3/28/2024
Today from Hiiraan Online:  _
Wararka Maanta- Arbaco, May 29, 2013
Madaxweynaha dalka Kenya oo walaac ka muujiyay Weerarada ay Xoogaga Al-shabaab ka Geysanayaan Gudaha Kenya

Arbaco, May 29, 2013 (HOL) — Madaxweynaha Kenya ayaa walaac xooggan ka muujiyay dilalka ay Al-shabaab ka geysanayso gudaha dalkiisa ugu geysanayana dadka Kenyanka ah, isagoo sheegay in dowladdiisu ay qaadi doonto taallaabooyin ay dadkeeda ku difaacayso.

Hadalkan ayuu madaxweynaha Kenya ka sheegay shirkii Midowga Afrika eek ka dhacay Addis Ababa, isagoo xusay in mas’uuliyaddiisa koowaad ay tahay inuu difaaco nolosha iyo hantida dadka Kenyanka ah, si ay u helaan nabad-galyo ay howl-maalmeedkooda ku qabsadaan.

“Dowladda Kenya waxay diyaar u tahay inay ka qaybqaataan xaslinta iyo nabad kusoo dabaalidda Soomaaliya iyo geeska Afrika oo dhan,” ayuu yiri Uhuru Kenyatta oo la hadlayay madaxii Midowga Afirka.

Sidoo kale, wuxuu sheegay in dowladda Soomaaliya ay mas’uuliyad iska saarto sidii kooxaha dhibaatooyinka geysanaya aysan dalkooda uga soo bixi lahayd, sida ay dowladda Kenya uga qaybqadato xoojinta amniga iyo nabadda Soomaaliya.

“Nabadda iyo deggenaashaha Soomaaliya ma ahan mid dan u ah Soomaalida oo keliya, balse waa mid ay dani ugu jirto dadka Kenya iyo kuwa Geeska Afrika ku nool oo dhan,” ayuu hadalkiisa ku daray.

Kenyatta ayaa sheegay in go’aanka Kenya ee ay ku caawinayso Soomaaliya uu salka ku hayo waajibaadka shaqo ee AMISOM iyo midka ururka IGAD oo ay ku mideysan yihiin dalalka Geeska Afrika.

Madaxweynaha Soomaaliya ayaa shirkii Midowga Afrika ka sheegay in ciidamad Kenya ay u dhaqmeen si ka duwan sida uu yahay qorshe-howleedka ciidamada Midowga Afirka ee AMISOM oo ay Kenya qayb ka tahay.

Ugu dambeyn, madaxweynaha Kenya wuxuu sheegay in dalkiisa ay go’an tahay inay gacan ka geysato nabadda iyo xasilinta Soomaaliya oo dan ay ugu jirto dalalka geeska Afrika oo dhan.

Maalmo ka hor ayay xoogag taabacsan Al-shabaab waxay weerareen saldigyo ay ciidamada Kenya ku lahaayeen deegaanno ku dhow xuduudda ay wadaagaan labada dal, kaasoo ay ku dileen shan qof oo ay ku jireen lab aka mid ah saraakiisha booliiska Kenya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/29/2013 4:07 PM EST
Arbaco, May 29, 2013 (HOL) — Xildhibaan ka mid ah xildhibaanadad golaha deegaanka Hargeysa, ayaa la sheegay inuu xalay magaaladda Hargeysa ku toogtay nin shacab, kaas oo markiiba halkii ku geeriyooday.

5/29/2013 4:00 PM EST
Arbaco, May 29, 2013 (HOL) — Xukuumadda Soomaaliya ayaa maanta u gudbisay golaha baarlamaanka Soomaalia, hidsayaal sharciyeedyo ku saabsan, habka dhismaha maamul goboleedyada, la dagaalanka argagaxisada iyo xuduudaha.

