3/28/2024
Today from Hiiraan Online:  _
Wararka Maanta- Talaado, Jun 18, 2013
Dab Qasaare hantiyeed geystay oo xalay baabi'iyay suuqa degmada Garisa ee Gobolka Waqooyi-Bari ee Dalka Kenya

Talaado, Juun 18, 2013 (HOL) — Dab khasaare hantiyeed geystay ayaa xalay ka kacay suuq ku yaalla degmada Gaarisa ee gobolka Waqooyi bari ee dalka Kenya, iyadoo la sheegay in dabkaas uu ka dhashay koronto qaraxday.

Goobjoogayaal ku sugan degmada Gaarisa ayaa sheegay in dabka uu baabi’iyay qaybo badan oo uu suuqaas ka koobnaa, waxaana damintiisa iska kaashaday ciidamada milateriga Kenya iyo shacabka degmada ku nool.

Maamulka degmada Gaarisa oo ah xarunta gobolka gobolka Waqooyi-bari ee Kenya ayaa sheegay inay tirakoob ku sameynayaan khasaarihii hantiyeed ee uu dabkii xalay geystay, iyagoo sheegay in sababaha ugu waaweyn ee dabka loo damin waayay ay tahay gaadiidka dabka damiya oo aysan haysan.

“Booyado ay leeyihiin ciidamada milateriga ayaa qayb ka qaatay daminta dabka, waayo degmada ma lahan wax dab-damis ah,” ayuu yiri mas’uul ka tirsan maamulka hoose ee degmada oo warbaahinta la hadlay.

Suuqa ayaa saakay intiisa badan ah goob bannaan oo dhammaan dukaamadii iyo hantidii ku jirtay ay ku baaba’een, iyadoo tani aysan ahayn markii ugu horreysay oo suuq ku yaalla degmada Gaarisa uu dab baabi’iyo.

Bartamihii sannadkii hore ayay ahayd markii ciidamada milateriga Kenya ay gubeen suuq mugdi oo ah suuqa ugu weyn degmada Gaarisa, kaddib markii halkaas looga dilay saddex askari.

Ganacsatadii lahayd hantidii ku gubatay suuqa ayaa waxay dhex joogaan halkii ay dukaamada ku lahaayeen, iyagoo weydiistay maamulka hoose ee deegaanka iyo dowladda Kenya in caymis loo sameeyo.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/18/2013 11:49 AM EST
Talaado, Juun 18, 2013 (HOL) — Wasaaradda Duulista Hawada Somaliland ayaa maanta markii ugu horreysay u diiday inay madaarka Hargeysa fadhiisato diyaarad ogolaanshiyo kasoo qaadatay dawladda Soomaaliya, isla markaana sheegtay in aanay hawadeedda u soo mari karin diyaarad aan Somaliland fasax ka haysan.

6/18/2013 11:48 AM EST
Talaado, Juun 18, 2013 (HOL) — Jaamacadda Hargeysa, kuuliyaddeeda nabadda iyo khilaafaadka ayaa maanta soo gabagabeeysay shir laba cisho u socday dalalka Somaliland, Soomaaliya, koonfurta Suudan iyo Suudaan, kaas oo lagaga hadlayey dawlad dhisida iyo sida nabadda loo dhaliyo.

6/18/2013 8:16 AM EST
Talaado, Juun 18, 2013 (HOL) — Xukuumadda Somaliland iyo ururkii doorashadda ku hadhay ee XAQSOOR oo hore u qaadacay doorashadii golaha deegaanka ayaa heshiis af garad wada gaadhay, isla markaana sheegay inay ka heshiiyeen in dhinac looga soo wadda jeesto wixii danta guud ah.

6/18/2013 7:36 AM EST
Talaado, Juun 18, 2013 (HOL) — Xukuumadda Soomaaliya ayaa maanta ka furtay magaalada Muqdisho shir heer Qaran ah oo looga arrinsanayo dib-u-habaynta waxbarashada Soomaaliya, shirkaan ayaa lagu wadaa inuu socdo mudo saddex maalmood ah. Waxaana qabanqaabadiisa iska kaashaday wasaaradda horumarinta iyo adeegga bulshada, hay’adaha UNESCO iyo UNICEF.

6/18/2013 7:27 AM EST
Talaado, Juun 18, 2013 (HOL) — Dowladda Kenya ayaa qorsheynaysay inay isticmaasho diyaaradaha aan duuliyaha lahayn si ay uga hortagto weerarada Al-shabaab kusoo qaadayso deegaanno ka tirsan dalkeeda, gaar ahaan kuwa ku dhow xuduudaha ay la wadaagto Soomaaliya.

6/18/2013 7:21 AM EST
Talaado, Juun 18, 2013 (HOL) — Kulan looga hadlayay ammaanka iyo waxbarashada ayaa maanta ka dhacay degmada Kaaraan ee gobolka Banaadir, kaasoo ay ka qayb-galeen mas'uuliyiin maamulka gobolka ka tirsan, waana kulankii ugu horreeyay noociisa oo ka dhaca degmadaas.

6/18/2013 5:52 AM EST
Talaado, Juun 18, 2013 (HOL) — Guddoomiye ku xigeenkii maamulkii KMG ahaa ee magaalada Kismaayo, Yaasiin Nuur Gaas (Raadaar) ayaa goor-dhow lagu dhaawacay gudaha magaalada Kismaayo, kaddib markii kooxo hubeysan ay rasaas ku fureen gaadiid uu watay.

6/18/2013 4:50 AM EST
Talaado, Juun 18, 2013 (HOL) — Qarax xooggan ayaa xaafadda V-afmadow ee magaalada Kismaayo lagula eegtay gaadiid ay wateen ciidamo ka tirsan kuwa Kenya ee qeybta ah howlgalka AMISOM ee ku sugan magaalada Kismaayo.

6/18/2013 2:28 AM EST
Talaado, Juun 18, 2013 (HOL) — Ciidamada dowladda Soomaaliya iyo kuwa AMISOM ayaa la wareegay shalay deegaanno ka tirsan gobolka Shabeellada hoose ee koonfurta Soomaaliya, kuwaasoo ay muddo sanooyin ah gacanta ku haysay Al-shabaab.