3/18/2024
Today from Hiiraan Online:  _
Wararka Maanta- Sabti, Jun 8 , 2013
Madaxweynaha Somaliland oo Xafiiskiisa Hargeysa kula Kulmay Ganacsato u dhashay dalka Yemen (SAWIRRO)


Sabti, Juun 08, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo), ayaa maanta xafiiskiisa ku qaabilay wefti ganacsato ah oo ka socda dalka Yeman.

“Madaxweynaha Somaliland Mudane Axmed Maxamed Maxamuud (Siilaanyo) waxa uu maanta qasriga madaxtooyadda ku qaabilay nin Ganacsade ah oo weyn oo la yidhaahdo Cabdul-xaaq oo dalka Yeman u dhashay iyo wefti sare oo ka socda dawladda Yeman iyo Ganacsato kale oo uu Hoggaaminayo, ujeedada weftigaasi ay u socdeen ee ay dalka u yimaadeen waxay ahayd sidii ay u indho indhayn lahaayeen dalka, iyagoo damacsan inay maal-gelin ku sameeyaan dalka.” ayuu yidhi afhayeenka madaxtooyada Axmed Saleebaan Dhuxul oo warbaahinta uga waramayey weftiga madaxweynaha la kulmay, waxaanu intaas ku daray.

Afhayeenka ayaa hadalkiisa ku daray: “Madaxweynaha Somaliland waxa uu weftigan tafaasiil ka siiyay sida loogu soo dhaweynayo dalkan cid kasta oo u timaada wadankan Maal-gelin iyo waxtar. Waxaanu u sheegay inay ku soo dhawaynayaan Somaliland, waxaanu tilmaamay inay Somaliland abuurayso saaxad ay cid waliba timaado isla markaana ay abuurtay saaxad nabad-gelyo oo lagu ganacsan karo, siyaasadda dawladduna ay tahay mid fur-furan oo cid kasta oo dalkan wax u qabanaysaba ay la macaamili karto,”

Sidoo kale, afhayeenka madaxtooyadu wuxuu sheegay in weftigan ka socday dalka Yeman ay Madaxweynaha uga mahad celiyeen sida diiran ee loogu soo dhaweeyay, waxaanay madaxweynaha u sheegeen inay u socdaan sidii ay maal-gashi ugu samayn lahaayeen Somaliland oo ay ku tilmaameen dal u qalma in la maal-gashado.

Mr. Axmed Saleebaan Dhuxul waxa uu sheegay in Madaxweynuhu uu weftigan gudoon siiyay hadyado la xidhiidha agabka hidaha iyo dhaqanka Somaliland, halka weftiguna ay madaxweynaha gudoon siiyeen hadyado ay ugu tallo galeen.





Barkhad-ladiif M. Cumar, Hiiraan online
[email protected]
Hargeysa, Somaliland













Click here
6/8/2013 3:51 PM EST
Sabti, Juun 08, 2013 (HOL) — Afhayeenka kooxda Raaskambooni ee uu hogaaminayo Sheekh Axmed Maxamed Islaam (Sheekh Axmed Madoobe) ayaa sheegay in dagaalladii ka dhacayay Jimichii shalay iyo Sabtidii maanta ay ahaayeen shir-qoollo ay soo abaabushay dowladda Soomaaliya ayna ku guuleysteen inay fashiliyaan.

6/8/2013 3:10 PM EST
Sabti, Juun 08, 2013 (HOL) — Afhayeenka guud ee Al-shabaab, Sheekh Cali Maxamuud Raage (Sheekh Cali Dheere) oo la hadlayay idaacado taageera Al-shabaab ayaa sheegay maanta inay gacanta ku hayaan ciidammo ka tirsan kuwa Midowga Afrika ee AMISOM.

6/8/2013 2:08 PM EST
Sabti Juun 8, 2013 (HOL) - Wariye Ibraahim Cumar Baafo ayaa wareysi la yeeshay Col. Iftiin Xasan Baasto, Madaxweynaha Jubalanda ee dhawaan lagu doortay magaalada Kismayo.

