8/18/2019
Today from Hiiraan Online:  _
Wararka Maanta- Sabti, Jun 15, 2013
Booliska Soomaaliya oo soo bandhigay hub laga soo saaray goob dhulka hoostiisa ah (SAWIRRO)


C360_2013-06-13-15-16-13q-532.jpg


Sabti, June 15, 2013 (HOL) - Booliska soomaliyeed ayaa hawlgal ay sameeyeen ku soo qabtay hub aad u badan iyo waxyaabaha qarxa oo laga soo saaray goob dhulka hoostiisa ah oo ku taal degmada Hodan sida lagu sheegay warsaxaafadeed kasoo baxay taliska ciidanka booliska.

Hubkaas oo aay soo qufeen ciidanka booliska qaybtiisa miino baarka ayaa kadib markii la soo saaray laga soo buuxshay gaari kadibna la keenay Wasaaradda Arrimaha Gudaha iyo Amniga halkaas oo loogu soo bandhigay saxaafada.

Waxaa sidoo kale goobta yimid Wasiirka Arrimaha Gudaha iyo Amniga Md. Cabdikariim Xusseen Guuleed, Taliyaha Hay’adda Nabadsugida & Amniga Qaranka Bashiir Maxamed Jaamac, Taliyaha Ciidanka Booliska Soomaliyeed S/Guuto Cabdixakiim Daahir Saciid (Saacid) iyo saraakiil sarsare oo ka tirsan Ciidanka Booliska Soomaliyeed.

C360_2013-06-13-15-16-23-532.jpg

Kadib markii Saxaafada loo soo bandhigay hubkan ayaa taliyaha ciidanka booliska Soomaliya, Cabdixakiim Daahir Saciid uu ka warbixiyey sida hubkan lagu soo qabtay isagoo sheegay in ay heleen xog ku saabsan hubka iyo halka uu ku xabaalan yahay, kadibna ay qaadeen hawlgal ballaaran.

Waxaa kale oo uu tilmaamay in aay jiraan macluumaad iyo hawlgalo kale oo la mid ah kan maanta la fuliyay balse wuu ka gaabsaday inuu ka hordhaco ama uu ka sii hadlo.

Waxaana uu sheegay in aay hayaan Gaari militerigu soo qabteen oo Alshabaab raashin iyo qalab kale u waday uuna yaallo xerada ciidamada sirdoonka oo baaritaano ay ku socdaan.

Saacid ayaa digniin u jeediyay ganacsatada Soomaaliyeed ee weli Alshabaab la macaamila ama la ganacsanaya in aay ka waantoobaan haddii kale hantida iyo wixii kale ee ay Alshabaab u wadaan lagala wareegi doono ayagana sharciga la horkeeni doono.

C360_2013-06-13-15-16-13-53a2.jpg
C360_2013-06-13-15-16-13-5332.jpg
C360_2013-06-13-15-16-13-532.jpg
C360_2013-06-13-15-16-13-5132.jpg

Axmed C/samad, Hiiraan Online
[email protected]
Nairobi , Kenya









Click here
6/15/2013 4:52 PM EST
Sabti, June 15, 2013(HOL)—Madaxweynaha Jamhuuriyadda Federaalka Soomaaliya, Mudane Xasan Sheekh Maxamud ayaa maanta kulan la qaatay Ra’iisul Wasaaraha UK David Cameron, isla markaana ka qeybgalay xafladda dhalashada Boqortooyada UK, isla galabtanah khudbad ka jeediyey shirka hordhaca G8 oo looga hadlayey arrimaha canshuuraha, ganacsiga xorta ah iyo maamul wanaaga.

6/15/2013 4:21 PM EST
Sabti, June 15, 2013(HOL)—Imtixaankan oo ay ka qayb qaadanayaan sida uu sheegay Isuduwaha gobolka Sool ee wasaaradda waxbarashada ee maamulka Somaliland Maxamuud Bisinle in 1163 arday oo isugu jira dugsi dhexe iyo dugsi sare.

6/15/2013 4:18 PM EST
Sabti, June 15, 2013(HOL)—417 arday ayaa loogu qaybiyey raashin degmada Xuddun oo 83Km dhinaca waqaqooyi kaga beegan magaaladda Laascaanood Xarunta gobolka Sool.

6/15/2013 11:05 AM EST
Sabti, June 15, 2013(HOL)— Madaxweynaha Somaliland Mudane Axmed Maxamed Maxamuud (Silaanyo), ayaa maanta Qasriga Madaxtooyada kulan balaadhan ugu sameeyey Ardayda Dhagoolayaasha Somaliland ee wax ka barata dugsiyadda Dhagooleyaasha ee gobolladda.

6/15/2013 11:03 AM EST
Sabti, Juun 15, 2013 (HOL) — Magaalada Garoowe ee xarunta maamulka Puntland waxaa maanta ka furmay kal-fadhigii 30-aad ee golaha wakiillada Puntland. Kal-fadhigan oo ay xildhibaanadu arimo dhowr ah ku eegi doonaan, waxaa si rasmi ah u furay madaxweyne-ku-xigeenka Puntland, ahna sii hayaha xilka madaxweynaha Jen. C/samed Cali Shire.

6/15/2013 8:34 AM EST
Sabti, June 15, 2013(HOL) :- Ciidamo ka tirsan kuwa Kenya ee ku sugan gobolka J/hoose islamarkaana qeybta ka ah howlgalka AMISOM ayaa lagu soo waramayaa in ay askar ka tirsan ciidamada dowladda Soomaaliya ku dileen deegaanka Hoosingoow ee gobolka J/hoose, kadib iska horimaad dhexmaray labada dhinac.

6/15/2013 7:46 AM EST
Sabti, June 15, 2013(HOL) :- Waxaa maanta garoonka diyaaradaha ee magaalada Kismaayo ka dhacay kulan ay soo qabanqaabiyeen qaar ka tirsan madaxda gudiyadii shirkii maamul u sameynta Jubooyinka ee lagu soo doortay Sheekh Axmed Max'ed Islaam (Axmed Madoobe), iyadoonta ujeedada kulanku ahayd sidii loo heshiisiin lahaa beelaha dega Jubooyinka, waxaana sidoo kale halkaasi looga dhawaaqay guddi ka shaqeyn doona nabadda iyo xallinta dhibaatooyinkii dhawaan ka dhacay Kismaayo.

6/15/2013 6:45 AM EST
Sabti, June 15, 2013(HOL)—Ra’iisul Wasaaraha Xukuumadda Federaalka ah ee Soomaaliya Cabdi Faarax Shirdoon (Saacid) ayaa xafiiskiisa kulan kula qaatay Ra’iisul Wasaarihii hore ee Norway Kjell Magne Bondevik oo hada ah gudoomiyaha Xarunta Oslo ee dimuqraadiyadda iyo xuquuqda aadanaha oo la asaasay sanadkii 2006.

6/15/2013 2:04 AM EST
Sabti, Juun 15, 2013 (HOL) — Iskahorimaadyo kala duwan ayaa xalay ka dhacay deegaanno ka tirsan gobolka Shabeellada hoose, kuwaasoo mid ka mid ah uu u dhexeeyay ciidammo kawada tirsan kuwa dowladda Soomaaliya.