12/15/2019
Today from Hiiraan Online:  _
Wararka Maanta- Khamiis, Jun 27, 2013
Ciidamada AMISOM oo Qaraxyo lagula beegsaday Magaalada Kismaayo iyo Xiisad Colaadeed oo ka taagan Magaalada



Khamiis, Juun 27, 2013 (HOL) — Gaari ay wateen ciidamada Sierra Leone ee qaybta ka ah howlgalka AMISOM ayaa qaraxyo miino lagula eegtay maanta magaalada Kismaayo ee xarunta gobolka Jubbada Hoose, iyadoo ay jirto xiisad u dhexeysa dhinacyadii shalay ku dagaalamay magaaladaas.

Qaraxyadan oo ahaa laba qarax oo loo adeegsaday miinooyinka dhulka lagu aaso ayaa mid ka mid ah gaadiidkii ay wateen ciidamada Sierra Leone burbur xooggan u geystay, iyadoo la sheegayo inay dhismasho iyo dhaawac soo gaartay ciidamadii la socday gaarigaas, halka ay wararka qaarkood sheegayaan inay ku dhinteen shan askari.

Ciidamadan ayaa lagu weeraray xaafadda Faanoole gaar ahaan agagaarka majidka Xaaji Jaamac, iyadoo qarxa kaddib ay dhacday rasaas aad u fara badan oo ay ciidamadu fureenkaddib markii ay qaraxyadu dhaceen, taasoo baqdin gelisay dadka xaafaddaas ku nool.

Weerarkan ayaa wuxuu kusoo beegmay iyadoo ciidamada Kenya iyo kuwa Sierra Leone ay wadeen dadaallo ay ku doonayaan inay ku dhex-galaan dhinacyadii shalay ku dagaalamay gudaha magaaladaas oo weli ay xiisadi u dhexeyso.

Dhanka kale, wararka laga helayo magaalada Kismaayo ayaa sheegaya inay mararka qaarkood dhacayso rasaas ay ridayaan dhinacyadii shalay ku dagaalamay gudaha magaaladaas oo weli kuwada sugan xaafado ka tirsan magaalada  Kismaayo.

“Rasaas ayaa waddooyinka waaweyn lasoo raacinayaa, dadkuna way kala cararayaan, xiisadii dhalisay dagaalkii shalay ayaana magaalada ka taagan,” ayuu yiri goobjooge ku sugan Kismaayo oo la hadlay HOL.

Goobjoogaha ayaa sheegay in ciidamado fara badan ay magaalada ku sugan yihiin, ayna socdaan dadaallo lagu doonayo in dagaalka lagu joojiyo, balse cabsida dadku ay qabaan waa mid aad u sarreysa.

Dagaalkii shalay ka dhacay magaalada Kismaayo oo u dhexeeya xoogag kala taageersan Sheekh Axmed Madoobe iyo Col. Barre Hiiraale ayaa waxaa lasoo sheegayaa inay ku dhinteen tiro ka badan lix qof oo isugu jira shacab iyo xogoagii dagaalamay, tiro intaas ka badanna ay ku dhaawacmeen.

Xaaladda magaalada Kismaayo ayaa saakay kacsan, iyadoo baqdinta ugu weyn ee la qabana ay tahay inay mar kale isku-dhacyo dhexmaraan kooxihii shalay ku dagaalamay xarunta gobolka Jubbada Hoose ee Kismaayo.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/27/2013 2:10 PM EST
Khamiis, Juun 27, 2013 (HOL) — Xaflad lagu maamuusaayay 26-ka Juun oo ahayd markii gobollada Waqooyi ee Soomaaliya ay xorriyadooda ka qaateen gumeystihii Ingiriiska ayaa xalay lagu qabtay magalada Ankara ee xarunta dalka Turkiga.

