3/28/2024
Today from Hiiraan Online:  _
Wararka Maanta- Sabti, Jun 22, 2013
Wasiirka Warfaafinta iyo Boostada Soomaaliya oo sheegay in 26-ka Juun la Howl-gelin doono Boostadii hore ee Dalka


Sabti, Juun 22, 2013 (HOL) — Wasiirka warfaafinta, boostada iyo gaadiidka xukuumadda Soomaaliya, C/llaahi Ciilmooge Xirsi ayaa maanta sheegay in dib loo furayo 26-ka bisha Juun ee sanadkan oo ku beegan markii gobollada waqooyi ee dalka ay ka xoroobeen gumeystihii Ingiriiska in dib loo furi doono boosatadii weynayd ee dowladda.

Mar uu ka hadlayay furitaanka boostada ayuu wasiirku sheegay in lagu soo beegi doono maalin ka mid ah maalmaha Soomaalida ku weyn, isagoo xusay in qof walba oo Soomaali ah uu furan karo boosto uu wax ku dirsado waxna loogu soo diri karo.

“Waxaan qorsheynaynaa in 26-ka bishan Juun aan dib u howlgelinno boostadii weynayd ee dalka, waxaana qof walba uu furan karaa sanduuq uu kireysanayo, kaasoo waxna loogu soo diri karo isaguna uu wax ku diri karo,” ayuu yiri wasiirka oo hadlayay kaddib markii uu booqday xarunta boosatadii hore ee dalka.

Sidoo kale, wasiirku wuxuu sheegay in qofka furanaya boosatada laga doonayo inuu la yimaado aqoonsi, sida baasaboor ama aqoonsiyada la socda baasaboorka, wuxuuna xusay in tani ay qayb ka tahay qorshayaasha lagu doonayo in dib loogu soo nooleeyo adeegyadii dalku lahaan jiray.

“Boosatada waa mid adeegi doonta shacabka Soomaaliyeed oo dhan meel walba oo ay dunida kaga sugan yihiin, waayo boosto shaqeysa xilligan kama jiro dalka Soomaaliya,” ayuu hadalkiisa ku daray.

Wasiirku masoo hadal qaadin qorshaha wasaaraddiisa uga dagsan dib u howl-gelinta adeegyadii isgaarsiinta dalka oo ku lamaansanaa boosatada, waxaana tan iyo markii uu burburay adeegyada isgaarsiinta gacanta ku hayay shirkado gaar loo leeyahay.

Xukuumadda federaalka Soomaaliya ee rasmiga ah ayaa markii la dhisay waxayna mas’uuliyiinteedu sheegeen inay dadaal weyn u geli doonaan sidii dib loogu soo celin lahaa adeegyadii dadweynaha ee ay dowladdu gacanta ku haysay sida iskuullada waxbarashada iyo isbitaallada dalka.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/22/2013 3:57 PM EST
Sabti, Juun 22, 2013 (HOL) — Xoogag taabacsan Al-shabaab ayaa caawa weeraray fariisin ay ciidamada dowladdu ku lahaayeen suuqa xoolaha lagu iibiyo ee magaalada Baydhabo, kaasoo socday muddo saacad ah, iyadoo sidoo kale uu maanta qarax weyn oo khasaare geystay ka dhacay degmada Qansaxdheere ee isla gobolka Bay.

6/22/2013 12:53 PM EST
Sabti, Juun 22, 2013 (HOL) — Ciidamada Midowga Afrika (AMISOM) ee ku sugan magaalada Kismaayo ee xarunta gobolka Jubbada Hoose ayaa maanta qarxiyay Miino lagu aasay mid ka mid ah wadooyinka muhiimka ah ee dhexmara magaaladaas.

6/22/2013 11:14 AM EST
Sabti, Juun 22, 2013 (HOL) — Hay’adaha muslimiinta dalka Mareykanka oo qoraal u diray ra’iisul wasaaraha dalka Turkiga, Recep Tayyip Erdogan ayaa uga mahadceliyay taageerada joogtada ah ee uu siiyo qoxootiga ku nool dalalka Islaamka iyo kuwa kale ee caalamka.

6/22/2013 11:13 AM EST
Sabti, Juun 22, 2013 (HOL) — Beeraleyda ku nool deegaannada hoos-yimaada degmada Baydhabo ee gobolka Bay ayaa ka cabanaya cudurro iyo cayayaan waxyeelleeyay dalaggoodii, iyadoo la soo sheegayo in dalaggii beeraha ee sannadkan siiba Masagada ay baabi’iyeen cudurro iyo cayayaan.

6/22/2013 10:45 AM EST
Sabti, Juun 22, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa maanta qasriga madaxtooyadda ku qaabilay labadda gobol ee ku kala guulaystay koobka kubadda cagta iyo koobka kubadda Gacanta ee basketka looyaqaan.

