3/29/2024
Today from Hiiraan Online:  _
Wararka Maanta- Axad, Mar 31, 2013
Ra'iisul Wasaare Saacid iyo Wafdigii uu Hoggaaminayay oo si weyn loogu soo dhaweeyay Magaalada Garbahaarey (SAWIRRO)


Axad, Maarso 31, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdi ballaaran oo uu hoggaaminayo ayna ka mid yihiin: wasiirada arrimaha gudaha iyo gaashaandhigga, xildhibaanno iyo saraakiil kale ayaa maanta si weyn loogu soo dhaweeyey xarunta gobolka Gedo ee Garbahaarey.

Wafdiga ayaa waxaa garoonka kusoo dhaweeyey boqolaal dadweyne ah kuwaasoo sitay sawirrada ra'iisul wasaaraha, waxayna ku qaylinayeen erayo ay ka mid yihiin ‘Soo dhawaada jaallayaal’ iyaga oo lulalayay caleemo qoyan iyo calanka Soomaaliya.

Mudane Saacid ayaa durbadiiba kluammo la qaatayy maamulka gobolka, odayaasha dhaqanka iyo qeybaha kale ee bulshada si uu ugu kuur-galo xaaladda dhabta ah ee deegaannadaas.

Odayaasha dhaqanka magaalada ayaa xukuumada ka codsaday in laga garab-siiyo dhanka amniga, gaara ahaana sidii looga sifeyn lahaa Al-shabaab degaannada gobolka Gedo ee weli gacantooda ku jira. Sidoo kale odayaasha ayaa ra'iisul wasaaraha u caddeeyay inaysan wax lug ah ku lahayn shirka Kismaayo ka socda, cid reer Gedo ahna aanay ka qaybgalin.

Odayaasha ayaa sidoo kale ra'iisal wasaaraha iyo wafdigiisa u xaqiijiyay inay diyaar la yihiin inay ku wareejiyaan hantidii dowladda iyo xarumaheedii si loogu adeego bulshada.

Dhanka kale, ra'iisal wasaaraha iyo xubno ka tirsan wafdigiisa ayaa galabta booqday qabriga madaxweynihii hore ee Soomaaliya Marxuum Maxamed Siyaad Barre, iyagoo u duceeyay.

Ugu dambeyn, ra'iisul wasaare Saacid ayaa ducada kaddib Alle uga baryay inuu u dambi dhaafo "Wixii uu qabtay runtii waa wax muuqda, Illaaheyna dembi dhaaf ayaan uga baryeynaa," ayuu yiri Saacid.













Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/31/2013 12:56 PM EST
Axad, Maarso 31, 2013 (HOL) — Madaxweynaha Soomaaliya, Xasan Sheekh Maxamuud iyo wafdigii uu hoggaamninayay ayaa caawa kulan la qaadanaya jaaliyadda Soomaaliyeed ee ku nool dalka isu-tagga Imaraadka Carabta.

3/31/2013 11:56 AM EST
Axad, Maarso 31, 2013 (HOL) — Madaxweyaha Somaliland Mudane, Axmed Maxamed Maxamuud Siillaanyo, ayaa maanta ka qaybgalay aas Qaran oo loo sameeyey Marxuun Aadan Shire Faarax (Sanweyne) oo ahaa xildhibaan golaha guurtidda oo xalay ku geeriyooday jidka u dhexeeya Berbera iyo Hargeysa oo uu daad ku qaaday.

3/31/2013 8:22 AM EST
Axad, Maarso 31, 2013 (HOL) — Maxkamadda gobolka Hargeysa, ayaa maanta xukun iyo ganaax lacageed ku riday Sheekh Maxamuud Cabdilaahi Geelle oo dhaliilo usoo jeediyey laba wasiir oo xukuumadda Somaliland ka tirsan.

