeeyay waday kulamo ay la yeelanayeen odoyaasha beelaha dega Juboooyinka, saraakiisha ciidamada iyo weliba dhinacyada isku haya siyaasadda Jubooyinka.

Wafdiga ayaa la filayaa in ay kulamo la qaataan Madaxda maamulka Kismaayo iyo weliba masuuliyiinta kale ee iyagu sheeganaya madaxtinimada Jubbaland.

Xukuumadda Soomaaliya ayaa hore u cadeeysay mowqifkeeda ku aadan arimaha Jubooyinka, waxaana dowladda Soomaaliya ay si cad u sheegtay in aysan aqoonsanayn madaxweeyneyaasha looga dhawaaqay Jubooyinka.

Dhinaca kale waxaa goor dhawayd hawada laga saaray isgaarsiintii magaalada Kismaayo, waxaana ilaa imika la ogeyn sababaha rasmiga ah ee ka danbeeyay in isgaarsiinta la jaro.

Xaaladihii ugu danbeeyay ee magaalada Kismaayo waxaan haduu rabbi qadaro idinku soo gudbin doonnaa wararkeena danbe.

Xasan Nuur, Hiiraan Online
[email protected]
Kismaayo-Soomaaliya













Click here
5/29/2013 4:07 PM EST
Arbaco, May 29, 2013 (HOL) — Xildhibaan ka mid ah xildhibaanadad golaha deegaanka Hargeysa, ayaa la sheegay inuu xalay magaaladda Hargeysa ku toogtay nin shacab, kaas oo markiiba halkii ku geeriyooday.

5/29/2013 4:00 PM EST
Arbaco, May 29, 2013 (HOL) — Xukuumadda Soomaaliya ayaa maanta u gudbisay golaha baarlamaanka Soomaalia, hidsayaal sharciyeedyo ku saabsan, habka dhismaha maamul goboleedyada, la dagaalanka argagaxisada iyo xuduudaha.

5/29/2013 11:08 AM EST
Arbaco, May 29, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in ayaa sheegay inuu ku kalsoon yahay in kooxda Al-shabaab oo dagaal kula jirta ciidamada dowladda Soomaaliya iyo kuwa taageera ee AMISOM.

5/29/2013 10:56 AM EST
Arbaco, May 29, 2013 (HOL) — Kulan xasaasi ah oo maanta ay ku yeesheen magaalada Baladweyne ee xarunta gobolka Hiiraan, siyaasiyiinta, aqoonyahannada, saraakiisha ciidamada, waxgaradka iyo odayaasha dhaqanka ka soo jeeda beesha Xawaadle ayaa laga sheegay in beesha kalsoonidii kala noqtay dowladda federaalka Soomaaliya, iyaga oo eedeyn balaaran u jeediyay wasiirrka wasaarrada arrimaha gudaha iyo amniga Qaranka xukuumada Soomaaliya C/kariiin Xusseen Guuleed.

5/29/2013 8:28 AM EST
Arbaco, May 29, 2013 (HOL) — Hay’adda xuquuqda aadanaha ee Human Rights Watch ayaa warbixin ay maanta soo saartay ku sheegtay in ciidanka Kenya ay tacdiyo isugu jira kufsi, jirdil iyo xarig aan xad lahayn ay kula kaceen 1,000 ruux oo qoxootiga Soomaaliyeed ee ku nool magaalada Nairobi ee xarunta dalka Kenya intii u dhexeysay bilaha November 2012 illaa Jannaayo 2013.

5/29/2013 7:56 AM EST
Arbaco, May 29, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa maanta u dhoofay dalka Jabaan halkaasoo uu kaga qaybgalayo shir looga hadlayo arrimaha Soomaaliya iyo shir looga hadlayo horumarinta Qaaradda Afrika.

5/29/2013 7:34 AM EST
Arbaco, May 29, 2013 (HOL) — Kooxo hubeysan oo aan la garanayn ayaa ku dilay maanta xaafadda Suuq Bacaad ee degmada Yaaqshiid guddoomiye waaxeed ka tirsan degmadaas, sida uu saxaafadda u sheegay guddoomiyaha degmada Yaaqshiid, Muxyadiin Xasan Jurrus.

5/29/2013 7:04 AM EST
Arbaco, May 29, 2013(HOL):Magaalada Addis Ababa ee dalka Itoobiya ayaa waxaa lagu qabtay shirweynaha suxufiyiinta Bariga Afrika halkaas oo ay isugu yimaadeen 11-ka dal ee la isku yiraahdo Bariga Afrika.

5/29/2013 6:55 AM EST
Arbaco, May 29, 2013 (HOL) — Madaxweynaha Kenya ayaa walaac xooggan ka muujiyay dilalka ay Al-shabaab ka geysanayso gudaha dalkiisa ugu geysanayana dadka Kenyanka ah, isagoo sheegay in dowladdiisu ay qaadi doonto taallaabooyin ay dadkeeda ku difaacayso.

5/29/2013 6:35 AM EST
Arbaco, May 29, 2013 (HOL) — Dagaal u dhexeeya ciidamada dowladda Soomaaliya iyo kuwa AMISOM iyo Al-shabaab ayaa xalay siyaabo kala duwan uga dhacay degmada Baydhabo iyo deegaanka Goof-guduud oo ku yaalla duleedka Baydhabo ee xarunta gobolka Bay.

5/29/2013 6:08 AM EST
Arbaco, May 29, 2013 (HOL) — Dhab ahaan looma oga waqtiga rasmiga ah ee la dhisay ama dhidibada loo taagay Masjidul-Jaamacada magaalada Baladweyne, laakiiin waxaa leysku raacsan yahay in uu dhisan yahay in ka badan 107 sano, sida ay qiyaas ku sheegeen waayo joogii magaalada Baladweyne ee Diinta ka bartay ama ka raacday Masjidka oo ku caan-baxay magaca {Masjidka Bardaha}.