12/14/2019
Today from Hiiraan Online:  _
Wararka Maanta- Khamiis, Jun 27, 2013
Baarlamaanka Puntland oo Maanta su'aalo weydiiyay Wasiirada Maaliyadda iyo Dekedaha ee Maamulka Puntland



Khamiis, Juun 27, 2013 (HOL) — Baarlamaanka Puntland oo magaalada Garoowe uu uga socodo kal-fadhigoodii 30-aad ayaa maanta su'aalo weydiiyey Wasiirka Dekedaha iyo Gaadiidka Badda Siciid Maxamed Raage iyo Wasiirka Maaliyadda Faarax Cali Shire.

Su'aalaha ay mudanayaasha baarlamaanku weydiiyeen labada wasiir  ayaa dhamaantood ahaa kuwo khuseeya sababta ay dowladda Puntland u joojisey shidaalkii ay ganacsatada yar yar ee Puntland kala imaan jireen dalka Yemen.

Xildhibaanada soo xaadiray fadhiga Baarlamaanka ee maanta oo ay tiradoodu dhameyd 42-mudane, ayaa labada wasiir weydiiyey su'aalo badan oo ay ugu muhiimsaneyd in ay si cad u qeexaan sababta ka danbeysa mamnuucista shidaalka dalka Yemen.

Wasiirka Maaliyadda Faarax Cali Shire, oo isagu hadalka ku horeeyey ayaa sheegay in dowladdu ay u mamnuucday shidaalka dalka Yemen arimo la xiriira dhanka ammaanka. Wasiir Faarax ayaa tilmaamay in muddooyinkii u danbeeyey xaaladda dalkaasi ay ahayd mid aan xasilooneyn, sidaas darteedna ay suurto gal tahay in doomaha shidaalka soo qaadaya -oo intooda badan ah kuwo yar yar oo aan sharciyeysneyn- lagu soo qariyo hub u socda xoogag ay kamid tahay xarakada Al-shabaab.

Wasiirka Dekedaha Siciid Maxamed Raage ayaa isna dhankiisa sheegay in sababta ay dowladdu shidaalkaas u joojisey ay tahay mid maslaxadda shacabku ay ku jirto, balse aan ujeedo kale laga lahayn. Wasiir Raage oo hadalkiisa sii wata ayaa ugu danbeyntii xusay in Puntland aysan marna ogolaan doonin in dekedaheeda laga soo dejiyo badeecooyin aysan raali ka ahayn.

Bishii Janaayo ee lasoo dhaafay 24-teedii ayaa wareegto kasoo baxday xafiiska Madaxweynaha Puntland, Cabdiraxmaan Maxamed Faroole, waxaa lagu joojiyey gebi ahaanba shidaalkii laga soo dhoofin jirey dalka Yemen.

Ganacsatada Puntland - gaar ahaan kuwa uu amarkani sida gaarka ah u taabanayo- ayaa si kulul uga jawaabey wareegtada kasoo baxday xafiiska madaxweynaha, waxayna dalbadeen in dowladdu ay caddeysto sababta ay tallaabadaas u qaaday, iyagoo dhowr mar oo horena shaqo joojin sameeyey.

Maxamed Salaad Xaaji Dirir, Hiiraan Online
[email protected]
Puntland, Soomaaliya










Click here
6/27/2013 2:10 PM EST
Khamiis, Juun 27, 2013 (HOL) — Xaflad lagu maamuusaayay 26-ka Juun oo ahayd markii gobollada Waqooyi ee Soomaaliya ay xorriyadooda ka qaateen gumeystihii Ingiriiska ayaa xalay lagu qabtay magalada Ankara ee xarunta dalka Turkiga.

6/27/2013 1:25 PM EST
Khamiis, Juun 27, 2013 (HOL) — Kaaliyaha xoghayaha guud ee Qaramada Midoobay ahna mas’uulka ugu sarreeya ee Qaramada Midoobay ee arrimaha siyaasadda, Jeffrey Feltman ayaa maanta booqasho ku yimid Muqdisho si uu u muujiyo in Qaramada Midoobay ay sii wadayso howlaha ay Soomaaliya ka hayso, kaddib markii dhawaan la weeraray xarunta UNDP ee Muqdisho.

6/27/2013 10:05 AM EST
Khamiis, Juun 27, 2013 (HOL) — Munaasabad si qurux badan loo soo agaasimay laguna maamuusayay sanad-guuradii 36 ee ka soo wareegtay markii ay shacabka reer Jabuuti ka xorroobeen gumeytihii Faransiiska 27 Juun sanadkii 1977 ayaa maanta lagu qabtay magaalada Baladweyne.

6/27/2013 9:34 AM EST
Khamiis, Juun 27, 2013 (HOL) — Afhyeenka maamulka Ximan iyo Xeeb, Maxamed Cumar Hagafeey ayaa sheegay in Sheekh Xasan Daahir Aweys uu culeys ku yahay deegaankooda iyo deegaannada ku dhow-dhow iyagoo taas ka duulayana ay dowladda Soomaaliya ka dalbadeen inay arrinta Sheekh Xasan Daahir kala hadasho.

6/27/2013 9:11 AM EST
Khamiis, Juun 27, 2013 (HOL) — Munaasibadda loogu dabaaldegayo sanad guuradda 53aad ee ka soo wareegtay markii ay Somaliland xoriyadda ka qaadatay gumaystihii Ingiriiska, ayaa xalay lagu qabtay magaaladda Hargeysa

6/27/2013 8:11 AM EST
Khamiis, Juun 27, 2013 (HOL) — Xarunta Jaamacada Banaadir ee Muqdisho ayaa waxaa lagu qabtay shalay oo Arbaco ahayd kulan aqoon-is-weydaarsi ah oo dhakhaatiir ka socotay isbitaalka Global ee dalka Hindiya ay u qabteen qaar ka mid ah ardayda jaamacaddaas.

6/27/2013 7:38 AM EST
Khamiis, Juun 27, 2013 (HOL) — Madaxweynaha Soomaaliya, Xasan Sheekh Maxamuud ayaa maanta Muqdisho kulan kula yeeshay wafdi ka socday dalka Norway oo uu hoggaaminaay wasiirka horumarinta iyo xiriirka Caalamiga ah ee Norway, Heikki Holmes.

6/27/2013 6:53 AM EST
Khamiis, Juun 27, 2013 (HOL) — Xildhibaanno ka tirsan baarlamaanka dowladda Soomaaliya, odayaal iyo xubno kale oo uu hoggaaminayay Sheekh C/qaadir Cali Cumar oo ah xildhibaan ka tirsan dowladda Soomaaliya ayaa maanta gaaray degmada Cadaado ee xarunta maamulka Ximan iyo Xeeb.

6/27/2013 3:06 AM EST
Khamiis, Juun 27, 2013 (HOL) — Gaari ay wateen ciidamada Sierra Leone ee qaybta ka ah howlgalka AMISOM ayaa qaraxyo miino lagula eegtay maanta magaalada Kismaayo ee xarunta gobolka Jubbada Hoose, iyadoo ay jirto xiisad u dhexeysa dhinacyadii shalay ku dagaalamay magaaladaas.

6/27/2013 3:05 AM EST
Khamiis, Juun 27, 2013 (HOL) — Dowladda federaalka Soomaaliya ayaa ka hadashay joogitaanka Sheekh Xasan Daahir Aweys oo ka mid ahaa xubnihii sar-sare ee Al-shabaab oo dhawaan kasoo goostay ee degmada Cadaado oo ah xarunta maamulka Ximan iyo Xeeb.