3/29/2024
Today from Hiiraan Online:  _
Wararka Maanta- Talaado, May 28, 2013
Kooxo Hubeysan oo Dhowr Ruux oo hal Qoys kasoo jeeda ku dilay Deegaan ku yaalla Koonfurta fog ee Gobolka Mudug

Talaado, May 28, 2013 (HOL) — Kooxo hubeysan ayaa ku toogtay shan qof oo qoys kasoo jeeda deegaan lagu magacaabo Laba-ceel oo ku yaalla Koonfurta gobolka Mudug, waxaana dadka la dilay ay isugu jireen aabbe, hooyo iyo caruur ay dhaleen.

Dilkan oo dhacay shalay gallinkii dambe ayaa wuxuu ahaa mid ay aad uga naxeen dadka ku nool deegaankaas, waxaana ka hadlay dilkan xildhibaan ka tirsan baarlamaanka maamul-goboleedka Galmudug.

Xildhibaan, Maxamuud Cali Salaad ayaa sheegay in dilkaas uu ahaa mid aad u fool xun oo ay geysteen kooxo hubeysan oo baxsaday, isagoo sheegay in deegaanka uu dilku ka dhacay oo ku dhow Bacaad-weyne ay illaa sannadkii 2009 ka taagnaayeen colaado beeleed.

“Dilkan waxaa loo geystay qoys reer guuraa ah, waxaana la dilay hooyadii qoyska, aabbihii iyo saddex caruur ah oo ay dhaleen mid kalena dhaawac ayaa kasoo gaaray,” ayuu yiri xildhibaanka oo la hadlayay idaacadda VOA-da isagoo ku sugan magaalada Gaalkacyo.

Wararka deegaanka laga helayo ayaa sheegaya inuu dhacay weerar aar-goosi ah oo aan la sheegin khasaaraha ka dhashay, iyadoo xildhibaanka oo arrintaas wax laga weydiiyayna inuu sheegay inuusan arrintaan hadda xaqiijin karin.

Xaaladda deegaankii uu dilkan ka dhacay ayaa aad u kacsanayd maanta waxaana laga dareemayay dhaqdhaqaaq ciidan oo u dhexeeya beeshii ay kasoo jeedeen qoyska la dilay iyo beeshii ay ka dhaseen kooxihii dilkaas geystay.

Deegaankan ayaa waxaa ka taagnaa muddo sannooyin ah dagaallo salka ku haya is-qabqabsi dhul inkastoo dhowr jeer oo hore la dhex-dhigay labadan beelood heshiisyo lagu joojinayo colaadda, inkstoo ay weli colaaduhu jiraan.

Ma ahan markii ugu horreysay oo deegaannadaas lagu dilo dad kasoo jeeda hal qoys, iyadoo sannadkii hore ay dhacday in deegaan ku dhow deegaanka ay mashaqadan ka dhacday lagu dilay saddex qof oo isku qoys ahaa.

Max’ed Xaaji Xuseen, Hiiraan Online
[email protected]
Muqdisho-Soomaaliya













Click here
5/28/2013 1:24 PM EST
Talaado, May 28, 2013 (HOL) — Shir ay kasoo qaybgaleen wufuud kakala timid caalamka oo isugu jira ganacsato,siyaasiyiin iyo shirakado Soomaali ah iyo ajaanib leedahay ayaa ka furmay magaalada Nairobi ee xarunta dalka Kenya.

5/28/2013 11:31 AM EST
Talaado, May 28, 2013 (HOL) — Waxaa maanta xarigga laga jaray dhisme casri ah oo laga dhisay magaalada Boosaaso ee xarunta gobolka Bari. Dhismahan oo muddo labo sano ah lawadey, waxaa iska leh shirkadda Iftin Group.

