3/28/2024
Today from Hiiraan Online:  _
Wararka Maanta- Talaado, Mar 19, 2013
Dowladda Soomaaliya oo Gargaarkii ugu horreeyay Maanta gaarsiinaysa qaar ka mid ah deegaannada Shabeellada Hoose

Talaado, Maarso 19, 2013 (HOL) — Dowladda Soomaaliya ayaa maanta markii ugu horreysay gargaar cunno ah gaarsiinaysa deegaannadii laga saaray Al-shabaab ee gobolka Shabeellada hoose, iyadoo ammaanka jidka isku xira Muqdisho iyo Afgooye aad loo adkeeyay.

Taliyaha gaaska labaad ee ciidamada xoogga dalka, Jen. C/llaahi Cismaan Cagey ayaa sheegay in wasaaradda arrimaha gudaha ay ku wargeliysay inay maanta gaarsiinayso gargaar raashin ah dadka ku dhibaateysan deegaannadii Al-shabaab laga saaray ee gobolka Shabeellada Hoose.

“Waxaa nalagu wargeliyay in raashin la gaarsiin doono maanta deegaanno ka tirsan gobolka Shabeellada hoose, sida Afgooye, Marko iyo Wanlaweyn, innaguna waxaan adkeynay ammaanka waddooyinka ay marayaan gaadiidka raashinka wada,” ayuu yiri Jen. Cagey.

Gargaarkan oo ah raashin ayaa waxaa loogu talogalay dadka ay dhibaatada nololeed ku hayso deegaannadaas, kuwaasoo aan hay’adaha gargaarka weli ka helin wax gargaar ah.

Dowladda Soomaaliya ayaa tan iyo markii ay la wareegtay deegaanno badan oo ku yaalla Koonfurta iyo Bartamaha Soomaaliya horraantii sannadkii hore waxay sheegaysay inay gaarsiin doono gargaar bani’aadamnimo.

Hay’adaha gargaarka oo horay Al-shabaab ay uga joojisay inay ka howlgalaan deegaannadaas ayaan dib ugu laaban, balse waxaa jiray safarro dhowr ah oo ay ku tageen deegaannadaas si ay u qiimeeyaan sida ay uga howlgeli karaan.

Waddada isku xirta Muqdisho iyo Afgooye ayaa waxaa saakay lagu arkayaa ciidammo fara badan oo ilaalinaya ammaanka jidkaas, si aan loo weerarin gaadiidka raashinka gargaarka ah wada.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/19/2013 2:33 PM EST
Dood xiisa leh ayaa waxay ka dhacday magaalada Minneapolis ee gobolka MN. Doodaas oo lagu falanqeynayey "YAA KA DAMBEEYA DILALKA QORSHEYSAN"

3/19/2013 12:18 PM EST
Talaado, Maarso 19, 2013 (HOL) — Askari ka tisran ciidamada Kenya ayaa ku dhintay laba kalena way ku dhaawacmeen qarax gellinkii dambe ee maanta ka dhacay degmada Mandheera ee gobolka Waqooyi –bari ee dalka Kenya.

3/19/2013 12:02 PM EST
Talaado, Maarso 19, 2013 (HOL) — Wafdi uu hoggaaminayay wasiir ku xigeenka wasaaradda gaashaandhigga Soomaaliya, Axmed maxamed Maxamuud oo uu ka mid yahay wasiir u dowlaha wasaaradda maaliyadda, Maxamed Rashiid Sheekh Daahir iyo abaanduulaha cusub ciidamada xoogga dalka, C/risaaq Khaliif Cilmi ayaa maanta gaaray magaalada Baydhabo ee xarunta gobolka Bay.

3/19/2013 11:37 AM EST
Talaado, Maarso 19, 2013 (HOL) — Kulan lagu gorfeynayey mashaariicdii horumarineed ee ay hay’adaha Qaramadda midoobay ka fuliyeen Somaliland sanadkii tagay ayaa maanta ka furmay hoteel Ambassador ee magaaladda Hargeysa.

3/19/2013 10:39 AM EST
Talaado, 19 Maarso, 2013(HOL) - Waxaa gudaha magaalada Kismaayo mudooyinkii u danbeeyay ka soconayay shirkii maamul u sameynta gobollada Jubooyinka, iyadoona shalay ay magaalada sooa gaareen ergo ka socotay gobolka Gedo, kuwaasoo qeyb ka ah xubnaha ka qeybqaadanaya dhismaha dowlad goboleedka Jubbaland.

3/19/2013 8:16 AM EST
Talaado, Maarso 19, 2013 (HOL) — Maxkamadda gobolka Banaadir ayaa ku ridday xukunno kala duwan lix ruux oo ka mid ahaa 12-qof oo maxakamada maanta la horkeenay, kuwaasoo eedeysnaa dambiyo isugu jira, kufsi, dilal iyo burcadnimo.

3/19/2013 7:41 AM EST
Talaado, Maarso 19, 2013 (HOL) — Beer ay maalgashadeen muwaadiniin reer Somaliland, ayaa koox dabley ahi ay habeen hore khasaare weyn soo gaadhsiiyey agabkii beerta yaalay, isla markaana ay burburiyeen konton geed oo Saytuun ah.

3/19/2013 7:32 AM EST
Talaado, Maarso 19, 2013 (HOL) — Dagaalyahanno taabacsan Xarakada Al-shabaab ayaa xalay gurigsiisa kala baxay, Sheekh Cabdiraxmaan Macallin Warsame oo 75-jir ahaa, isla markaana ahaa imaamkii masjidka weyn ee degmadaas, iyadoo maydkiisa oo qoorta laga jaray saakay laga helay god ku dhow gurigiisa.

3/19/2013 7:08 AM EST
Talaado, Maarso 19, 2013 (HOL) — Mas’uuliyiinta maamulka gobollka Hiiraan, saraakiisha ciidamada dowladda iyo kuwa Jabuuti ee howlgalka midowgga Africa AMISOM, odayaal dhaqameed, waxgarad, iyo boqolaal dadweyne ah oo ka kooban qeybaha bulshada oo ay ka mid yihiin ardeyda wax ka barata dugsiyada iyo jaamacada magaalada ayaa maanta siweyn u soo dhaweeyay Ugaas C/raxmaan Ugaas Khaliif oo dib ugu laabtay afar sano kaddib magaalada Baladweyne.

3/19/2013 2:29 AM EST
Talaado, Maarso 19, 2013 (HOL) — Xaflad shahaadooyin lagu gudoonsiiyay 260 arday oo bartay maaddooyinka caafimaadka iyo kambiyuutarka ayaa lagu qabtay xarunta Bisha Cas ee magaalada Laascaanood ee xarunta gobolka Sool.

3/19/2013 2:09 AM EST
Talaado, Maarso 19, 2013 (HOL) — Xildhibaan Sheekh Aadan Maxamed Nuur (Sheekh Aadan Madoobe) oo horay u ahaa guddoomiyaha baarlamaanka Soomaaliya oo ku sugan gobolka Bay ayaa sheegay in saraakiisha ciidamada Itoobiya ay ku wargeliyeen inay ka baxayaan dhammaan deegaannada ay kaga sugan yihiin gobollada Bay iyo Bakool.