3/29/2024
Today from Hiiraan Online:  _
Wararka Maanta- Jimco, Mar 29, 2013
Ururka NUSOJ oo soo dhaweeyay Xukunkii Dilka ahaa ee lagu Xukumay Ruuxii geystay dilkii Wariye Xasan Yuusuf Absuge


Jimco, Maarso 29, 2013 (HOL) — Ururka Qaranka Suxufiyiinta Soomaaliyeed ee NUSOJ ayaa soo dhaweeyay xukunkii ay maxkamadda ciidamada ku ridday gacan ku dhiiglihii dilay wariye Xasan Yuusuf Absuge, iyadoo xoghayah guud ee NUSOJ, Cumar Faaruuq uu xukunkaas ku tilmaamay mid hoos u dhigaya dilalka loo geystay suxufiyiinta Soomaaliyeed.

Maxkamadda milateriga dowladda Soomaaliya ayaa waxay shalay xukun dil ah ku ridday gacan ku dhiigley lagu helay inuu dilay wariye kaasoo lagu magacaabo, Aadan Sheekh Cabdi Sheekh Xuseen, iyadoo maxkaddu ay sii daysay ruux kale oo dilkan ku eedeysnaa.

“Tani tallaabadii ugu horreysay ee lagu xukumo gacan ku dhiigle dilay ruux wariye ah, waana tallaabo aan soo dhaweynayno,” ayuu yiri Cumar Faruuq  Cusmaan oo intaas ku daray: “Tallaabadan waa mid hoos u dhigaysa dilalka loo geysto suxufiyiinta.”

Gacan-ku-dhiiglaha ayaa waxaa soo xirta hay’adda nabadsugidda Qaranka iyagoo kusoo xiray bastooladdii uu ku fuliyay dilka wariye Absuge iyo isagoo xiran shaati uu ku yaallo dhiiggii wariye Absuge.

“Waan soo dhaweynaynaa go’aankanb waana cadaalad ay u baahnaayeen inay arkaan saaxiibadii Xasan Yusuuf Absuge iyo qoyskiisa,” ayuu yiri Cumar Faaruuq, isagoo intaas ku daray: “waxaan rajeynaynaa in cadaaladdaas oo kale ay maraan dambiilayaashii dilay wariyeyaashii kale ee saaxiibbadeen ahaa.”

Marxuum Absuge oo ka mid ahaa xubnaha NUSOJ ayaa wuxuu sidoo kale ahaa madaxa barnaamijyada Radio Maanta; waxayna rag hubeysan ku dileen isgoyska Baar Ayaan ee Dgemada Yaaqshiid, 21 September 2012 xilli uu kasoo baxay shaqadiisa.

Xukunkan ayaa noqonaya kii ugu horreeyay oo lagu rido ruux loo haystay in uu wariye ku dilay magaalada Muqdisho, waxaana Absuge uu ka mid ahaa 18-wariye oo sannadkii lagu hore lagu qaarjiyay Soomaaliya.

NUSOJ waxay ku ammaanay xukuumadda Soomaaliya tallaabadan geesinimada leh ee ay qaadday, waxayna kula talisay in dambiilayaasha kale ee geystay dilalka ka dhanka ah suxufiyiinta oo sida xorriyadda ah ku jooga magaalada.

Ugu dambeyn, xoghayaha guud ee NUSOJ wuxuu hadalkiisa kusoo gaba-gabeeyay: “Xukunkan wuxuu farriin xoog leh u dirayaa kuwa geysnaya dambiyada ka dhan ah suxufiyiinta in sharciga la marsiin doono haddii ay falkaan oo kale ku kacaan.”

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/29/2013 3:44 PM EST
Khamiis, Maarso 28, 2013 (HOL) - Duqa magaalada Ottawa ee dalka Kanada Jim Watson oo ay wehliyaan xubno ka tirsan madaxda degaanada magaalada Ottawa ayaa guddoonsiiyey Fartuun Cabdisalaam Adan abaalmarin ay ku muteysatay howlaha sama-falka oo ay ka waddo magaalada Moqdisho. Xafladdaas oo ay soo abaabuleen hay'adda "City for All Women Initiative" laguna qabtay xaruunta magaalada Ottawa (City Hall)

3/29/2013 2:32 PM EST
Jimco, Maarso 29, 2013 (HOL) — Madaxweynaha Soomaaliya, Xasan Sheekh Maxamuud ayaa maanta safar shaqo ku tagay dalka Imaaraadka Carabta oo ka mid ah dalalka ku yaalla Khaliijka Carabta, isagoo caawa wadahadallo la yeeshay dhaxal-sugaha dalkaas, Maxamed Bin Zayed Al-Nahyan, iyagoo uga hadlay kulankooda arrimo la xiriira: ammaanka, dib u heshiisiinta harumarka iyo siyaasadda.

