8/17/2019
Today from Hiiraan Online:  _
Wararka Maanta- Khamiis, May 16, 2013
Col Barre Hiiraale oo Sheegay in uu Yahay Madaxweeynaha Maamul Goboleedka Jubbaland


Khamiis, May 16, 2013(HOL) :- Col Barre Aadan Shire (Hiiraale) ayaa shaaciyay in uu yahay madaxweeynaha maamul goboleedka Jubbaland, xilli shalay magaalada Kismaayo lagu doortay gudoomiyihii ururka Raaskaambooni Sheekh Axmed Max’ed Islaam (Axmed Madoobe)

Col Barre Aadan Shire oo hore u ahaan jiray gudoomiyihii isbaheeysigii la magac baxay Dooxada Jubba islamarkaasina jagooyinka kasoo qabtay dowladihii KMG ahaa ee dalka Soo maray ayaa wareeysi gaar ah oo uu siiyay idaacadda VOA ku sheegay in shirar maalmihii ugu danbeeyay Kismaayo ka socday loogu doortay in uu noqdo madaxweeynaha maamul goboleedka Jubbaland.

Masuulkan ayaa sheegay in uu taageero ka heeysto odoyaasha iyo waxgaradka ku dhaqan Jubooyinka, wuxuuna intaa ku daray  in Sheekh Axmed Madoobe uusan u aqoonsanayn madaxweeyne isagoona intaa ku daray in Axmed Madooe ay doorteen dad isaga taageera.

Barre ayaa sidoo kale sheegay in uu diyaar u yahay in uu wadahadal la galo Sheekh Axmed Madoobe oo isna shalay lagu doortay gudaha magaalada Kismaayo, isagoona intaa ku daray in dhowr mar oo hore uu ugu baaqay wadahadal welina uu diyaar u yahay.

Dhanka kale waxaa magaalada Kismaayo ku sugan ergo ay dowladda Soomaaliya shalay u magacoowday arimaha Jubooyinka, waxaana ergadiisa oo shalay kasoo dagtay garoonka diyaaradaha magaalada Kismaayo la dejiyay Hotel Cascaseey oo ku yaal bartamaha magaalada.

Jawiga magaalada Kismaayo ayaa maanta ah mid kacsan, waxaana siweyn loo hadal hayaa labada madaxweeyne ee looga dhawaaqay Kismaayo..

Magaalada Kismaayo ee xarunta gobolka J/hoose ayaa ah magaalo xeebeed islamarkaasina leh marsad caalami ah, waxaana sidoo kale magaaladani kasoo dega shixnado ganansi oo kala duwan kuwaasoo loo iibgeeyo inta badan gobollada dalka Soomaaliya iyo weliba qaar kamid ah wadamada deriska la ah Soomaaliya, waxaana magaaladani marar badan kusoo noqnoqday dagaallo sokeeyo oo u dhexeeya beelaha wada dega Jubooyinka.

 

Max’ed Xaaji Xuseen, Hiiraan Online
[email protected]
Muqdisho-Soomaaliya.










Click here
5/16/2013 12:08 PM EST
Qaar kamid ah haweenka Soomaaliyeed ee ku dhaqan dalka Kenya ayaa ka horyimid mooshinkii ay baarlamaanka keeneen xildhibaano ka tirsan baarlamaanka Soomaaliya.

5/16/2013 9:51 AM EST
Khamiis, May 16, 2013 (HOL) — Qaar ka mid ah axsaabta siyaasadeed ee ka jira dalka ayaa maanta kulan ay ku yeesheen hoteelka Jasiira ee magaalada Muqdisho waxay kasoo saareen baaq ay ku sheegayaan in in golaha baarlamaanka federaalka Soomaaliya oo madax-banneeyo la xisaabtan xukuumadda.

5/16/2013 9:24 AM EST
Arbaco, May 16, 2013 (HOL) — Munaasabad lagu maamusayay 15-ka May oo ah maalinta dhallinyarada Soomaaliyeed iyo 70-sano guuradii kasoo wareegtay aasaaskii ururka gobonimo-doonka Soomaaliyeed ee SYL ayaa lagu qabtay magaalada muqdisho, munaasabadaas oo uu soo agaasimeen ururka dhallinyarada SYL II ayaa ahayd mid si heer sare ah loosoo agaasimay.

5/16/2013 9:20 AM EST
Khamiis, May 16, 2013 (HOL) — Dowladda Somalia oo warsaxaafadeed soo saartay maanta ayaa ku tilmaantay maamulka looga dhawaaqay Kismaayo inuu yahay mid lagu marin habaabinayo shacabka, isla markaana ah ka horimaanaya dastuurka.

5/16/2013 8:44 AM EST
Khamiis, May 16, 2013 (HOL) — Shirkii golaha wasiirrada xukuumadda Soomaaliya ay maanta yeesheen ayaa lagu meel-mariyay qodobbo ay horay u soo gudbiyeen wasaaradaha cadaaladda iyo arrimaha gudaha, sida uu saxaafadda u sheegay wasiirka warfaafinta Soomaaliya.

5/16/2013 8:01 AM EST
Khamiis, 16 May, 2013(HOL) :-Madaxweeynaha dowladda Federaalka Soomaaliya Mudane Xasan Sheekh Max’uud ayaa maanta waraaqihii aqoonsiga ka gudoomay safiirka cusub ee dowladda koonfurta Kuuriya ay usoo dirsatay Soomaaliya Mr. Kim Chan Woo.

5/16/2013 6:40 AM EST
Khamiis, May, 16, 2013 (HOL) -- Munaasabad si qurux badan loo soo agaasimay laguna maamuusayay 15 May maalinta dhalinyarrada Soomaaliyeed ayaa lagu qabtay magaalada Baladweyne ee xarunta gobollka Hiiraan.