7/8/2020
Today from Hiiraan Online:  _
Wararka Maanta- Axad, May 26, 2013
Shir lagu Taageeray Go’aannadii Shirkii Ururka IGAD ee Maamul u smaeynta Jubbooyinka oo Muqdisho lagu Qabtay (SAWIRRO)



Axad, May 26, 2013 (HOL) — Kulan ay isugu yimaadeen wax-garadka kasoo jeeda gobollada Jubbooyinka, haweenka, culumada iyo dhallinyarada laguna taageerayay go’aannadii kasoo baxay shirkii IGAD ee maamul u sameynta Jubbooyinka ayaa maanta lagu qabtay Muqdisho.

Shirkan ayaa sidoo kale lagu taageeray in dowladda Soomaaliya ay Muqdisho ku qabato shir la isugu keenayo dhammaan dadka ku nool gobollada Jubbooyinka si loo dhiso maamul ay dadka gobolladaas ku nool u dhan yihiin.

Guddoomiyaha guddiga xiriirka Jubbooyinka iyo Gedo, Suldaan Cabdulqaadir Xaaji Maxamed (Luga-dheere) ayaa ujeedka shirka ku tilmaamay mid lagu taageerayo go’aannadii kasoo baxay shirkii madaxda IGAD ee Addis Ababa ka dhacay, isagoo xusay inay aad ugu faraxsan yihiin ayna taageerayaan in Jubbooyinka loo helo maamul u gaar ah isla markaana ku mideysan yihiin dadka deegaanka .

Maryan Maxamed Xuseen oo ka mid ahayd haweenkii kulankaas ka qayb-galay ayaa iyana sheegtay inay aad ugu faraxsan tahay go’aanka kasoo urur goboleedka IGAD, kaasoo ku saabsanaa maamul u sameynta Jubbooyinka iyo Gado, taasoo dowladda Soomaliya loo idmaday inay hoggaanka u qabato.

“Heshiiya waa ogol-nahaye… waxaana ka qaybgalaynaa sidii dib loogu sixi lahaa khaladaadkii dhacay, dowladdana waxaan ku taageeraynaa in hormuud ay u noqoto sidii maamullo loogu sameyn lahaa gobollada Jubbooyinka iyo Gedo,” ayay tiri Maryan Maxamed.

Xubnihii kale ee kulanka ka hadlay ayaa waxaa ka mid ahaa: Suldaan Hilowle, Suldhaan Maxamed Sheekh Axmed, Sheekh Nuur Colaad oo xildhibaan hore ahaa, Maxamed Cumar Guuleed iyo xubno kale, iyagoo dhammaantood sheegtay inay soo dhaweynayaan go’aannadii kasoo baxay shirkii IGAD.

“Gobollada Jubbooyinka waxay soo mareen dagaallo, mana la aqbali karo in dib loogu celiyo colaad, waxaan doonaynaa dib u heshiis ay beelaha oo dhan ka qaybgalaan, si ay u dhistaan maamul loo dhan yahay,” ayuu madasha ka sheegay Suldaan Luga-dheere.

Sheekh Nuur Colaad oo isna hadal kooban ka jeediyay kulanka ayaa sheegay in si buuxda u tageerayaan go’aannadii kasoo baxay shirkii IGAD oo ahaa in dowladda Soomaaliya ay hoggaanka u qabato maamul u sameynta gobollada Jubbooyinka iyo Gedo.

Kulankan taageerada ah ayaa kusoo beegmaya xili uu Kismaayo ka jira muran ka dhashay maamul halkaas looga dhawaaqay oo ay isku haystaan hoggaankiisa shan xubnood oo mid walba uu sheeganayo in isaga loo doortay hoggaaminta maamulka Jubaland.







Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/26/2013 8:16 PM EST
Wariye Ibraahim Cumar Baafo ayaa wareysi la yeeshay Sheekh Axmed Madoobe, Madaxweynaha Jubalanda ee dhawaan lagu doortay magaalada Kismayo.

5/26/2013 11:03 AM EST
Axad, May 26, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa ka hadlay maanta mowqifka dowladda Soomaaliya ee ku aaddan maamul u sameynta gobollada Jubbooyinka, isagoo sheegay in loo marayo qodobbo ay horay dowladdu u dejisay.

5/26/2013 9:53 AM EST
Axad, May 26, 2013 (HOL) — Wasiirradii xukuumadda Soomaaliya ee shalay ka baaqday safar ay ku tegi lahaayeen Magaalada Kismaayo ayaa maanta gaaray halkaas, iyadoo ay garoonka diyaaradaha kusoo dhaweeyeen xubno ka tirsan dowladda oo ku sugnaa Kismaayo.

5/26/2013 8:52 AM EST
Axad, May 26, 2013 (HOL) — Degmada Heliwaa ee gobolka Banaadir ayaa waxaa maanta ka dhacay kulan ay soo qabanqaabisay Hay'adda CCD oo looga hadlayay nabadda Soomaaliya, waxaana kulankaasi kasoo qyb-galay madax ka tirsan maamulka gobolka Banaadir, guddoomiyaha Heliwaa iyo dhallinyaro tiradoodu ka badan tahay 100-qof oo isugu jira rag iyo haween.

5/26/2013 7:50 AM EST
Axad, May 26, 2013 (HOL) — Kooxo hubeysan ayaa xadka ay wadaagaan Soomaaliya iyo Kenya ku dilay shan qof oo ay ku jiraan laba sarkaal oo ka tirsan booliiska dalka Kenay, sida ay maanta oo Axad ah sheegeen xubno ka tirsan booliiska Kenya.

5/26/2013 6:26 AM EST
Axad, 26 May, 2013(HOL) :- Waxaa maanta magaalada Kismaayo ka dhacay dibad bax ballaaran oo looga soo horjeedo madaxweeynaha dowladda Soomaaliya Mudane Xasan Sheekh Max’uud iyo weliba qodobadii kasoo baxa shirkii madaxda urur goboleedka IGAD ay ku yeesheen magaalada Adisababa ee dalka Itoobiya.

5/26/2013 3:32 AM EST
Axad, May 26, 2012(HOL) :- Dagaal culus ayaa xalay saqdii dhexe ka dhacay deegaanka Dhamaajaaleey oo ku yaal gudaha xadka ay Kenya ay la wadaagto Soomaaliya, waxaana dagaalkaasi uu u dhexeeya xoogagga Al-shabaab iyo cutubyo ka tirsan ciidamada Kenya oo ku sugnaa deegaankaasi.

5/26/2013 3:11 AM EST
Axad, May 26, 2013 (HOL) — Ciidamada booliiska Soomaaliya oo gacan ka helaya kuwa nabadsugidda iyo booliiska AMISOM ayaa howlgallo dad badan lagu qabqabtay ka sameeyay shalay xaafadda Buulo-xuubeey ee degmada Wadajir.