3/29/2013 1:29 PM EST
Jimco, Maarso 29, 2013 (HOL) — Roobabkan oo billowday saqdii dhexe ee xalay oo socday illaa barqonimadii maanta ayaa waxay ka da’een deegaanno iyadoo degaannadaas ay kasoo baxayaan in roobabku ay geysteen khasaare isugu jirta naf iyo maal.

3/29/2013 12:49 PM EST
Jimco, Maarso 29, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdigii uu hoggaaminayay oo gellinkii dambe ee maanta dib ugu soo laabtay Muqdisho, ayaa warbaahinta uga warbixiyay natiijada kasoo baxday wadahalladii Kismaayo iyo kulamadii uu la qaatay qaybaha kala duwan ee bulshada Kismaayo.

3/29/2013 10:29 AM EST
Jimco, 29 Maarso, 2013(HOL) :- Ciidamo aad u tiro badan oo katirsan dowladda Soomaaliya islamarkaasina mudooyinkii u danbeeyay ku sugnaa duleedka magaalada ayaa maanta gudaha usoo galay magaalada Kismaayo, iyadoona ciidamadani la dajiyay saldhigyo ku yaal gudaha magaalada.

3/29/2013 10:13 AM EST
Jimco, 29 Maarso, 2013(HOL) - Wafdigii uu hogaaminayay ra’isul wasaaraha dowladda Federaalka Soomaaliya ee maalmihii ugu danbeeyay ku sugnaa magaalada Kismaayo ayaa maanta dib ugu laabtay magaalada Muqdisho ee caasimadda dalka Soomaaliya.

3/29/2013 3:47 AM EST
Jimco, Maarso 29, 2013 (HOL) — Xaflad ballaaran oo lagu sagootinayey 135 arday oo ka qalin jebiyey fasalka afraad ee dugsiga sare ayaa shalay galab ka dhacday xarunta dugsiga sare Imaamu Shaafici ee magaalada Boosaaso.

3/29/2013 3:34 AM EST
Jimco, Maarso 29, 2013 (HOL) — Madaxweynaha Soomaaliya ayaa sheegay inay socdaan baaritaanno ku saabsan eedeymaha ku saabsan in ciidamada dowladda ay dhibaatooyin u geystaan shacabka Soomaaliyeed oo ay ahayd inay difaacaan, isagoo xusay in haddii askari lagu helo dambi wax laga weydiin doono sarkaalkii xukumayay.

3/29/2013 2:29 AM EST
Jimco, Maarso 29, 2013 (HOL) — Wadahadalladii u dhexeeya xukuumadda Soomaaliya iyo maamulka KMG ah ee Kismaayo ayaa guul-darro ku dhammaaday kaddib markii la isku fahmi waayay wadahadallo socday shantii maalmood ee lasoo dhaafay.

3/29/2013 1:58 AM EST
Jimco, Maarso 29, 2013 (HOL) — Dhallinyaro kooxo-kooxo u abaabulan ayaa la sheegay inay dhibaatooyin isugu jira dhac iyo kufsi ka geystaan xilliyada habeenkii ah magaalada Hargeysa ee xarunta Somaliland, iyadoo taliyaha booliiska uu sheegay inay xirxireen kooxo kuwaas ka mid ah.

3/29/2013 1:42 AM EST
Jimco, Maarso 29, 2013 (HOL) — Madaxweynaha Soomaaliy, Xasan Sheekh Maxamuud ayaa sheegay inay rajeynayaan inay helaan hubkii ugu horreeyay tan iyo markii laga qaaday cunno-qabateyntii hubka ee saarnayd Soomaaliya in ka badan 20 sano, si ay u xoojiaan ciidamadooda dagaalka kula jira Al-shabaab.