6/22/2013 9:28 AM EST
Sabti, Juun 22, 2013 (HOL) — Guddiga qaban-qaabada munaasabadaha 26-ka Juun iyo 01-da Luuliyo ee maalmaha xorriyadda dalka ayaa maanta ku yeeshay Muqdisho shir ay kaga hadlayeen qaabkii loo wajihi lahaa dabaal-dagyadan lagu weynaynayo maalmaha xorriyadda dalka.

6/22/2013 9:24 AM EST
Sabti, Juun 22, 2013 (HOL) — Guddoomiyaha Baarlamaanka Soomaaliya, Maxamed Sheekh Cismaan (Jawaari) oo maanta ka hadlayay kulankii ay yeesheen xildhibaannada baarlamaanka Soomaaliya ayaa soo jeediyay in xildhibaannadu ay ka doodaan laba qodob oo midkood uu yahay sidii lagu sameysan lahaa xisbiyo siyaasadeed.

6/22/2013 8:56 AM EST
Sabti, Juun 22, 2013 (HOL) — Taliyaba Booliska Somaliland Gen:Cabdilaahi Imaan Fadal, ayaa sheegay inay soo qabqabteen dad lagu tuhmayo inay dhowaan laba dumar ah ku dileen magaaladda Hargeysa iyo dad kale oo ah dad caruurta tahriibiya ah.

6/22/2013 8:54 AM EST
Sabti, Juun 22, 2013 (HOL) — Kulan lagu cambaareynayay qaraxii Arbacadii ka dhacay Xarunta UNDP ee magaalada Muqdisho ayaa maanta ka dhacay hoteelka Global ee magaalada Muqdisho, kaasoo ay ka qeyb-galeen qaar ka mid ah culummada Soomaaliyeed, kuwaasoo hadallo ka jeediyay kulanka oo ay soo qabanqaabisay hay’adda wada-hadalka bulshada ee CCD.

6/22/2013 8:17 AM EST
Sabti, Juun 22, 2013 (HOL) — Madaxweynaha Koofurta Afrika, Jacob Zuma oo ka hadlay dilalka waddankiisa loogu geysto dadka ajaanibta ah ee ku nool oo ay Soomaalidu ka mid tahay, isagoo sheegay in weerarrada lala beegsado dadkaas ay xal u raadinayaan.

6/22/2013 8:01 AM EST
Sabti, Juun 22, 2013 (HOL) — Baarlamaanka Puntland oo xilligan uu magaalada Garoowe uga socdo kal-fadhigoodii 30-aad, ayaa dib u dhigay meelmarinta Maxkamadda Dastuuriga ah, taasoo ay dhowrkii maalmood ee uu ugu danbeeyey ay ka doodayeen.

6/22/2013 7:56 AM EST
Sabti, Juun 22, 2013 (HOL) — Lix dagaalyahan oo ka tirsan Al-shabaab ayaa lagu dilay dagaal xoogag kawada tirsan kooxdan ku dhexmaray degmada Baraawe ee gobolka Shabeellada hoose, sida ay warbaahinta caalamka ka soo xigatay goobjoogayaal ku sugan degmadaas.

6/22/2013 7:28 AM EST
Sabti, Juun 22, 2013 (HOL) — Ciidamada booliiska magaalada Boorama ee gobolka Awda ayaa xabsiga dhigay odayaal iyo aqoonyahanno kasoo jeeda deegaanka Xariirad oo ka tirsan gobolka Awdal ee Somaliland.

6/22/2013 5:34 AM EST
Sabti, Juun 22, 2013 (HOL) — Ku dhawaaw toban dukaan oo intooda badan ay lahaayeen ganacsato Soomaaliyeed ayaa lagu boobay sadexdii maalmood ee lasoo dhaafay xaafadda Kraafontein ee ku taalla duleedka magaalada Cape Town ee dalka Koonfur Afrika.

6/22/2013 5:14 AM EST
Sabti, Juun 22, 2013 (HOL) — Waxaa magaalada Hargeysa shalay kusoo gaba-gaboobay kulan diimeed ay ka soo qaybgaleen muslimiin lagu qiyaasay shan iyo toban kun oo qof, kuwaas oo ka kala yimid shanta qaaradood ee aduunyada iyo guud ahaan goboladda ay soomaaliddu ka degto geeska afrika.

6/22/2013 5:11 AM EST
Sabti, Juun 22, 2013 (HOL) — Gobolka Maroodi jeex ayaa ku guuleysatay Jimcihii shalay ciyaarihii gobollada Somaliland, kaddib markii ay kooxdii ka socotay gobolka Hawd ay kaga badiyeen hal gool oo keliya.