3/29/2024
Today from Hiiraan Online:  _
Wararka Maanta- Talaado, Jun 18, 2013
Qarax Gudaha Kismaayo lagula eegtay Gaadiid ay wateen Ciidamada Kenya ee qaybta ka ah Howgalka AMISOM (SAWIRRO)


Talaado, Juun 18, 2013 (HOL) —
Qarax xooggan ayaa xaafadda V-afmadow ee magaalada Kismaayo lagula eegtay gaadiid ay wateen ciidamo ka tirsan kuwa Kenya ee qeybta ah howlgalka AMISOM ee ku sugan magaalada Kismaayo.

Qaraxan oo ahaa nooca miinooyinka dhulka lagu aaso ayaa lala beegsaday gaari nooca ciidamada daabulo oo ay wateen askarta Kenya, waxaana uu sababay dhaawac soo gaaray  sedex askari oo  ka tirsan ciidamadii gaadiidkaasi saarnaa iyo weliba burbur gaaray gaarigaasi, sida uu HOL u xaqiijiyay sarkaal ka tirsan ciidamada dowladda.

Cabdi Buuloow Max’ed oo ka mid ah saraakiisha ciidamada dowladda oo goobta uu qaraxa ka dhacay kula hadlay warbaahinta ayaa sheegay in qaraxu ahaa nooca miinooyinka dhulka lagu aaso, wuxuuna xusay in aysan jirin cid ku dhimatay marka laga reebo sedex askari oo ka tirsan ciidamada Kenya oo uu xusay in ay ku dhaawacmeen.

Ilaa imikana ma jirto cid sheegatay masuuliyadda qaraxaasi, mana jiraan madax ka tirsan maamulka Kismaayo oo faahfaahin ka bixiyay qaraxa iyo weliba cidda ku waxyeeloowday.

Ciidamada maamulka Kismaayo ayaa xiray aagga goobta uu qaraxa ka dhacay, waxaana sidoo kale uu hakad ku yimid isu socodkii dadka iyo gaadiidka, iyadoona uu gabi ahaanba istaagay dhaqdhaqaaqii ganacsi ee xaafadda uu qaraxu ka dhacay.

Waa markii ugu horeeysay oo gudaha magaalada Kismaayo qarax lagula eegto askar ka tirsan ciidamada Kenya tan iyo wixii ka danbeeyay markii ciidamada Kenya oo garab ka helaya kuwa ay gacan ku heynta magaalada kala wareegeen xoogagga Al-shabaab.




Xasan Nuur, Hiiraan Online
[email protected]
Kismaayo-Soomaaliya













Click here
6/18/2013 11:49 AM EST
Talaado, Juun 18, 2013 (HOL) — Wasaaradda Duulista Hawada Somaliland ayaa maanta markii ugu horreysay u diiday inay madaarka Hargeysa fadhiisato diyaarad ogolaanshiyo kasoo qaadatay dawladda Soomaaliya, isla markaana sheegtay in aanay hawadeedda u soo mari karin diyaarad aan Somaliland fasax ka haysan.

6/18/2013 11:48 AM EST
Talaado, Juun 18, 2013 (HOL) — Jaamacadda Hargeysa, kuuliyaddeeda nabadda iyo khilaafaadka ayaa maanta soo gabagabeeysay shir laba cisho u socday dalalka Somaliland, Soomaaliya, koonfurta Suudan iyo Suudaan, kaas oo lagaga hadlayey dawlad dhisida iyo sida nabadda loo dhaliyo.

6/18/2013 8:16 AM EST
Talaado, Juun 18, 2013 (HOL) — Xukuumadda Somaliland iyo ururkii doorashadda ku hadhay ee XAQSOOR oo hore u qaadacay doorashadii golaha deegaanka ayaa heshiis af garad wada gaadhay, isla markaana sheegay inay ka heshiiyeen in dhinac looga soo wadda jeesto wixii danta guud ah.

6/18/2013 7:36 AM EST
Talaado, Juun 18, 2013 (HOL) — Xukuumadda Soomaaliya ayaa maanta ka furtay magaalada Muqdisho shir heer Qaran ah oo looga arrinsanayo dib-u-habaynta waxbarashada Soomaaliya, shirkaan ayaa lagu wadaa inuu socdo mudo saddex maalmood ah. Waxaana qabanqaabadiisa iska kaashaday wasaaradda horumarinta iyo adeegga bulshada, hay’adaha UNESCO iyo UNICEF.

6/18/2013 7:27 AM EST
Talaado, Juun 18, 2013 (HOL) — Dowladda Kenya ayaa qorsheynaysay inay isticmaasho diyaaradaha aan duuliyaha lahayn si ay uga hortagto weerarada Al-shabaab kusoo qaadayso deegaanno ka tirsan dalkeeda, gaar ahaan kuwa ku dhow xuduudaha ay la wadaagto Soomaaliya.

6/18/2013 7:21 AM EST
Talaado, Juun 18, 2013 (HOL) — Kulan looga hadlayay ammaanka iyo waxbarashada ayaa maanta ka dhacay degmada Kaaraan ee gobolka Banaadir, kaasoo ay ka qayb-galeen mas'uuliyiin maamulka gobolka ka tirsan, waana kulankii ugu horreeyay noociisa oo ka dhaca degmadaas.

6/18/2013 5:52 AM EST
Talaado, Juun 18, 2013 (HOL) — Guddoomiye ku xigeenkii maamulkii KMG ahaa ee magaalada Kismaayo, Yaasiin Nuur Gaas (Raadaar) ayaa goor-dhow lagu dhaawacay gudaha magaalada Kismaayo, kaddib markii kooxo hubeysan ay rasaas ku fureen gaadiid uu watay.

6/18/2013 2:31 AM EST
Talaado, Juun 18, 2013 (HOL) — Dab khasaare hantiyeed geystay ayaa xalay ka kacay suuq ku yaalla degmada Gaarisa ee gobolka Waqooyi bari ee dalka Kenya, iyadoo la sheegay in dabkaas uu ka dhashay koronto qaraxday.

6/18/2013 2:28 AM EST
Talaado, Juun 18, 2013 (HOL) — Ciidamada dowladda Soomaaliya iyo kuwa AMISOM ayaa la wareegay shalay deegaanno ka tirsan gobolka Shabeellada hoose ee koonfurta Soomaaliya, kuwaasoo ay muddo sanooyin ah gacanta ku haysay Al-shabaab.