3/29/2024
Today from Hiiraan Online:  _
Wararka Maanta- Khamiis, Jun 27, 2013
AFHAYEENKA XIMAN IYO XEEB: “Shiikh Xasan Daahir Aweys culays ayuu ku yahay deegaanka iyo deegaannada ku dhow”

Khamiis, Juun 27, 2013 (HOL) — Afhyeenka maamulka Ximan iyo Xeeb, Maxamed Cumar Hagafeey ayaa sheegay in Sheekh Xasan Daahir Aweys uu culeys ku yahay deegaankooda iyo deegaannada ku dhow-dhow iyagoo taas ka duulayana ay dowladda Soomaaliya ka dalbadeen inay arrinta Sheekh Xasan Daahir kala hadasho.

Hagafeey oo u warramayay VOA-da isagoo ku sugan Cadaado ayaa sheegay in wafdi isugu jira xildhibaanno iyo waxgarad ay maanta gaareen Cadaado ayna kulammo ay kaga hadlayaan arrinta Sheekh Xasan Daahir la leeyihiin mas’uuliyiinnta maamulka Ximan iyo Xeeb.

“Sheekh Xasan Daahir runtii culeys ayuu ku yahay deegaanka iyo kuwa kale eek u dhow-dhow, sidaa daraadeed waxaa socda wadahadallo ku saabsan sida laga yeelanayo xaalkiisa, maadaama isagoo aan dagaalamayn uu soo galay gacanta maamulkeenna,” ayuu yiri Hagafeey.

Afhayeenka maamulka Ximan Xeeb ayaa sidoo kale, sheegay in weli uu ku jiro gacantooda Xasan Daahir ayna la socdaan ilaalo ay qaraabo dhow yihiin oo kasoo raacay halkiis uu kasoo baxsaday.

Mar la weydiiyay su’aal ahayd inay ka warhayeen in Sheekh Xasan Daahir uu soo gaarayo deegaannadooda ayuu ku jawaabay: “Kama warhayn, waayo markii uu kasoo dagay xeebaha uu maamulku ka taliyo, ciidan fara badan ayaan halkaas u dirnay, markii lagu wargeliyay inuu is-dhiibana wuu diiday, taasina waxay keentay in muddo toddoba  saacadood ah la is-hor-fadhiyo,” ayuu hadalkiisa raaciyay.

Xubnaha la socda mar la weydiiyay inay ku jiraan xubno la raadinayo ee ka tirsan Al-shabaab ayuu sheegay inuusan taas ka hadli karin, laakiinse ay la socdaan dhallinyaro isaga ilaalo u ah oo keliya, kuwaasoo aan u muuqan in ay yihiin kuwo lagu raad-joogo.

Ugu dambeyn, afhayeenku wuxuu sheegay in Sheekh Xasan iyo maamulka ay wadahadallo yeesheen, haddana ay socdaan wadahadallo kale oo arintiisa ku saabsan, markii ay dhammaadaanna uu la hadli doono saxaafadda.

Wararka laga helayo degmada Cadaado ayaa waxay sheegayaan in Sheekh Xasan Daahir iyo xubnaha la socda lagu ilaalinayo meel ku dhow xarunta madaxtooyada maamulkaas, halkaasoo ay ku sugan yihiin ciidammo aad u hubeysan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/27/2013 2:10 PM EST
Khamiis, Juun 27, 2013 (HOL) — Xaflad lagu maamuusaayay 26-ka Juun oo ahayd markii gobollada Waqooyi ee Soomaaliya ay xorriyadooda ka qaateen gumeystihii Ingiriiska ayaa xalay lagu qabtay magalada Ankara ee xarunta dalka Turkiga.

6/27/2013 1:25 PM EST
Khamiis, Juun 27, 2013 (HOL) — Kaaliyaha xoghayaha guud ee Qaramada Midoobay ahna mas’uulka ugu sarreeya ee Qaramada Midoobay ee arrimaha siyaasadda, Jeffrey Feltman ayaa maanta booqasho ku yimid Muqdisho si uu u muujiyo in Qaramada Midoobay ay sii wadayso howlaha ay Soomaaliya ka hayso, kaddib markii dhawaan la weeraray xarunta UNDP ee Muqdisho.

6/27/2013 1:19 PM EST
Khamiis, Juun 27, 2013 (HOL) — Baarlamaanka Puntland oo magaalada Garoowe uu uga socodo kal-fadhigoodii 30-aad ayaa maanta su'aalo weydiiyey Wasiirka Dekedaha iyo Gaadiidka Badda Siciid Maxamed Raage iyo Wasiirka Maaliyadda Faarax Cali Shire.

6/27/2013 10:05 AM EST
Khamiis, Juun 27, 2013 (HOL) — Munaasabad si qurux badan loo soo agaasimay laguna maamuusayay sanad-guuradii 36 ee ka soo wareegtay markii ay shacabka reer Jabuuti ka xorroobeen gumeytihii Faransiiska 27 Juun sanadkii 1977 ayaa maanta lagu qabtay magaalada Baladweyne.

6/27/2013 9:11 AM EST
Khamiis, Juun 27, 2013 (HOL) — Munaasibadda loogu dabaaldegayo sanad guuradda 53aad ee ka soo wareegtay markii ay Somaliland xoriyadda ka qaadatay gumaystihii Ingiriiska, ayaa xalay lagu qabtay magaaladda Hargeysa

6/27/2013 8:11 AM EST
Khamiis, Juun 27, 2013 (HOL) — Xarunta Jaamacada Banaadir ee Muqdisho ayaa waxaa lagu qabtay shalay oo Arbaco ahayd kulan aqoon-is-weydaarsi ah oo dhakhaatiir ka socotay isbitaalka Global ee dalka Hindiya ay u qabteen qaar ka mid ah ardayda jaamacaddaas.

6/27/2013 7:38 AM EST
Khamiis, Juun 27, 2013 (HOL) — Madaxweynaha Soomaaliya, Xasan Sheekh Maxamuud ayaa maanta Muqdisho kulan kula yeeshay wafdi ka socday dalka Norway oo uu hoggaaminaay wasiirka horumarinta iyo xiriirka Caalamiga ah ee Norway, Heikki Holmes.

6/27/2013 6:53 AM EST
Khamiis, Juun 27, 2013 (HOL) — Xildhibaanno ka tirsan baarlamaanka dowladda Soomaaliya, odayaal iyo xubno kale oo uu hoggaaminayay Sheekh C/qaadir Cali Cumar oo ah xildhibaan ka tirsan dowladda Soomaaliya ayaa maanta gaaray degmada Cadaado ee xarunta maamulka Ximan iyo Xeeb.

6/27/2013 3:06 AM EST
Khamiis, Juun 27, 2013 (HOL) — Gaari ay wateen ciidamada Sierra Leone ee qaybta ka ah howlgalka AMISOM ayaa qaraxyo miino lagula eegtay maanta magaalada Kismaayo ee xarunta gobolka Jubbada Hoose, iyadoo ay jirto xiisad u dhexeysa dhinacyadii shalay ku dagaalamay magaaladaas.

6/27/2013 3:05 AM EST
Khamiis, Juun 27, 2013 (HOL) — Dowladda federaalka Soomaaliya ayaa ka hadashay joogitaanka Sheekh Xasan Daahir Aweys oo ka mid ahaa xubnihii sar-sare ee Al-shabaab oo dhawaan kasoo goostay ee degmada Cadaado oo ah xarunta maamulka Ximan iyo Xeeb.