3/19/2024
Today from Hiiraan Online:  _
Wararka Maanta- Sabti, Jun 8 , 2013
Afhayeenka Al-shabaab oo sheegay inay Maxaabiis ahaan u haystaan Qaar ka mid ah Ciidanka Midowga Afrika ee AMISOM


Sabti, Juun 08, 2013 (HOL) — Afhayeenka guud ee Al-shabaab, Sheekh Cali Maxamuud Raage (Sheekh Cali Dheere) oo la hadlayay idaacado taageera Al-shabaab ayaa sheegay maanta inay gacanta ku hayaan ciidammo ka tirsan kuwa Midowga Afrika ee AMISOM.

Sheekh Cali Dheere wuxuu sheegay in sida laga yeelayo ciidamadaas ay ka tashan doonaan madaxda Al-shabaab, isagoo xusay inay kordhin doonaan dagaallada ay kula jiraan ciidamada AMISOM ee caawinaya dowladda Soomaaliya.

“Al-shabaab ayaa go’aan ka qaadan doona sida laga yeelayo maxaabiista AMISOM ee gacanta ugu jira, waxaa noo bannaan inaan maxabiistaas ku furanno dagaalyahanno gacanta ugu jira dowladda, waxaa sidoo kale noo bannaan inaan dilno, waxaa noo banaan inaan iska sii-dayno,” ayuu yiri afhayeenka Al-shabaab.

Ma sheegin tirada ciidamada AMISOM ee ay gacanta ku hayaan iyo halka ay ku hayaan midna, wuxuuse sheegay inay ku qabsadeen dagaallo kala duwan oo ay kula galeen gobollada dalka qaarkood.

Sidoo kale, afhayeenku wuxuu sheegay in dhawaanahan ay bedeleen habkii dagaalka, ayna xoogeysteen weerarrada gaadmada ah ee lala beegsanayo ciidmada AMSIOM ayna sii socon doonaan weerarradaas inta ay dalka ka baxayaan.

“Waxaan horay u dagsannay nooc cusub oo dagaal ah, kaasoo ah inaan si gaadmo ah ku ugaasanno ciidamada dowladda Soomaaliya iyo kuwa ay ka helaan garabka ee AMISOM ee walba oo aan ku aragno,” ayuu afhayeenku hadalkiisa raaciyay.

Afhayeenku wuxuu sidoo kale wareysigiisa uu ku sheegay in qorshayaasha dagaal ee ay dajiyeen ay ka fuliyaan Muqdisho iyo deegaanno kale oo ka mid ah dalka, isagoo xusay in ciidamada ay la dagaalamayaan aysan garanayn xilliyada ay weerarka ku qaadayaan iyo goobaha xoogaggood ku sugan yihiin.

Sheekh Cali Dheere wuxuu qiray in ciidamada AMISOM iyo kuwa dowladda ay isku ballaarinayaan gobollada dalka Soomaaliya ayna ku sugan yihiin meelo badan oo dalka ah, isagoo sheegay inay kula dagaalami doonaan meel walba oo ay tagaan illaa ay isaga baxaan.

“Bashaar ayaa soo socota, dagaalladu waa sida ay u billowdeen waxaana sii wadi doonnaa inaan qaarkoodna dilno qaarka kalena aan maxaabiis ahaan u soo qabqabsanno, rajada aan qabnana waa inay ugu dambeyn dalka isaga baxaan iyagoo dhibaato xooggan ay gaartay,” ayuu afhayeenku hadalkiisa ku sheegay.

Ma jiro hadal kasoo baxay dhinaca Ciidamada AMISOM oo xaqiijinaya in maxaabiis ka tirsan ciidamadooda ay gacanta ugu jiraan Al-shabaab iyo in kale, waxaase horay ay Al-shabaab u soo bandhigeen maxbuus ka tirsan ciidamada Burundi ee qaybta ka ah AMISOM oo ay ku qabsadeen dagaallo sannadkii 2011 ka dhacay degmada Dayniile ee gobolka Banaadir.

Hadalka afhayeenka guud ee Al-shabaab ayaa imaanaya iyadoo maanta uu k dhacay deegaan duleedka ka xiga degmada Buur-hakaba dagaal la sheegay in ciidammo ka tirsan AMISOM ay ku dhinteen.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/8/2013 3:51 PM EST
Sabti, Juun 08, 2013 (HOL) — Afhayeenka kooxda Raaskambooni ee uu hogaaminayo Sheekh Axmed Maxamed Islaam (Sheekh Axmed Madoobe) ayaa sheegay in dagaalladii ka dhacayay Jimichii shalay iyo Sabtidii maanta ay ahaayeen shir-qoollo ay soo abaabushay dowladda Soomaaliya ayna ku guuleysteen inay fashiliyaan.

