3/28/2024
Today from Hiiraan Online:  _
Wararka Maanta- Talaado, Mar 19, 2013
Ugaas Cabdiraxmaan Ugaas Khaliif oo Maanta si weyn loogu soo Dhaweeyay Magaalada Baladweyne (SAWIRRO)


Talaado, Maarso 19, 2013 (HOL) — Mas’uuliyiinta maamulka gobollka Hiiraan, saraakiisha ciidamada dowladda iyo kuwa Jabuuti ee howlgalka midowgga Africa AMISOM, odayaal dhaqameed, waxgarad, iyo boqolaal dadweyne ah oo ka kooban qeybaha bulshada oo ay ka mid yihiin ardeyda wax ka barata dugsiyada iyo jaamacada magaalada ayaa maanta siweyn u soo dhaweeyay Ugaas C/raxmaan Ugaas Khaliif oo dib ugu laabtay afar sano kaddib magaalada Baladweyne.

Ugaaska ayaa markii uu ka soo dagay diyaaradii siday waxaa mar kaliya ku xoomay si ay u gacan qaadaan dadkii ku sugayay garoonka oo qaarkood la arkayay iyaga oo kor u sida Ugaaska oo mid mid u gacan qaaday dadkii soo dhaweeyay.

Waxaa loo soo galbiyay bartamaha magalada isaga oo kula hadllay qeybihii bulshada iyo mas’uuliyiintii soo dhaweysay goob loo sii diyaariyay, waxaana uu sheegay in uu aad ugu faraxsan yahay dhowr sano kadib in uu dib ugu laabtay magaalada Baladweyne.

Ugaaska ayaa si gaar ah amaan ugu jeediyay maamulka gobollka Hiiraan iyo saraakiisha ciidamada Jabuuti ee qeybta ka ah howlgalka midowgga Africa AMISOM oo sida uu sheegay wax badan ka qabtay amniga magaalada.

Hadalka Ugaaska oo ahaa mid kooban ayaa u badnaa duco iyo waliba in dardaaran la xiriira in laga wada shaqeeyo nabad-galyada, isaga oo sheegay in kulamo badan wada qaadan doonaan qeybaha bulshada maalmaha soo socda.

Dhamaan dhinacyadii ka qeyb-qaadatay soo dhaweynta Ugaaska oo ay ku jiraan saraakiisha ciidamada Jabuuti ee ka hadashay madasha waxaa ay muujiyeen sida ay ugu faraxsan yihiin dib u soo laabashada Ugaas oo wax weyn ka darri doonta sida ay sheegeen nabad-galyada guud ahaan gobollka Hiiraan.

Sanadihii ugu danbeeyay waxaa uu Ugaasku ku noolaa magaalada Nairobi ee dalka Kenya, isaga oo halkaa si joogta ah ugala socday hadba halka ay mareyso xaalada gobollka, waxaana uu marar badan ka qeyb-galay isaga oo ku sugan magaalada Nairobi kulamo iyo shirar salka ku haya nabada iyo hormarinta adeegyada bulshada gobollka.








C/raxmaan Diini, Hiiraan Online
[email protected]
Baladweyne, Soomaaliya













Click here
3/19/2013 2:33 PM EST
Dood xiisa leh ayaa waxay ka dhacday magaalada Minneapolis ee gobolka MN. Doodaas oo lagu falanqeynayey "YAA KA DAMBEEYA DILALKA QORSHEYSAN"

3/19/2013 12:18 PM EST
Talaado, Maarso 19, 2013 (HOL) — Askari ka tisran ciidamada Kenya ayaa ku dhintay laba kalena way ku dhaawacmeen qarax gellinkii dambe ee maanta ka dhacay degmada Mandheera ee gobolka Waqooyi –bari ee dalka Kenya.

3/19/2013 12:02 PM EST
Talaado, Maarso 19, 2013 (HOL) — Wafdi uu hoggaaminayay wasiir ku xigeenka wasaaradda gaashaandhigga Soomaaliya, Axmed maxamed Maxamuud oo uu ka mid yahay wasiir u dowlaha wasaaradda maaliyadda, Maxamed Rashiid Sheekh Daahir iyo abaanduulaha cusub ciidamada xoogga dalka, C/risaaq Khaliif Cilmi ayaa maanta gaaray magaalada Baydhabo ee xarunta gobolka Bay.

3/19/2013 11:37 AM EST
Talaado, Maarso 19, 2013 (HOL) — Kulan lagu gorfeynayey mashaariicdii horumarineed ee ay hay’adaha Qaramadda midoobay ka fuliyeen Somaliland sanadkii tagay ayaa maanta ka furmay hoteel Ambassador ee magaaladda Hargeysa.

3/19/2013 10:39 AM EST
Talaado, 19 Maarso, 2013(HOL) - Waxaa gudaha magaalada Kismaayo mudooyinkii u danbeeyay ka soconayay shirkii maamul u sameynta gobollada Jubooyinka, iyadoona shalay ay magaalada sooa gaareen ergo ka socotay gobolka Gedo, kuwaasoo qeyb ka ah xubnaha ka qeybqaadanaya dhismaha dowlad goboleedka Jubbaland.

3/19/2013 8:16 AM EST
Talaado, Maarso 19, 2013 (HOL) — Maxkamadda gobolka Banaadir ayaa ku ridday xukunno kala duwan lix ruux oo ka mid ahaa 12-qof oo maxakamada maanta la horkeenay, kuwaasoo eedeysnaa dambiyo isugu jira, kufsi, dilal iyo burcadnimo.

3/19/2013 7:41 AM EST
Talaado, Maarso 19, 2013 (HOL) — Beer ay maalgashadeen muwaadiniin reer Somaliland, ayaa koox dabley ahi ay habeen hore khasaare weyn soo gaadhsiiyey agabkii beerta yaalay, isla markaana ay burburiyeen konton geed oo Saytuun ah.

3/19/2013 7:32 AM EST
Talaado, Maarso 19, 2013 (HOL) — Dagaalyahanno taabacsan Xarakada Al-shabaab ayaa xalay gurigsiisa kala baxay, Sheekh Cabdiraxmaan Macallin Warsame oo 75-jir ahaa, isla markaana ahaa imaamkii masjidka weyn ee degmadaas, iyadoo maydkiisa oo qoorta laga jaray saakay laga helay god ku dhow gurigiisa.

3/19/2013 2:29 AM EST
Talaado, Maarso 19, 2013 (HOL) — Xaflad shahaadooyin lagu gudoonsiiyay 260 arday oo bartay maaddooyinka caafimaadka iyo kambiyuutarka ayaa lagu qabtay xarunta Bisha Cas ee magaalada Laascaanood ee xarunta gobolka Sool.

3/19/2013 2:09 AM EST
Talaado, Maarso 19, 2013 (HOL) — Xildhibaan Sheekh Aadan Maxamed Nuur (Sheekh Aadan Madoobe) oo horay u ahaa guddoomiyaha baarlamaanka Soomaaliya oo ku sugan gobolka Bay ayaa sheegay in saraakiisha ciidamada Itoobiya ay ku wargeliyeen inay ka baxayaan dhammaan deegaannada ay kaga sugan yihiin gobollada Bay iyo Bakool.

3/19/2013 1:53 AM EST
Talaado, Maarso 19, 2013 (HOL) — Dowladda Soomaaliya ayaa maanta markii ugu horreysay gargaar cunno ah gaarsiinaysa deegaannadii laga saaray Al-shabaab ee gobolka Shabeellada hoose, iyadoo ammaanka jidka isku xira Muqdisho iyo Afgooye aad loo adkeeyay.