6/8/2013 10:53 AM EST
Sabti, Juun 08, 2013 (HOL) — Ugu yaraan lix qof oo ka kala tirsan AMISOM iyo Al-shabaab ayaa ku dhintay dagaal culus oo ciidamada Midowga Afrika iyo kuwa Al-shabaab maanta ku dhexmaray deegaan ku yaalla duleedka degmada Buurhakaba oo lagu magacaabo Buundo-Madow.

6/8/2013 10:36 AM EST
Sabti, Juun 08, 2013 (HOL) — Ciyaartoyga gobolka Togdheer oo maanta la ciyaari lahaa gobolka Sool, ayaa xabsiga loo taxaabay ka dib markii ay ku kaceen falal ka hor imanaya habsami u socodka tartanka kubadda cagta.

6/8/2013 10:29 AM EST
Sabti, Juun 08, 2013 (HOL) — Madaxweynaha Soomaaliya, Xasan Sheekh Maxamuud oo maanta dib ugu soo laabtay Muqdisho ayaa ugu baaqay dadka Soomaaliyeed inay la shaqeeyaan ergeyga cusub ee xoghayaha guud ee QM uu u soo magacaabay Soomaaliya iyo xafiiskiisa cusub ee UNSOM.

6/8/2013 10:05 AM EST
Sabti, June 08, 2013(HOL) :- Ciidamadii taabacsan maamulka uu hogaamiyo Sheekh Axmed Max’ed Islaam (Axmed Madoobe) ayaa maanta si buuxda ula wareegay gacan ku heynta magaalada Kismaayo kadib dagaal qaraar oo ay gudaha magaalada kula galeen ciidamo taabacsanaa Iftiin Xasan oo ka mid ah masuuliyinta sheeganeeysa madaxweeynenimada Jubbaland.

6/8/2013 8:10 AM EST
Sabti, Juun 08, 2013 (HOL) — Ciidamadda amniga Somaliland ayaa hawlgalo balaadhan oo ay dad ku soo qabqabteen ka fulinayey maalmihii ina dhaafay magaaladda Hargeysa iyo Burco, kuwaas oo baadhitaankoodu ka socdo xarumaha dambibaadhista ee magaalooyinkaasi.

6/8/2013 8:06 AM EST
Sabti, Juun 08, 2013 (HOL) — Ugu yaraan 10-qof oo dhinacyadii dagaalku u dhexeyay iyo shacab isugu jira ayaa ku dhintay dagaal saaka oo Sabti ah ka qarxay bartamaha magaalada Kismaayo, kaasoo u dhexeeya mas’uuliyiin isku haysta xilka madaxweynenimo ee maamulka Jubbaland oo bishii hore looga dhawaaqay Kismaayo.

6/8/2013 7:48 AM EST
Sabti, Juun 08, 2013 (HOL) — Qarax miino oo khasaare geystay ayaa maanta lagula eegtay degmada Dayniile ee gobolka Banaadir mas’uuliyiin ka tirsan maamulka gobolka Banaadir oo uu hoggaaminayay guddoomiye ku xigeenka maamulkaas, Cali Axmed Guure.

6/8/2013 3:15 AM EST
Sabti, Juun 08, 2013 (HOL) — Deeqdaan waxbarasho oo gaaraysa illaa labo kun oo doolarka Mareykanka ah, ayna iska soo ururiyeen dhallinyaro Soomaali ah hay’ad lagu magacaabo Shanta Foundation ayaa waxaa la guddoonsiiyey labo gabdhood oo ka mid ah arday wax ka barata mid ka mid ah iskuullada sare ee ay Soomaalidu maamusho ee ku yaala gobolka Minnesota.

6/8/2013 2:47 AM EST
Sabti, Juun 08, 2013 (HOL) — Dagaal culus oo la isku adeegsanayo hubka noocyadiisa kala duwan ayaa ka qarxay goor-dhow bartamaha magaalada Kismaayo ee xarunta gobolka Jubbada Hoose, dagaalkan oo daba socda dagaalkii shalay.