3/28/2024
Today from Hiiraan Online:  _
Wararka Maanta- Arbaco, May 29, 2013
Soomaaliya oo Mar Kale loo Doortay inay Hoggaamiso Ururka EAJA oo ay ku mideysan yihiin Suxufiyiinta Bariga Afrika (SAWIRRO)


Arbaco, May 29, 2013(HOL):Magaalada Addis Ababa ee dalka Itoobiya ayaa waxaa lagu qabtay shirweynaha suxufiyiinta Bariga Afrika halkaas oo ay isugu yimaadeen 11-ka dal ee la isku yiraahdo Bariga Afrika.

Ururrada shirka ka qeyb galayay ayaa waxay matalayeen suxufyiinta dalalka kala ah Sudan, Rwanda, Burundi, Kenya, Tanzania, Uganda, Somalia, South Sudan, Ethiopia, Djibouti iyo Seychelles.

Shirweynaha oo ay ka qeyb galeyeen madaxsare oo ka socota ururka suxufiyiinta adduunka ee la yiraahdo IFJ ayaa waxaa looga hadlay waxqabadka ururka suxufiyiinta Bariga Afrika oo loo yaqaano EAJA iyo xaaladaha ay ku shaqeeyaan suxufiyinta Bariga Afrika. Shirka waxaa ka qeyb galay wasiirka waraafinta ee dalka Itoobiya Bereket Simon iyo madax kale oo ka socota midowga afrika iyo IGAD.

Dalka Soomaaliya waxaa kulanka uga qeyb galay wafdi ka socda ururka qaranka suxufiyiinta Soomaaliyeed ee NUSOJ oo kala ahaa Cumar Faaruuq Cusmaan, Xoghayaha Guud ee NUSOJ, Axmed Maxamud Mohamed Shaam, Xoghayaha Arrimaha Shaqada iyo Cabdweli Xasan Cabdi Gooni oo ah Xiriiriyaha NUSOJ ee Puntland.


Shirweynaha ayaa waxaa looga hadlay xaaladda ay ku shaqeynayaan suxufiyiinta Soomaaliyeed iyo xagdugubyada ka dhanka ah suxufiyiinta iyadoo lagu taageeray dadaalka ururka suxufiyiinta ee NUSOJ uu ugu jiro difaacitaanka suxuyiinta iyo saxaafadda Soomaaliya.

Gunaanadkii shirka ayaa ergada ka qeyb galaysa shirka waxaa ay isku wada raceen in Cumar faaruuq Cusmaan uu noqdo markale Xoghayaha Guud ee Ururka Suxufiyiinta Bariga Afrika oo ah urur goboleedka Bariga Afrika ee IFJ.

Muxudiin Axmed Idris Titawi oo u dhashay dalka Sudan ayaa isna loo doortay in noqdo guddoomiye halka Alexandre Niyungeko oo u dhashay dalka Burundi isna loo doortay in uu noqdo guddoomiye ku xigeenka koowaad ee ururka suxufiyiinta bariga afrika.


Guddoomiye Ku Xigeenka IFJ Gustavo Grenaro oo u dhashay dalka Argentina ayaa shirka ka jeediyay khudbad dheer isagoo ku ammaanay Cumar Faaruuq Cusmaan iyo hoggaanka intiisa kale doorka ay ka ciyaareen horumarinta saxaafadda Soomaaliya iyo midda gobolka.

Gabriel Baglo oo ah Agaasimaha Afrika ee UFJ ayaa isna ugu hambalyeeyay madaxda EAJA doorashada ay kusoo baxeen isaga oo balanqaaday in ay la shaqeyn doonaan si buuxda heer dal ahaan iyo mid gobol ahaanba.














Click here
5/29/2013 4:07 PM EST
Arbaco, May 29, 2013 (HOL) — Xildhibaan ka mid ah xildhibaanadad golaha deegaanka Hargeysa, ayaa la sheegay inuu xalay magaaladda Hargeysa ku toogtay nin shacab, kaas oo markiiba halkii ku geeriyooday.

5/29/2013 4:00 PM EST
Arbaco, May 29, 2013 (HOL) — Xukuumadda Soomaaliya ayaa maanta u gudbisay golaha baarlamaanka Soomaalia, hidsayaal sharciyeedyo ku saabsan, habka dhismaha maamul goboleedyada, la dagaalanka argagaxisada iyo xuduudaha.