6/27/2013 1:25 PM EST
Khamiis, Juun 27, 2013 (HOL) — Kaaliyaha xoghayaha guud ee Qaramada Midoobay ahna mas’uulka ugu sarreeya ee Qaramada Midoobay ee arrimaha siyaasadda, Jeffrey Feltman ayaa maanta booqasho ku yimid Muqdisho si uu u muujiyo in Qaramada Midoobay ay sii wadayso howlaha ay Soomaaliya ka hayso, kaddib markii dhawaan la weeraray xarunta UNDP ee Muqdisho.

6/27/2013 1:19 PM EST
Khamiis, Juun 27, 2013 (HOL) — Baarlamaanka Puntland oo magaalada Garoowe uu uga socodo kal-fadhigoodii 30-aad ayaa maanta su'aalo weydiiyey Wasiirka Dekedaha iyo Gaadiidka Badda Siciid Maxamed Raage iyo Wasiirka Maaliyadda Faarax Cali Shire.

6/27/2013 10:05 AM EST
Khamiis, Juun 27, 2013 (HOL) — Munaasabad si qurux badan loo soo agaasimay laguna maamuusayay sanad-guuradii 36 ee ka soo wareegtay markii ay shacabka reer Jabuuti ka xorroobeen gumeytihii Faransiiska 27 Juun sanadkii 1977 ayaa maanta lagu qabtay magaalada Baladweyne.

6/27/2013 9:34 AM EST
Khamiis, Juun 27, 2013 (HOL) — Afhyeenka maamulka Ximan iyo Xeeb, Maxamed Cumar Hagafeey ayaa sheegay in Sheekh Xasan Daahir Aweys uu culeys ku yahay deegaankooda iyo deegaannada ku dhow-dhow iyagoo taas ka duulayana ay dowladda Soomaaliya ka dalbadeen inay arrinta Sheekh Xasan Daahir kala hadasho.

6/27/2013 9:11 AM EST
Khamiis, Juun 27, 2013 (HOL) — Munaasibadda loogu dabaaldegayo sanad guuradda 53aad ee ka soo wareegtay markii ay Somaliland xoriyadda ka qaadatay gumaystihii Ingiriiska, ayaa xalay lagu qabtay magaaladda Hargeysa

6/27/2013 8:11 AM EST
Khamiis, Juun 27, 2013 (HOL) — Xarunta Jaamacada Banaadir ee Muqdisho ayaa waxaa lagu qabtay shalay oo Arbaco ahayd kulan aqoon-is-weydaarsi ah oo dhakhaatiir ka socotay isbitaalka Global ee dalka Hindiya ay u qabteen qaar ka mid ah ardayda jaamacaddaas.

6/27/2013 7:38 AM EST
Khamiis, Juun 27, 2013 (HOL) — Madaxweynaha Soomaaliya, Xasan Sheekh Maxamuud ayaa maanta Muqdisho kulan kula yeeshay wafdi ka socday dalka Norway oo uu hoggaaminaay wasiirka horumarinta iyo xiriirka Caalamiga ah ee Norway, Heikki Holmes.

6/27/2013 6:53 AM EST
Khamiis, Juun 27, 2013 (HOL) — Xildhibaanno ka tirsan baarlamaanka dowladda Soomaaliya, odayaal iyo xubno kale oo uu hoggaaminayay Sheekh C/qaadir Cali Cumar oo ah xildhibaan ka tirsan dowladda Soomaaliya ayaa maanta gaaray degmada Cadaado ee xarunta maamulka Ximan iyo Xeeb.

6/27/2013 3:05 AM EST
Khamiis, Juun 27, 2013 (HOL) — Dowladda federaalka Soomaaliya ayaa ka hadashay joogitaanka Sheekh Xasan Daahir Aweys oo ka mid ahaa xubnihii sar-sare ee Al-shabaab oo dhawaan kasoo goostay ee degmada Cadaado oo ah xarunta maamulka Ximan iyo Xeeb.