3/19/2024
Today from Hiiraan Online:  _
Wararka Maanta- Sabti, Jun 8 , 2013
Gabdho Soomaaliyeed oo deeq Waxbarasho lagu guddoonsiiyay Gobolka Minnesota ee Dalka Mareykanka (SAWIRRO)


Sabti, Juun 08, 2013 (HOL) — Deeqdaan waxbarasho oo gaaraysa illaa labo kun oo doolarka Mareykanka ah, ayna iska soo ururiyeen dhallinyaro Soomaali ah hay’ad lagu magacaabo Shanta Foundation ayaa waxaa la guddoonsiiyey labo gabdhood oo ka mid ah arday wax ka barata mid ka mid ah iskuullada sare ee ay Soomaalidu maamusho ee ku yaala gobolka Minnesota.

Munaasabaddii deeqdan lagu bixinayay ayaa waxaa ka soo qeyb-galay dadweyne aad u fara badan oo ay ka mid ahaayeen shaqsiyaad ka socday goobaha waxbarashada ee gobolka Minnesota.

Cusmaan Axmed oo ka mid ah dhalinyaradii deeqdaan bixinaysay ayaa goobta ka sheegay in ujeedkoodu ay tahay sare u qaadida hammiga dhalinta Soomaaliyeed ee waxbaraneysa, gaar ahaan sidii looga kobcin lahaa dhinacyada luuqda iyo dhaqanka.

“Ma doonayno in jiilka maanta waxbaranaya ay dareemaan marxaladdii adkeyd ee aan soo marnay… Waxaan doonaynaa inay noqdaan kuwo ka faa’ideysta fursadda ay haystaan,” ayuu yiri Cusmaan Axmed.

Macallin Saciid Saalax Axmed oo isugu labadii gabdhood ee ku guulaysatay deeqdaan gudoonsiinayey ayaa si gaar ah ugu mahadceliyey dhalinyaradii Soomaaliyeed ee aas-aasay mashruucaan lagu dhiiragelinayo ubadka Soomaaliyeed ee waxbaranaya.

“Kooxdaan dhalinyarada ah waxaa ay aas-aaseen saldhig wanaagsan oo ay ku gacan qaban karaan ardayda Soomaaliyeed ee mareysa halkii ay shalay soo mareen,” ayuu yiri Macalin Saciid Salaax.

Ma badna in dhalinta qurbaha ku barbaarta, islamarkaana wax ku barata ay qoraan ama akhriyaan luuqdooda hooyo, hase ahaatee Caa’isho Warsame iyo Zamzam  Cali ayaa araajida codsiga deeqda ku qoray, isla markaana imtixaamka ku galay Soomaali, taasina waa sababta deeqdaan waxbarasho ay ku muteysteen, sida uu madasha ka sheegay Macalin Saciid.

Hay’addaan deeqda bixisay oo lagu magacaabo Shanta Foundation ayaa waxaa mideysan dhalinyaro Soomaaliyeed oo ku nool gobolka Minnesota, kuwaasi oo sheegay in hadafkoodu uu yahay ka shaqeynta mideynta iyo isku xirka bulshada, gaar ahaan xoojinta dhaqanka iyo luuqda.

“Dhaqanka iyo luuqaddu waxaa ay ka mid yihiin meelaha laga fiiriyo jiritaanka bulshada, sidaasi daraadeed waxaan doonaynaa in aan ka shaqeynno sidii aan u sii xoojin laheyn…Sidoo kale qorshaheenu waxaa uu yahay in aan ka shaqeyno sidii bulshadeenu ay u noqon lahayd mid kaalin muuqda ku leh dhinaca nolosha iyo wax-soo-saarka,” ayuu yiri Cusmaan Calool-geel oo ka mid ah xubnaha Shanta Foundation.




Maxamed Faarax Talyaani, Hiiraan Online
[email protected]
Minneapolis, Minnesota













Click here
6/8/2013 3:51 PM EST
Sabti, Juun 08, 2013 (HOL) — Afhayeenka kooxda Raaskambooni ee uu hogaaminayo Sheekh Axmed Maxamed Islaam (Sheekh Axmed Madoobe) ayaa sheegay in dagaalladii ka dhacayay Jimichii shalay iyo Sabtidii maanta ay ahaayeen shir-qoollo ay soo abaabushay dowladda Soomaaliya ayna ku guuleysteen inay fashiliyaan.

