3/29/2024
Today from Hiiraan Online:  _
Wararka Maanta- Arbaco, Mar 20, 2013
Gurmad Caafimaad loo Fidinayo Dadka uu soo ritay Cudurka Shuban-biyoodka oo ka socda Magaalada Baladweyne (SAWIRRO)


Arbaco, Maarso 20, 2013 (HOL) — In ka badan 20 ruux ayaa u geeriyootay cudurka shuban biyoodka halka in ka badan 60 oo isugu jira caruur iyo dad waaweyn u jiifaan xeryo gaar ah oo ay dulleedka magaalada ka hergaliyeen saraakiisha ciidamada Jabuuti si looga daweeyo dadka uu cudurka soo ridanayo.

Waxaaa maanta booqday xarumaha caafimaadka ee sida ku-meel-gaarka ah dadka loogu daweynayo mas’uuliyiin ka tirsan maamulka gobollka Hiiraan iyo xubno ka socday hay’addaha samafalka si ay ugu kuur-galaan xaalada caafimaad iyo sida ay socto daaweynta loo sameynayo dadka cudurka la il darran.

mas’uuliyiinta maamulka iyo xubnihii ka socday hay’addaha samafalka ayaa kormeeray dadka cudurka la il darran, iyaga oo mid mid u eegay gaar ahaan caruurta oo uu saameyn weyn ku yeeshay cudurka shuban biyoodka.

Ilaa iyo hadda dhab ahaan looma oga in cudurkani yahay daacuun ama shuban biyood ka dhashay kuleylaha, laakiin waxaa ay sheegeen mas’uuliyiinta hay’addaha samafalka in ay sameyn doonaan sheybaar si loo ogaado dhab ahaan waxa uu cudurkani yahay.

Mas’uuliyiinta maamulka gobollka Hiiraan Dhaqaatiirta ciidamada Jabuuti iyo xubnihii ka socday hay’addaha samafalka ayaa markii ay komeerkooda soo dhameysteen waxaa ay kulan gaar ah ku yeesheen isla xarunta lagu daweynayo dadka cudurka la il darran, iyaga oo ka wada hadllay sidii loo sii dardargalin lahaa gurmad caafimaad ee loo fidinayo dadka dhibaateysan.

Guddoomiye ku-xigeenka maamulka gobollka Hiiraan Cadaawe Cilmi oo warbaahinta la hadllay ayaa sheegay in ay ka wada hadlleen iyaga iyo saraakiisha AMISOM sidii loo sameyn lahaa xeryo kale oo dadka u suurtagalin kara in xiliyada habeenkii ay imana karan haddii ay jiraan dad uu soo rito cudurka, madaama sida uu sheegay halka xarumaha hadda lagu daaweynayo dadka yihiin kuwo ku dhax yaala xeryo militari.

Dr. Faadumo Ducaale C/dulle oo ka mid ah dhaqaatiirta ciidamada Jabuuti ee AMISOM islamarkaana ka mid ah dhaqaatirta sida joogtada ah ugu howlan daweynta dadka uu soo rito cudurka shuban biyoodka, ayaa sheegtay in ay jiraan dad ka baxay xarunta oo dib u caafimaaday, inkastoo dhinaca kale ay sheegtay in shalay iyo maanta ay soo gaareen dadkii ugu badnaa.

NGO-ga GEELO ayaa si gaar ah loogu amaanay adeega ay u sameysay dadka la dhibaateysan cudurka, madaama ay ku deeqday AMBULANCE u gurmanaya dadka uu cudurka soo rito meel kasta oo ay ku sugan yihiin.





C/raxmaan Diini, Hiiraan Online
[email protected]
Baladweyne, Soomaaliya













Click here
3/20/2013 2:19 PM EST
Arbaco, Maarso 20, 2013 (HOL) — Madaxweynaha Mareykanka, Barack Obama ayaa safarkiisii ugu horreeyay ku tagay dalka Israa’iil tan iyo markii xilka madaxweynimo ee dalkaas loo doortay, isagoo mar labaad ku guuleystay xilkan, waxaana garoonka diyaaradaha Tel Aviv ku soo dhaweeyay ra’iisul wasaaraha Israa’iil Benjamin Netanyahu iyo weliba madaxweynaha dalkaas, Shimon Peres.

3/20/2013 9:34 AM EST
Arbaco, Maarso 20, 2013 (HOL) — Kulan ballaaran oo ay ka qayb-galeen, waxgarad, salaaddiin, culumaa’uddiin, aqoonyahanno iyo saraakiil kasoo jeeda gobolka Hiiraan ayaa maanta lagu qabtay Magaalada Muqdisho, kaas oo looga hadlayay arrimo ku saabsan maamul u sameynta gobolka Hiiraan.

3/20/2013 8:02 AM EST
Arbaco, Maarso 20, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta kulan ku yeeshay Muqdisho wafdi ka socday Qarammada Midoobay oo uu hoggaaminayay Shamsul Baari oo ah madaxa arrimaha xuquuqul insaanka ee Qaramada, iyadoo kulankaas looga hadlay ilaalinta xuquuqul insaanka Soomaaliya.

3/20/2013 7:33 AM EST
Arbaco, Maarso 20, 2013 (HOL) — Maxkamadda Hargeysa ayaa maanta xukun laba sano ah ku ridday boqor Raabbi Yuusuf Cabdullaahi laba sano oo xarig ah, kaddib markii lagu eedeeyay inuu ka qaybgalay shir loo horjeedo madaxbannaanida Somaliland oo ka dhacay Muqdisho, uuna wax kasoo xulay baarlamaanka Soomaaliya.

3/20/2013 7:20 AM EST
Arbaco, Maarso 20, 2013 (HOL) — Jen. Yuusuf Maxamed Siyaad (Indho-cadde) oo horay u soo noqday wasiir u dowlihii wasaaradda gaashaandhigga dowladdii KMG ahayd ayay ciidamada AMISOM ku xireen saakay muddo kooban garoonka diyaaradaha ee Muqdisho, kaddib markii uu muran soo dhexgalay.

3/20/2013 2:38 AM EST
Arbaco, Maarso 20, 2013 (HOL) — Ugu yaraan sagaal xubnood oo isugu jira saraakiil iyo dagaalyahanno ka tirsan Xarakada Al-shabaab ayaa ku dhintay qarax weyn oo xalay ka dhacay degmada Diinsoor ee gobolka Bay, iyadoo in ka badan 10 qof oo ku dhaawacmayna la dhigay isbitaalka Diinsoor.

3/20/2013 2:16 AM EST
Arbaco, Maarso 20, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa sheegay in xukuumaddiisa ay ka go’an tahay inay dib ula wareegto degmada Xudur ee gobolka Bakool, halkaasoo ay la wareegeen xoogagga Al-shabaab Axaddii lasoo dhaafay markii ay ciidamadii Itoobiya iyo kuwii dowladda ay isaga baxeen.