3/19/2024
Today from Hiiraan Online:  _
Wararka Maanta- Sabti, Jun 29, 2013
Sarkaal ka Tirsan Safaarada Britain ee Somalia oo Maanta Booqday Xeryaha Ciidamada Magaalada Baladweyne (SAWIRRO)


Sabti, Juun 29, 2013 (HOL) — Sarkaalka u qaabilsan safaarada Britain ee Soomaaliya arrimaha ciidamada ayaa maanta tagay magaalada Baladweyne isaga oo kormeeray ciidamada maamulka gobolka islamarkaana booqday xeryaha ay degan yihiin.

Sarkaalka oo kormeerkiisa ay ku wehlinayeen saraakiil ka tirsan maamulka iyo gobolka iyo kuwa ciidamada Jabuuti ee howlgalka midowgga Africa AMISOM ayaa ku soo wareegay xeryaha ciidamada maamulka isaga oo u kuur-galayay habka ay u dhisan yihiin ciidamada iyo sida ay howlgalaan, waxaana ka mid ah goobaha uu tagay saldhiga booliiska, xerada ciidamada militariga ee Lama-galaay, xabsiga magaalada iyo fariisimaha difaaca ciidamada maamulka iyo kuwa Jabuuti.

''Ujeeddada socdaalka aan ku soo gaaray magaalada Baladweyne waxaa ay aheyd in aan u kuur-galo islamarkaana eego sida ay  u shaqeynayaa ciidamada iyo habka ay u dhisan yihiin, iyo in aan ogaado baahiyaha waqtigan heysta ee u baahan in wax lagala qabto, runtiina waxaan arkay ciidamo dhisan oo awood badan leh,'' ayuu yiri sarkaalka tirsan wasaarrada difaaca Britain.

Taliyaha ciidamada maamulka gobollka Hiiraan Col Towane Axmed Gurey oo ka mid ahaa saraakiishii ku wehlisay kormeerka sarkaalka ka socday safaarada Britian ayaa ka warbixiyay ciidamada iyo sida ay u dhisan yihiin, isaga oo sheegay in ciidamada ka howlgala gobolka gaar ahaan magaalada Baladweyne dhamaantood tababar ku qaatay dalka gudihiisa, wax badanna ka qabeen nabad-galyada xiligan ka jirta magaalada.

Sarkaalka dowladda Britain waxaa uu sheegay in socdaal uu ku soo maray qeyb badan oo ka mid ah gobollada dalka, laakiin sida uu hadalka u dhigay wali uusan arag ciidamo ku tababartay dalka oo ilaa iyo heerkan nidaamsan, isaga oo sheegay in ay kala shaqeyn doonaan saraakiisha maamulka gobolka haddii ay jiraan caqabado wali ka heysta hormarinta dhismaha ciidamada.

Waa sarkaalkii ugu sareeyay dowladda Britian oo booqda ciidamada maamulka gobolka Hiiraan oo dhismahooda ay gacan weyn ka geysteen saraakiisha ciidamada Jabuuti ee ka howlgala magaalada Baladweyne oo tababaro kala duwan siiyay ciidamada maamulka oo xiligan u muuqda kuwa awood badan u leh hanashada amniga.




C/raxmaan Diini, Hiiraan Online
[email protected]
Baladweyne, Soomaaliya













Click here
6/29/2013 2:37 PM EST
Sabti, Juun 29, 2013 (HOL) — Guddoomiyaha baarlamaanka Soomaaliya, Maxamed Sheekh Cismaan (Jawaari) ayaa maanta xafiiska ku qaabilay guddoomiyeyaasha Baarlamaannada Puntland iyo Galmudug oo shalay soo gaaray magaalada Muqdisho ee xarunta Soomaaliya.

6/29/2013 1:00 PM EST
Sabti, Juun 29, 2013 (HOL) — Waxaa magaalada Muqdisho ee caasimadda Dalka Soomaaliya gaaray Shiikh Xasan Daahir Aweys oo maalmihii aynu ka soo gudubnay ku sugnaa degmada Cadaado ee Gobolka Galgaduud. Xasan Daahir ayaa waxaa Muqdisho geystay diyaarad ka soo qaadday Cadaado.

6/29/2013 12:45 PM EST
Sabti, Juun 29, 2013 (HOL) — Afhyeenka AMISOM, Col. Cali Aadan Xumad ayaa sheegay maanta in dagaalka ka socda Kismaayo ay mas’uuliyaddiisa leedahay dowladda Soomaaliya, ciidamadooda halkaas ku suganna ay dhexdhexaad ka yihiin dagaalka.

6/29/2013 12:36 PM EST
Sabti, Juun 29, 2013 (HOL) — Dagaalladii maanta ka socday Kismaayo ayaa qaboobay maqrinimadii caawa, iyadoo ciidamadii dagaalku u dhexeeyay ay weli isku horfadhiyaan xaafado ka tirsan magaaladaas, waxaana si xowli ah uga socda barakac ay dadku sameynayaan.