6/8/2013 2:53 PM EST
Sabti, Juun 08, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo), ayaa maanta xafiiskiisa ku qaabilay wefti ganacsato ah oo ka socda dalka Yeman.

6/8/2013 2:08 PM EST
Sabti Juun 8, 2013 (HOL) - Wariye Ibraahim Cumar Baafo ayaa wareysi la yeeshay Col. Iftiin Xasan Baasto, Madaxweynaha Jubalanda ee dhawaan lagu doortay magaalada Kismayo.

6/8/2013 10:53 AM EST
Sabti, Juun 08, 2013 (HOL) — Ugu yaraan lix qof oo ka kala tirsan AMISOM iyo Al-shabaab ayaa ku dhintay dagaal culus oo ciidamada Midowga Afrika iyo kuwa Al-shabaab maanta ku dhexmaray deegaan ku yaalla duleedka degmada Buurhakaba oo lagu magacaabo Buundo-Madow.

6/8/2013 10:36 AM EST
Sabti, Juun 08, 2013 (HOL) — Ciyaartoyga gobolka Togdheer oo maanta la ciyaari lahaa gobolka Sool, ayaa xabsiga loo taxaabay ka dib markii ay ku kaceen falal ka hor imanaya habsami u socodka tartanka kubadda cagta.

6/8/2013 10:29 AM EST
Sabti, Juun 08, 2013 (HOL) — Madaxweynaha Soomaaliya, Xasan Sheekh Maxamuud oo maanta dib ugu soo laabtay Muqdisho ayaa ugu baaqay dadka Soomaaliyeed inay la shaqeeyaan ergeyga cusub ee xoghayaha guud ee QM uu u soo magacaabay Soomaaliya iyo xafiiskiisa cusub ee UNSOM.

6/8/2013 10:05 AM EST
Sabti, June 08, 2013(HOL) :- Ciidamadii taabacsan maamulka uu hogaamiyo Sheekh Axmed Max’ed Islaam (Axmed Madoobe) ayaa maanta si buuxda ula wareegay gacan ku heynta magaalada Kismaayo kadib dagaal qaraar oo ay gudaha magaalada kula galeen ciidamo taabacsanaa Iftiin Xasan oo ka mid ah masuuliyinta sheeganeeysa madaxweeynenimada Jubbaland.

6/8/2013 8:10 AM EST
Sabti, Juun 08, 2013 (HOL) — Ciidamadda amniga Somaliland ayaa hawlgalo balaadhan oo ay dad ku soo qabqabteen ka fulinayey maalmihii ina dhaafay magaaladda Hargeysa iyo Burco, kuwaas oo baadhitaankoodu ka socdo xarumaha dambibaadhista ee magaalooyinkaasi.

6/8/2013 8:06 AM EST
Sabti, Juun 08, 2013 (HOL) — Ugu yaraan 10-qof oo dhinacyadii dagaalku u dhexeyay iyo shacab isugu jira ayaa ku dhintay dagaal saaka oo Sabti ah ka qarxay bartamaha magaalada Kismaayo, kaasoo u dhexeeya mas’uuliyiin isku haysta xilka madaxweynenimo ee maamulka Jubbaland oo bishii hore looga dhawaaqay Kismaayo.

6/8/2013 7:48 AM EST
Sabti, Juun 08, 2013 (HOL) — Qarax miino oo khasaare geystay ayaa maanta lagula eegtay degmada Dayniile ee gobolka Banaadir mas’uuliyiin ka tirsan maamulka gobolka Banaadir oo uu hoggaaminayay guddoomiye ku xigeenka maamulkaas, Cali Axmed Guure.

6/8/2013 3:15 AM EST
Sabti, Juun 08, 2013 (HOL) — Deeqdaan waxbarasho oo gaaraysa illaa labo kun oo doolarka Mareykanka ah, ayna iska soo ururiyeen dhallinyaro Soomaali ah hay’ad lagu magacaabo Shanta Foundation ayaa waxaa la guddoonsiiyey labo gabdhood oo ka mid ah arday wax ka barata mid ka mid ah iskuullada sare ee ay Soomaalidu maamusho ee ku yaala gobolka Minnesota.

6/8/2013 2:47 AM EST
Sabti, Juun 08, 2013 (HOL) — Dagaal culus oo la isku adeegsanayo hubka noocyadiisa kala duwan ayaa ka qarxay goor-dhow bartamaha magaalada Kismaayo ee xarunta gobolka Jubbada Hoose, dagaalkan oo daba socda dagaalkii shalay.