5/29/2013 11:08 AM EST
Arbaco, May 29, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in ayaa sheegay inuu ku kalsoon yahay in kooxda Al-shabaab oo dagaal kula jirta ciidamada dowladda Soomaaliya iyo kuwa taageera ee AMISOM.

5/29/2013 10:56 AM EST
Arbaco, May 29, 2013 (HOL) — Kulan xasaasi ah oo maanta ay ku yeesheen magaalada Baladweyne ee xarunta gobolka Hiiraan, siyaasiyiinta, aqoonyahannada, saraakiisha ciidamada, waxgaradka iyo odayaasha dhaqanka ka soo jeeda beesha Xawaadle ayaa laga sheegay in beesha kalsoonidii kala noqtay dowladda federaalka Soomaaliya, iyaga oo eedeyn balaaran u jeediyay wasiirrka wasaarrada arrimaha gudaha iyo amniga Qaranka xukuumada Soomaaliya C/kariiin Xusseen Guuleed.

5/29/2013 8:28 AM EST
Arbaco, May 29, 2013 (HOL) — Hay’adda xuquuqda aadanaha ee Human Rights Watch ayaa warbixin ay maanta soo saartay ku sheegtay in ciidanka Kenya ay tacdiyo isugu jira kufsi, jirdil iyo xarig aan xad lahayn ay kula kaceen 1,000 ruux oo qoxootiga Soomaaliyeed ee ku nool magaalada Nairobi ee xarunta dalka Kenya intii u dhexeysay bilaha November 2012 illaa Jannaayo 2013.

5/29/2013 7:56 AM EST
Arbaco, May 29, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa maanta u dhoofay dalka Jabaan halkaasoo uu kaga qaybgalayo shir looga hadlayo arrimaha Soomaaliya iyo shir looga hadlayo horumarinta Qaaradda Afrika.

5/29/2013 7:34 AM EST
Arbaco, May 29, 2013 (HOL) — Kooxo hubeysan oo aan la garanayn ayaa ku dilay maanta xaafadda Suuq Bacaad ee degmada Yaaqshiid guddoomiye waaxeed ka tirsan degmadaas, sida uu saxaafadda u sheegay guddoomiyaha degmada Yaaqshiid, Muxyadiin Xasan Jurrus.

5/29/2013 7:30 AM EST
Arbaco, May 29, 2013(HOL) :- Wafdigii ka socday dowladda Soomaaliya ee maalmihii u danbeeyay ku sugnaa garoonka diyaaradaha Kismaayo ayaa maanta gudaha usoo galay magaalada, iyadoona wafdiga ay dageen Hotel Cascaseey oo ay hore ugu sugnaayeen xubno ka tirsan baarlamanka Soomaaliya.

5/29/2013 7:04 AM EST
Arbaco, May 29, 2013(HOL):Magaalada Addis Ababa ee dalka Itoobiya ayaa waxaa lagu qabtay shirweynaha suxufiyiinta Bariga Afrika halkaas oo ay isugu yimaadeen 11-ka dal ee la isku yiraahdo Bariga Afrika.

5/29/2013 6:35 AM EST
Arbaco, May 29, 2013 (HOL) — Dagaal u dhexeeya ciidamada dowladda Soomaaliya iyo kuwa AMISOM iyo Al-shabaab ayaa xalay siyaabo kala duwan uga dhacay degmada Baydhabo iyo deegaanka Goof-guduud oo ku yaalla duleedka Baydhabo ee xarunta gobolka Bay.

5/29/2013 6:08 AM EST
Arbaco, May 29, 2013 (HOL) — Dhab ahaan looma oga waqtiga rasmiga ah ee la dhisay ama dhidibada loo taagay Masjidul-Jaamacada magaalada Baladweyne, laakiiin waxaa leysku raacsan yahay in uu dhisan yahay in ka badan 107 sano, sida ay qiyaas ku sheegeen waayo joogii magaalada Baladweyne ee Diinta ka bartay ama ka raacday Masjidka oo ku caan-baxay magaca {Masjidka Bardaha}.