6/29/2013 10:11 AM EST
Sabti, Juun 29, 2013 (HOL) — Wasiirkii hore arrimaha gudaha Maxamed Nuur Caraale (Duur), ayaa maanta xilkii ku wareejiyey wasiirkii cusbaa ee loo soo magacaabay wasaaradda Cali Maxamed Warancadde.

6/29/2013 9:24 AM EST
Sabti, Juun 29, 2013 (HOL) — Kumannaan kamid ah taageerayaasha urur-siyaasadeedka uu hoggaamiyo madaxweynaha xilligan haya talada Puntland Dr. C/raxmaan Faroole ee Horseed ayaa maanta isugu soo baxay inta badan magaalooyinka waaweyn ee Puntland.

6/29/2013 8:41 AM EST
Sabti, Juun 29, 2013 (HOL) — Mucaaradka xukuumadda xilligan ka arimisa Puntland ee uu hoggaamiyo Madaxweyne C/raxmaan Maxamed Faroole ayaa ku eedeeyey ururka HORSEED in ololihiisa doorashada uu ku maal geliyey hantida qaranka.

6/29/2013 8:30 AM EST
Sabti, Juun 29, 2013 (HOL) — Madaxweynaha Jamhuuriyadda Federaalka Soomaaliya, Xasan Sheekh Maxamud ayaa maanta mar kale ku baaqay in si deg-deg ah loo joojiyo dagaalka ka socda magaalada Kismaayo xarunta gobolka Jubbada Hoose.

6/29/2013 8:12 AM EST
Sabti, Juun 29, 2013 (HOL) — Madaxweynaha Soomaaliya, Xasan Sheekh Maxamuud ayaa qoraal uu u gudbiyay baarlamaanka Soomaaliya wuxuu kaga dalbaday xildhibaannada inay bil ka mid ah labada bilood ee fasaxa ay leeyihiin ay sii shaqeeyaan si ay u meel mariyaan hidiyaal sharciyeedyo ay u soo gudbisay xukuumadda Soomaaliya.

6/29/2013 7:43 AM EST
Madaxweyne ku xigeenka dalka Kenya William Ruto ayaa amar lagu siiyay inuu banneeyo dhul ku yaalla gobolka Rift Valley oo ah halkii ay dhaceen intoo badnayd rabshadihii uu dhiiga badani ku daatay ee dalka Kenya.

6/29/2013 7:18 AM EST
Sabti, Juun 29, 2013 (HOL) — Dagaalkii magaalada Kismaayo ayaa si xowli ah uga socda xaafadaha magaaladaaas, iyadoo khasaaraha dhimasho ee ka dhashay dagaalkaas ka badan yahay kii shalay dhacay, waxaana wararku ay sheegayaan in 18-qof ugu yaraan ay ku dhinteen.

6/29/2013 7:06 AM EST
Sabti, Juun 29, 2013 (HOL) — Xukuumadda Soomaaliya iyo xafiiska UNSOM ee Soomaaliya ayaa ugu baaqay dhinacyada ku dagaalamaya Kismaayo inay si dhaqso ah ku joojiyaan dagaalka dhiiggu uu ku daadanayo ayna nabad iyo wadahadal ku dhameeyaan khilaafka u dhexeeya.

6/29/2013 6:51 AM EST
Sabti, Juun 29, 2013 (HOL) — Ciidamada AMISOM ee Baydhabo ku sugan oo marayay suuqa afar irdoonka Baydhabo ayaa qarax miino lala beegsaday, iyadoo qaraxaas uu khasaare kasoo gaaray ciidamada Midowga Afrika iyo dad shacab ah oo ku sugnaa goobta uu qaraxu ka dhacay.

6/29/2013 6:31 AM EST
4 qof ayaa ku dhimatay 5 kalana waa ku dhaawacmeen dagaallo horleh oo ka dhacay tuulooyin ku teedsan magaalada Mandheera ee gobolka waqooyi bari ee Soomaalida Kenya.

6/29/2013 3:54 AM EST
Sabti, Juun 29, 2013 (HOL) — Hugunka madaafiicda culus ayay saakay kusoo kaceen dadka ku nool magaalada Kismaayo ee xarunta gobolka Jubbada Hoose, taasoo daba socota dagaalkii shalay gellinkii dambe ka billowday magaaladaas.

6/29/2013 3:13 AM EST
Sabti, Juun 29, 2013 (HOL) — Dowladda Soomaaliya ayaa laga yaabaa inay Sheekh Axmed Madoobe heshiis kula gasho inuu guddoomiye ka noqdao magaalada Kismaayo si xal loogu helo xiisadaha ka taagan degmadaas oo sababay gacan ka hadal.

6/29/2013 2:40 AM EST
Sabti, Juun 29, 2013 (HOL) — Sheekh Xasan Daahir Aweys ayaa la sheegay inuu ogolaaday inuu xildhibaannadii iyo waxgaradkii dhawaan gaaray degmda Cadaado uu u raaco Muqdisho, kaddib wadahadallo maalmo qaatay oo ku dhexmaray degmadaas.