3/31/2013 8:05 AM EST
Axad, Maarso 31, 2013 (HOL) — Xisbiga taladda haya ee KULMIYE ayaa maanta yeeshay shirweyne aan caadi ahayn oo golaha dhexe ku ansixinayo in dib loo dhigo shirweynaha xisbiga iyo in golaha dhexe lagu soo kordhiyo xubno ka yimid ururadii siyaasadda ee doorashadda golaha deeganka ku hadhay.

3/31/2013 8:04 AM EST
Axad, Maarso 31, 2013 (HOL) — Laba mudane ayaa loo dhaariyay maanta kuraas ka bannaanayd baarlamaanka federaalka Soomaaliya, iyadoo labadan mudane ay buuxiyeen kursi uu mudane hore ka dhintay iyo kursi banneeyay mudane kale.

3/31/2013 7:52 AM EST
`Axad, Maarso 31, 2013 (HOL) — Shirkada xawaalada AMAANA ee magaalada Baladweyne ayaa gaarsiisay dadka la ildarran cudurka shuban-biyoodka deeqdii ugu ballaarneyd marka laga soo tago kaalmadii ugu danbeysay oo ay soo gaarsiiyeen dadka bukaanka ah dowladdaha Soomaaliya iyo Jabuuti.

3/31/2013 7:43 AM EST
Axad, Maarso 31, 2013 (HOL) — Hay’adda Bisha Cas ee dalka Turkiga ayaa sheegtay inay ka dhisayso Muqdisho iskuul xannaano iyo waxbarasho isugu jira, taasoa qayb ka ah gargaarka ay bani’aadamnimo ee ay kawaddo dalka Soomaaliya.

3/31/2013 7:12 AM EST
Axad, Maarso 31, 2013 (HOL) — Xarakada Al-Shabaab ayaa sheegay inay khasaare ugu geystay ciidamada dowladda Soomaaliya iyo kuwa AMISOM weerarro ay ku qaaday saldhigyo ay ku leeyihiin gobolka Shabeellada Hoose oo ay ku jirto degmada Marko.

3/31/2013 6:56 AM EST
Axad, Maarso 31, 2013 (HOL) — Wafdigii uu hoggaaminayay ra’iisul wasaaraha Soomaaliya,Cabdi Faarax Shirdoon (Saacid) ayaa gaaray degmada Garbahaarey ee xarunta gobolka Gedo, iyadoo isgaarsiinta degmadaas hawada laga saaray.

3/31/2013 3:48 AM EST
Axad, Maarso 31, 2013 (HOL) — Shriweynihii seddexaad ee ururka suxufiyiinta Afrika Federation of African Journalist (FAJ) oo furmay maalitii Sabtida ahayd ayaa maalintii labaad ka socda magaalada Casablanca ee xarunta dalka Morocco.

3/31/2013 2:59 AM EST
Axad, Maarso 31, 2013 (HOL) — Madaxweynaha Soomaaliya, Xasan Sheekh Maxamuud ayaa hambalyo u diray madaxweynaha Kenya Uhuru Kenyatta kaddib markii maxkamadda sare ee dalkaas ansixisay in Kenyatta uu ku guuleystay doorashadii madaxdnimo ee Kenya oo dhacday horraantii bishan.

3/31/2013 2:41 AM EST
Axad, Maarso 31, 2013 (HOL) —Allaha u naraxiistee waxaa shalay galinkii dambe dooxa weyn ee Lafa Ruug oo ku yaalla jidka mara Berbera iyo Hargeysa, uu qaatay xildhibaan Aaden Shirre Faarax (San-weyne) oo ka mid ahaa Golaha Guurtida Somaliland iyo afar qof oo la socday, inkastoo saddex ka mid ah shantaasi qof laga badbaadiyey.

3/31/2013 2:32 AM EST
Axad, Maarso 31, 2013 (HOL) — Ra’iisul wasaaraha xukuumadda Soomaaliya, Cabdi Faarax Shirdoon (Saacid) iyo wafdi uu hoggaaminayo ayaa saakay u amabaxay magaalada Garbahaarey ee gobolka, iyadoo si weyn loogu diyaar-garoobay soo dhaweyntiisa.