3/28/2024
Today from Hiiraan Online:  _
Wararka Maanta- Khamiis, Jun 27, 2013
Dhakhaatiirta Isbitaalka Global ee Wadanka Hindiya oo Kulan Aqoon-kororsi ah ku Qabtay Jaamacadda Banaadir (SAWIRRO)


Khamiis, Juun 27, 2013 (HOL) — Xarunta Jaamacada Banaadir ee Muqdisho ayaa waxaa lagu qabtay shalay oo Arbaco ahayd kulan aqoon-is-weydaarsi ah oo dhakhaatiir ka socotay isbitaalka Global ee dalka Hindiya ay u qabteen qaar ka mid ah ardayda jaamacaddaas.

Kulankan oo ay ka qayb-galay mas’uuliyiinta jaamacadda Banaadir, ardayda jaamacada gaar ahaan kuwa dhigta kuliyadda caafimadka iyo xubno kale oo kulankaan aqoon-kororsiga ah lagu casuumay.

Waxaa casharo kala duwan ka bixiyay aqoon-kororsigan dhakhaatiirtii ka socday isbitaalka Global ee dalka Hindiya oo dhawaan dalka soo gaaray, kuwaasoo ay ka mid ahaayeen, Dr. Ravi Kumar, Dr. Vishal US, Dr. Sezhian N. iyo Dr. Sridhar G.

Dhakhaatiirtan ayaa kulankaas kusoo bandhigay casharo kala duwan oo ku saabsan sida qaliinnada casriga ah loo sameeyo iyo sidoo kale qaabka loo daweeyo cudurada qaar, iyagoo adeegsanayay qalab maqal iyo muuqaal leh si ardayda u fahamsiiyaan.

Qaar ka mid ah dhakhaatiirtan oo kulankaas ka hadlay ayaa sheegay inay ku faraxsan yihiin booqashada ay ku yimaadeen Muqdisho iyo casuumadda ay ka heleen jaamacada Banaadir, iyagoo ballan-qaaday inay sii wadi doonaan kulammada noocan oo kale ah iyo iskaashiga ay leeyihiin Jaamacada.

Sidoo kale, waxaa halkaas ka hadlay gudoomiyaha jaamacadda Banaadir, Dr. C/risaaq Axmed Dalmar oo sheegay inay ku faraxsan yihiin dhakhaatiirta uga timid dalka Hindiya isagoo sheegay in isbitaalka ay ka socdaan uu ka mid yahay isbitaalada ugu waaweyn ee dalka Hindiya.

“Waa ku faraxsannahay dhakhaatiirta nooga timid isbitaalka Global oo ka mid ah isbitaallada ugu waaweyn dalka India oo ka kooban sagaal Isbitaal oo 2000 kun oo sariirood leh, boqolaal dhakhtarna ay ka shaqeeyaan, sida aad muuqaalka ka arkeyseenna sameynayay qaliimmo aad iyo aad adduunka casri uga ah,” ayuu yiri Dr. Dalmar.

Sidoo kale, Dr. Dalmar wuxuu sheegay inay farxad u tahay in kulankaas ay kala soo qeyb-galaan aqoonyahanno ka socday hay’adda IOM iyo DAN-GUUD oo sida uu xusay mashaariic badan la qabtay jaaamacadda Banaadir ayna ka wadahadlayaan hadda sidii ay kuwo kale u hirgelin lahaayeen.

“Dhakhaatiirka Hindida ah waxay qaateen go’aan geesinimo leh oo Muqdisho ay ku yimaadeen, waxaana noo qorsheysan inaan kala hadalno sidii iskaashi u yeelan lahaayeen jaamacadda Banaadir iyo isbitaalka Global,” ayuu Dr. Dalmar ku sheegay hadalkiisa.

Dr. Dalmar wuxuu dhanka kale u mahadceliyay ardayda ururka BUNSA oo ah mid ay ku midoobeen ardayda jaamacadda Banaadir isagoo sheegay inay ka dambeeyeen qabanqaabada munaasabaddan, isagoo si gaar ah ugu mahad-celiyay madaxa xafiiska Global Hosbital ee Muqdisho Xasan oo ahaa ruuxii suuro-geliayay  isku xirka maamulka jaamacadda iyo kan isbitaalka Global.

Ugu dambeyn guddoomiyaha jaamacada Banaadir wuxuu xusay in kulamada aqoon-kororsiga ah ay jaamacaddu kordhin doonto, toddobaadka dambena ay xarunta jaamacadda iman doonaan lix dhakhtar oo ka socota jaamacado ku yaalla dalka Turkiga kuwaasoo casharro bixin doona, isagoo ardayda ugu baaqay inay ka faa’iideystaan.










Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/27/2013 2:10 PM EST
Khamiis, Juun 27, 2013 (HOL) — Xaflad lagu maamuusaayay 26-ka Juun oo ahayd markii gobollada Waqooyi ee Soomaaliya ay xorriyadooda ka qaateen gumeystihii Ingiriiska ayaa xalay lagu qabtay magalada Ankara ee xarunta dalka Turkiga.

6/27/2013 1:25 PM EST
Khamiis, Juun 27, 2013 (HOL) — Kaaliyaha xoghayaha guud ee Qaramada Midoobay ahna mas’uulka ugu sarreeya ee Qaramada Midoobay ee arrimaha siyaasadda, Jeffrey Feltman ayaa maanta booqasho ku yimid Muqdisho si uu u muujiyo in Qaramada Midoobay ay sii wadayso howlaha ay Soomaaliya ka hayso, kaddib markii dhawaan la weeraray xarunta UNDP ee Muqdisho.

6/27/2013 1:19 PM EST
Khamiis, Juun 27, 2013 (HOL) — Baarlamaanka Puntland oo magaalada Garoowe uu uga socodo kal-fadhigoodii 30-aad ayaa maanta su'aalo weydiiyey Wasiirka Dekedaha iyo Gaadiidka Badda Siciid Maxamed Raage iyo Wasiirka Maaliyadda Faarax Cali Shire.

6/27/2013 10:05 AM EST
Khamiis, Juun 27, 2013 (HOL) — Munaasabad si qurux badan loo soo agaasimay laguna maamuusayay sanad-guuradii 36 ee ka soo wareegtay markii ay shacabka reer Jabuuti ka xorroobeen gumeytihii Faransiiska 27 Juun sanadkii 1977 ayaa maanta lagu qabtay magaalada Baladweyne.

6/27/2013 9:34 AM EST
Khamiis, Juun 27, 2013 (HOL) — Afhyeenka maamulka Ximan iyo Xeeb, Maxamed Cumar Hagafeey ayaa sheegay in Sheekh Xasan Daahir Aweys uu culeys ku yahay deegaankooda iyo deegaannada ku dhow-dhow iyagoo taas ka duulayana ay dowladda Soomaaliya ka dalbadeen inay arrinta Sheekh Xasan Daahir kala hadasho.

6/27/2013 9:11 AM EST
Khamiis, Juun 27, 2013 (HOL) — Munaasibadda loogu dabaaldegayo sanad guuradda 53aad ee ka soo wareegtay markii ay Somaliland xoriyadda ka qaadatay gumaystihii Ingiriiska, ayaa xalay lagu qabtay magaaladda Hargeysa

6/27/2013 7:38 AM EST
Khamiis, Juun 27, 2013 (HOL) — Madaxweynaha Soomaaliya, Xasan Sheekh Maxamuud ayaa maanta Muqdisho kulan kula yeeshay wafdi ka socday dalka Norway oo uu hoggaaminaay wasiirka horumarinta iyo xiriirka Caalamiga ah ee Norway, Heikki Holmes.

6/27/2013 6:53 AM EST
Khamiis, Juun 27, 2013 (HOL) — Xildhibaanno ka tirsan baarlamaanka dowladda Soomaaliya, odayaal iyo xubno kale oo uu hoggaaminayay Sheekh C/qaadir Cali Cumar oo ah xildhibaan ka tirsan dowladda Soomaaliya ayaa maanta gaaray degmada Cadaado ee xarunta maamulka Ximan iyo Xeeb.

6/27/2013 3:06 AM EST
Khamiis, Juun 27, 2013 (HOL) — Gaari ay wateen ciidamada Sierra Leone ee qaybta ka ah howlgalka AMISOM ayaa qaraxyo miino lagula eegtay maanta magaalada Kismaayo ee xarunta gobolka Jubbada Hoose, iyadoo ay jirto xiisad u dhexeysa dhinacyadii shalay ku dagaalamay magaaladaas.

6/27/2013 3:05 AM EST
Khamiis, Juun 27, 2013 (HOL) — Dowladda federaalka Soomaaliya ayaa ka hadashay joogitaanka Sheekh Xasan Daahir Aweys oo ka mid ahaa xubnihii sar-sare ee Al-shabaab oo dhawaan kasoo goostay ee degmada Cadaado oo ah xarunta maamulka Ximan iyo Xeeb.