3/19/2024
Today from Hiiraan Online:  _
Wararka Maanta- Khamiis, May 16, 2013
Golaha Wasiirrada Soomaaliya oo Meel-mariyay Qodobbo ay soo Gudbiyeen Wasaaradaha Cadaaladda iyo Arrimaha Gudaha
Khamiis, May 16, 2013 (HOL) — Shirkii golaha wasiirrada xukuumadda Soomaaliya ay maanta yeesheen ayaa lagu meel-mariyay qodobbo ay horay u soo gudbiyeen wasaaradaha cadaaladda iyo arrimaha gudaha, sida uu saxaafadda u sheegay wasiirka warfaafinta Soomaaliya.

Kulankan oo uu shir guddoominayay ra’iisul wasaaraha Soomaaliya, Cabdi Faarax Shirdoon (Saacid) ayaa inta badan looga hadlay qodobbada la ansixiyay, iyadoo sidoo kale lagu dhageystay warbixinno ku saabsan horumarrada ay gaartay xukuumadda.

Wasiirka warfaafinta, boostada, isgaariisnta iyo gaadiidka, Cabdullaahi Ciilmooge Xirsi ayaa ka saxaafadda siiyay faahfaahinta shirkii golaha wasiirrada xukuumaddu ay maanta yeesheen, isagoo sheegay in ugu horreyn warbixin dheer goluhu uu siiyay ra’iisul wasaare Saacid, sidoo kale in la ansixiyay illaa lix hindise sharciyeed oo ay soo gudbisay wasaaradda cadaaladda Soomaaliya.

Sidoo kale, wasiirka warfaafinta ayaa tilmaamay in la meel-mariyay hindise sharciyeed la xiriirra arrimaha dibadda Soomaaliya iyo sharciga la dagaallanka argagixisada oo ay soo gudbisay wasaaradda arrimaha gudaha iyo amniga Qaranka, kuwaasoo la horgeyn doono baarlamaanka Soomaaliya si ay u oggoladaan.

Mudane Ciilmooge ayaa dhanka kale xusay in la isku raacay in dib loo howlgeliyo wakaaladda howlaha maraakiibta iyo wakaaladda dekedaha Soomaaliya, wuxuu intaa raaciyay inuu golaha wasiirrada uu warbixin ka siiyay guulihii laga gaaray saadaashada hawada Soomaaliya oo ay dhawaan maamulkeeda la wareegtay dowladda Soomaaliya.

Shirkii golaha wasiirrada ee maanta lagu meel-mariyay shan hidnise sharciyeed oo ay hay’adaha xukuumadda ku howlgali doonaan ayaa ahaa shirkii caadiga ahaa ee toddobaadlaha ahaa, iyadoo dhinaca kale ay jiraan arrimo la xiriirrada siyaasadda xukuumadda, sida mooshinno ay xukuumadda kasoo gudbiyeen xubnaha baarlamaanka qaarkooda, haddana waxaa bar-bar socda dadaallada horumarrinta adeegga laanta fulinta dowladda Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
5/16/2013 12:08 PM EST
Qaar kamid ah haweenka Soomaaliyeed ee ku dhaqan dalka Kenya ayaa ka horyimid mooshinkii ay baarlamaanka keeneen xildhibaano ka tirsan baarlamaanka Soomaaliya.

5/16/2013 9:51 AM EST
Khamiis, May 16, 2013 (HOL) — Qaar ka mid ah axsaabta siyaasadeed ee ka jira dalka ayaa maanta kulan ay ku yeesheen hoteelka Jasiira ee magaalada Muqdisho waxay kasoo saareen baaq ay ku sheegayaan in in golaha baarlamaanka federaalka Soomaaliya oo madax-banneeyo la xisaabtan xukuumadda.

5/16/2013 9:24 AM EST
Arbaco, May 16, 2013 (HOL) — Munaasabad lagu maamusayay 15-ka May oo ah maalinta dhallinyarada Soomaaliyeed iyo 70-sano guuradii kasoo wareegtay aasaaskii ururka gobonimo-doonka Soomaaliyeed ee SYL ayaa lagu qabtay magaalada muqdisho, munaasabadaas oo uu soo agaasimeen ururka dhallinyarada SYL II ayaa ahayd mid si heer sare ah loosoo agaasimay.

5/16/2013 9:20 AM EST
Khamiis, May 16, 2013 (HOL) — Dowladda Somalia oo warsaxaafadeed soo saartay maanta ayaa ku tilmaantay maamulka looga dhawaaqay Kismaayo inuu yahay mid lagu marin habaabinayo shacabka, isla markaana ah ka horimaanaya dastuurka.

5/16/2013 8:01 AM EST
Khamiis, 16 May, 2013(HOL) :-Madaxweeynaha dowladda Federaalka Soomaaliya Mudane Xasan Sheekh Max’uud ayaa maanta waraaqihii aqoonsiga ka gudoomay safiirka cusub ee dowladda koonfurta Kuuriya ay usoo dirsatay Soomaaliya Mr. Kim Chan Woo.

5/16/2013 6:40 AM EST
Khamiis, May, 16, 2013 (HOL) -- Munaasabad si qurux badan loo soo agaasimay laguna maamuusayay 15 May maalinta dhalinyarrada Soomaaliyeed ayaa lagu qabtay magaalada Baladweyne ee xarunta gobollka Hiiraan.

5/16/2013 6:24 AM EST
Khamiis, May 16, 2013(HOL) :- Col Barre Aadan Shire (Hiiraale) ayaa shaaciyay in uu yahay madaxweeynaha maamul goboleedka Jubbaland, xilli shalay magaalada Kismaayo lagu doortay gudoomiyihii ururka Raaskaambooni Sheekh Axmed Max’ed Islaam (Axmed Madoobe)