3/28/2024
Today from Hiiraan Online:  _
Wararka Maanta- Axad, May 26, 2013
Dibad Bax looga soo horjeedo Madaxweeynaha Dowladda Soomaaliya oo ka dhacay Magaalada Kismaayo (SAWIRRO}



Axad, 26 May, 2013(HOL) :- Waxaa maanta magaalada Kismaayo ka dhacay dibad bax ballaaran oo looga soo horjeedo madaxweeynaha dowladda Soomaaliya Mudane Xasan Sheekh Max’uud iyo weliba qodobadii kasoo baxa shirkii madaxda urur goboleedka IGAD ay ku yeesheen magaalada Adisababa ee dalka Itoobiya.

Shir dhawaan ka dhacay dalka Itoobiya ayay dalalka ku bahoobay urur goboleedka IGAD isku raaceen in dowladda Soomaaliya ay hormuud u noqoto arimaha maamul u sameynta dalka, iyadoona sidoo kale qodobadii la isku raacay ay kamid ahaayeen in dowladda Soomaaliya ay qabato shir dib u heshiisiin ah oo maamul KMG ah loogu dhisi doono Jubooyinka.

Boqollaal qof oo isugu jira rag, haween iyo carruur ayaa waxay socod dheer kusoo mareen wadooyinka waaweyn ee magaalada Kismaayo, iyagoona ku dhawaaqayay halku-dhigyo ay uga soo horjeedaan siyaasadda dowladda Soomaaliya ee arimaha Jubooyinka.

Qaar kamid ah dibadbaxayaasha oo warbaahinta la hadlay ayaa sheegay in dibadbaxan ay uga soo horjeedaan dowladda Soomaaliya iyo siyaasadeeda arimaha Jubooyinka, waxayna ugu baaqeen dowladda in ay faraha kala baxdo arimaha Jubooyinka.

Dibadbaxa ayaa kusoo dhamaaday jawi daganaan ah, mana jirin cid ka tirsan masuuliyiiinta Kismaayo oo la hadlay dibadbaxayaasha.

Dibadbaxan ayaa kusoo beegmaya xilli masuuliyiin ka tirsan maamulkii KMG ahaa ee Kismaayo ay shalay digniin u direen xildhibaanada iyo saraakiisha ciidowladda ee ku sugan Kismaayo, kuwaasoo ay ku eedeeyeen in ay kasoo horjeedaan maamulka Jubbaland garabka uu madaxweeynaha ka yahay Sheekh Axmed Max’ed Islaam (Axmed Madoobe).


Xasan Nuur, Hiiraan Online
[email protected]
Kismaayo-Soomaaliya













Click here
5/26/2013 8:16 PM EST
Wariye Ibraahim Cumar Baafo ayaa wareysi la yeeshay Sheekh Axmed Madoobe, Madaxweynaha Jubalanda ee dhawaan lagu doortay magaalada Kismayo.

5/26/2013 11:03 AM EST
Axad, May 26, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa ka hadlay maanta mowqifka dowladda Soomaaliya ee ku aaddan maamul u sameynta gobollada Jubbooyinka, isagoo sheegay in loo marayo qodobbo ay horay dowladdu u dejisay.

5/26/2013 9:53 AM EST
Axad, May 26, 2013 (HOL) — Wasiirradii xukuumadda Soomaaliya ee shalay ka baaqday safar ay ku tegi lahaayeen Magaalada Kismaayo ayaa maanta gaaray halkaas, iyadoo ay garoonka diyaaradaha kusoo dhaweeyeen xubno ka tirsan dowladda oo ku sugnaa Kismaayo.

5/26/2013 9:28 AM EST
Axad, May 26, 2013 (HOL) — Kulan ay isugu yimaadeen wax-garadka kasoo jeeda gobollada Jubbooyinka, haweenka, culumada iyo dhallinyarada laguna taageerayay go’aannadii kasoo baxay shirkii IGAD ee maamul u sameynta Jubbooyinka ayaa maanta lagu qabtay Muqdisho.

5/26/2013 8:52 AM EST
Axad, May 26, 2013 (HOL) — Degmada Heliwaa ee gobolka Banaadir ayaa waxaa maanta ka dhacay kulan ay soo qabanqaabisay Hay'adda CCD oo looga hadlayay nabadda Soomaaliya, waxaana kulankaasi kasoo qyb-galay madax ka tirsan maamulka gobolka Banaadir, guddoomiyaha Heliwaa iyo dhallinyaro tiradoodu ka badan tahay 100-qof oo isugu jira rag iyo haween.

5/26/2013 7:50 AM EST
Axad, May 26, 2013 (HOL) — Kooxo hubeysan ayaa xadka ay wadaagaan Soomaaliya iyo Kenya ku dilay shan qof oo ay ku jiraan laba sarkaal oo ka tirsan booliiska dalka Kenay, sida ay maanta oo Axad ah sheegeen xubno ka tirsan booliiska Kenya.

5/26/2013 3:32 AM EST
Axad, May 26, 2012(HOL) :- Dagaal culus ayaa xalay saqdii dhexe ka dhacay deegaanka Dhamaajaaleey oo ku yaal gudaha xadka ay Kenya ay la wadaagto Soomaaliya, waxaana dagaalkaasi uu u dhexeeya xoogagga Al-shabaab iyo cutubyo ka tirsan ciidamada Kenya oo ku sugnaa deegaankaasi.

5/26/2013 3:11 AM EST
Axad, May 26, 2013 (HOL) — Ciidamada booliiska Soomaaliya oo gacan ka helaya kuwa nabadsugidda iyo booliiska AMISOM ayaa howlgallo dad badan lagu qabqabtay ka sameeyay shalay xaafadda Buulo-xuubeey ee degmada Wadajir.