6/8/2013 3:10 PM EST
Sabti, Juun 08, 2013 (HOL) — Afhayeenka guud ee Al-shabaab, Sheekh Cali Maxamuud Raage (Sheekh Cali Dheere) oo la hadlayay idaacado taageera Al-shabaab ayaa sheegay maanta inay gacanta ku hayaan ciidammo ka tirsan kuwa Midowga Afrika ee AMISOM.

6/8/2013 2:53 PM EST
Sabti, Juun 08, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo), ayaa maanta xafiiskiisa ku qaabilay wefti ganacsato ah oo ka socda dalka Yeman.

6/8/2013 2:08 PM EST
Sabti Juun 8, 2013 (HOL) - Wariye Ibraahim Cumar Baafo ayaa wareysi la yeeshay Col. Iftiin Xasan Baasto, Madaxweynaha Jubalanda ee dhawaan lagu doortay magaalada Kismayo.

6/8/2013 10:53 AM EST
Sabti, Juun 08, 2013 (HOL) — Ugu yaraan lix qof oo ka kala tirsan AMISOM iyo Al-shabaab ayaa ku dhintay dagaal culus oo ciidamada Midowga Afrika iyo kuwa Al-shabaab maanta ku dhexmaray deegaan ku yaalla duleedka degmada Buurhakaba oo lagu magacaabo Buundo-Madow.

6/8/2013 10:36 AM EST
Sabti, Juun 08, 2013 (HOL) — Ciyaartoyga gobolka Togdheer oo maanta la ciyaari lahaa gobolka Sool, ayaa xabsiga loo taxaabay ka dib markii ay ku kaceen falal ka hor imanaya habsami u socodka tartanka kubadda cagta.

6/8/2013 10:29 AM EST
Sabti, Juun 08, 2013 (HOL) — Madaxweynaha Soomaaliya, Xasan Sheekh Maxamuud oo maanta dib ugu soo laabtay Muqdisho ayaa ugu baaqay dadka Soomaaliyeed inay la shaqeeyaan ergeyga cusub ee xoghayaha guud ee QM uu u soo magacaabay Soomaaliya iyo xafiiskiisa cusub ee UNSOM.

6/8/2013 10:05 AM EST
Sabti, June 08, 2013(HOL) :- Ciidamadii taabacsan maamulka uu hogaamiyo Sheekh Axmed Max’ed Islaam (Axmed Madoobe) ayaa maanta si buuxda ula wareegay gacan ku heynta magaalada Kismaayo kadib dagaal qaraar oo ay gudaha magaalada kula galeen ciidamo taabacsanaa Iftiin Xasan oo ka mid ah masuuliyinta sheeganeeysa madaxweeynenimada Jubbaland.

6/8/2013 8:10 AM EST
Sabti, Juun 08, 2013 (HOL) — Ciidamadda amniga Somaliland ayaa hawlgalo balaadhan oo ay dad ku soo qabqabteen ka fulinayey maalmihii ina dhaafay magaaladda Hargeysa iyo Burco, kuwaas oo baadhitaankoodu ka socdo xarumaha dambibaadhista ee magaalooyinkaasi.

6/8/2013 8:06 AM EST
Sabti, Juun 08, 2013 (HOL) — Ugu yaraan 10-qof oo dhinacyadii dagaalku u dhexeyay iyo shacab isugu jira ayaa ku dhintay dagaal saaka oo Sabti ah ka qarxay bartamaha magaalada Kismaayo, kaasoo u dhexeeya mas’uuliyiin isku haysta xilka madaxweynenimo ee maamulka Jubbaland oo bishii hore looga dhawaaqay Kismaayo.

6/8/2013 7:48 AM EST
Sabti, Juun 08, 2013 (HOL) — Qarax miino oo khasaare geystay ayaa maanta lagula eegtay degmada Dayniile ee gobolka Banaadir mas’uuliyiin ka tirsan maamulka gobolka Banaadir oo uu hoggaaminayay guddoomiye ku xigeenka maamulkaas, Cali Axmed Guure.

6/8/2013 2:47 AM EST
Sabti, Juun 08, 2013 (HOL) — Dagaal culus oo la isku adeegsanayo hubka noocyadiisa kala duwan ayaa ka qarxay goor-dhow bartamaha magaalada Kismaayo ee xarunta gobolka Jubbada Hoose, dagaalkan oo daba socda dagaalkii shalay.