5/29/2013 11:08 AM EST
Arbaco, May 29, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in ayaa sheegay inuu ku kalsoon yahay in kooxda Al-shabaab oo dagaal kula jirta ciidamada dowladda Soomaaliya iyo kuwa taageera ee AMISOM.

5/29/2013 10:56 AM EST
Arbaco, May 29, 2013 (HOL) — Kulan xasaasi ah oo maanta ay ku yeesheen magaalada Baladweyne ee xarunta gobolka Hiiraan, siyaasiyiinta, aqoonyahannada, saraakiisha ciidamada, waxgaradka iyo odayaasha dhaqanka ka soo jeeda beesha Xawaadle ayaa laga sheegay in beesha kalsoonidii kala noqtay dowladda federaalka Soomaaliya, iyaga oo eedeyn balaaran u jeediyay wasiirrka wasaarrada arrimaha gudaha iyo amniga Qaranka xukuumada Soomaaliya C/kariiin Xusseen Guuleed.

5/29/2013 8:28 AM EST
Arbaco, May 29, 2013 (HOL) — Hay’adda xuquuqda aadanaha ee Human Rights Watch ayaa warbixin ay maanta soo saartay ku sheegtay in ciidanka Kenya ay tacdiyo isugu jira kufsi, jirdil iyo xarig aan xad lahayn ay kula kaceen 1,000 ruux oo qoxootiga Soomaaliyeed ee ku nool magaalada Nairobi ee xarunta dalka Kenya intii u dhexeysay bilaha November 2012 illaa Jannaayo 2013.

5/29/2013 7:56 AM EST
Arbaco, May 29, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa maanta u dhoofay dalka Jabaan halkaasoo uu kaga qaybgalayo shir looga hadlayo arrimaha Soomaaliya iyo shir looga hadlayo horumarinta Qaaradda Afrika.

5/29/2013 7:34 AM EST
Arbaco, May 29, 2013 (HOL) — Kooxo hubeysan oo aan la garanayn ayaa ku dilay maanta xaafadda Suuq Bacaad ee degmada Yaaqshiid guddoomiye waaxeed ka tirsan degmadaas, sida uu saxaafadda u sheegay guddoomiyaha degmada Yaaqshiid, Muxyadiin Xasan Jurrus.

5/29/2013 7:30 AM EST
Arbaco, May 29, 2013(HOL) :- Wafdigii ka socday dowladda Soomaaliya ee maalmihii u danbeeyay ku sugnaa garoonka diyaaradaha Kismaayo ayaa maanta gudaha usoo galay magaalada, iyadoona wafdiga ay dageen Hotel Cascaseey oo ay hore ugu sugnaayeen xubno ka tirsan baarlamanka Soomaaliya.

5/29/2013 6:55 AM EST
Arbaco, May 29, 2013 (HOL) — Madaxweynaha Kenya ayaa walaac xooggan ka muujiyay dilalka ay Al-shabaab ka geysanayso gudaha dalkiisa ugu geysanayana dadka Kenyanka ah, isagoo sheegay in dowladdiisu ay qaadi doonto taallaabooyin ay dadkeeda ku difaacayso.

5/29/2013 6:35 AM EST
Arbaco, May 29, 2013 (HOL) — Dagaal u dhexeeya ciidamada dowladda Soomaaliya iyo kuwa AMISOM iyo Al-shabaab ayaa xalay siyaabo kala duwan uga dhacay degmada Baydhabo iyo deegaanka Goof-guduud oo ku yaalla duleedka Baydhabo ee xarunta gobolka Bay.

5/29/2013 6:08 AM EST
Arbaco, May 29, 2013 (HOL) — Dhab ahaan looma oga waqtiga rasmiga ah ee la dhisay ama dhidibada loo taagay Masjidul-Jaamacada magaalada Baladweyne, laakiiin waxaa leysku raacsan yahay in uu dhisan yahay in ka badan 107 sano, sida ay qiyaas ku sheegeen waayo joogii magaalada Baladweyne ee Diinta ka bartay ama ka raacday Masjidka oo ku caan-baxay magaca {Masjidka Bardaha}.