5/28/2013 11:26 AM EST
Talaado, May 28, 2013 (HOL) — Jaamacadda SIMAD ayaa maanta kusoo gabagabeysay bandhig loogu magacdaray toddobaadka dhaqanka (Cultural Week) oo Sabtidii ka billowday xarunta jaamacadda ee Muqdisho, halkaasoo lagu soo bandhigay tartamo isugu jiray dhaqan, diini iyo kuwa ciyaareed oo dhammaantood abaal-marinno lagu siiyay dadkii ku guuleystay.

5/28/2013 9:31 AM EST
Talaado, May 28, 2013 (HOL) — Diyaarad kuwa wax basaasa ah oo yar ayaa kusoo dhacday goor dhow duleedka degmada Buulo-mareer ee gobolka Shabeellada Hoose, halkaasoo ay gacanta ku hayso Al-shabaab.

5/28/2013 9:21 AM EST
Talaado, May 28, 2013 (HOL) — Isbitaalka guud ee magaalada Baladweyne oo ay ku jiraan ama jiifaan bukaano ka kooban qeybaha kala duwan ee bulshada ayaa waxaa soo food saartay xaalad adag oo dhinaca oo la xiriirta habsami u socodka howlaha caafimaadka, kadib markii dabayaaqdii sanadkii aynu soo dhaafnay ee 2012 ku dhawaaqday hay'adda MSF Swiss in ay joojisay howlihii caafimaad oo ay ka waday isbitaalka.

5/28/2013 8:46 AM EST
Talaado, May 28, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) ayaa maanta xafiiska ku qaabilay wafdi ka socday Qaramada Midoobay oo uu hoggaaminayey danjire Augustine Mahiga oo shaqadiisu ay ku eg-tahay bisha soo socda ee Juun.

5/28/2013 8:42 AM EST
Talaado, May 28, 2013 (HOL) — Xildhibaan Xoosh Jibriil oo kamid ah guddi ka koobnaa 16 xubnood ee ay dowladda Soomaaliya usoo xilsaartay arimaha Jubooyinka ayaa ka warbixiyay kulan ay maanta la qaateen masuuliyiinta maamulka Kismaayo.

5/28/2013 8:09 AM EST
Talaado, May 28, 2013 (HOL) — Ra’iisul wasaaraha Xukuumadda Somalia, Cabdi Faarax Shirdoon (Saacid) oo ay wehliyaan xubno ka tirsan golihiisa wasiirrada, guddoomiyaha gobolka Banaadir ahna duqa Muqdisho, xubno ka tirsan hay’adaha WHO, UNICEF, OCHA iyo mas’uuliyiin la socda waaxda caafimaadka dowladda ayaa ka qayb-galay xaflad lagu daah-furayey tallaalka cudurka halista ah ee dabeysha oo wajigiisii labaad maanta si rasmi ah uu u furmay Muqdisho.

5/28/2013 8:06 AM EST
Talaado, May 28, 2013 (HOL) — Sheekh Xasaan Xuseen oo ka mid ah culumada Soomaaliyeed islamarkaasina ah wadaad siweyn u taageersan xarakada Al-shabaab ee ka dagaalanta Soomaaliya ayaa cajalad maqal ah oo uu soo saaray ku baaqay in la dilo cid walba oo khilaaf ka dhex wada Mujaahidiinta oo uu ula jeedo Xarakada Al-shabaab.

5/28/2013 7:43 AM EST
Talaado, May 28, 2013 (HOL) — Madaxweynaha Soomaaliya, Xasan Sheekh Maxamuud oo maant dib ugu soo laabtay Muqdisho ayaa sheegay in dowladda Soomaaliya ay gogol u fidin doonto dadka ku nool gobollada Jubbooyinka si ay u sameystaan maamul ay iyagu raalli ka yihiin.

5/28/2013 3:40 AM EST
Talaado, May 28, 2013(HOL) :-Waxaa maalintii sedexaad garoonka diyaaradaha magaalada Kismaayo ku xayiran wafdi ka kooban wasiirro iyo saraakiil ciidan oo ay dowladda Soomaaliya usoo dirtay Magaalada Kismaayo ee xarunta gobolka J/hoose.