6/17/2019
Today from Hiiraan Online:  _
Wararka Maanta- Sabti, Jun 15, 2013
Iska-horimaadyo Siyaabo kala Duwan uga Dhacay Deegaanno kawada tirsan Gobolka Shabeellada Hoose


Sabti, Juun 15, 2013 (HOL) — Iskahorimaadyo kala duwan ayaa xalay ka dhacay deegaanno ka tirsan gobolka Shabeellada hoose, kuwaasoo mid ka mid ah uu u dhexeeyay ciidammo kawada tirsan kuwa dowladda Soomaaliya.

Duleedka degmada Qoryooley ee gobolka Shabeellada hoose ayaa waxaa xalay ka dhacay iskahorimaad u dhexeeyay ciidamada dowladda Soomaaliya oo gacan ka helaya kuwa AMISOM iyo xoogagga A-shabaab, iyadoo aan la ogeyn khasaaraha uu geystay.

Iskahorimaadkan ayaa qarxay kaddib markii xoogag taabacsan Al-shabaab ay weerar ku qaadeen ciidamada dowladda iyo kuwa AMISOM oo howlgallo halkaas kawaday, iyadoo guddoomiyaha gobolka Shabeellada Hoose, C/qaadir Maxamed Siidii uu sheegay inuusan jirin khasaare dhankooda soo gaaray.

“Weerarku wuxuu ahaa mid ay soo qaadeen Al-shabaab, laba qof ayaa looga dilay, wuxuuna ahaa iskahorimaad kooban dib ayay u carareen,” ayuu yiri Siidii oo la hadlayay warbaahinta Muqdisho.

Sidoo kale, dagaal u dhexeeyay ciidammo kawada tirsan dowladda Somalia ayaa waxaa ku dagaalamay deegaanka Muuri ee duleedka degmada Afgooye ee gobolka Shabeellada hoose, iyadoo la sheegay in ciidammadu ay u kala safan yihiin hab beeleed.

Mas’uuliyiinta gobolka Shabeellada Hoose iyo degmada Afgooye ayaa ugu baaqay ciidamadaas inay dagaalka joojiiyaan, iyagoo sidoo kalena uga digay ciidamada kale ee dowladda inay wax lug ah ku yeeshaan.

“Ciidamada ku dagaalamaya deegaanka Muuri oo u dhexeeya Afgooye iyo Lambar 60, waa kuwo u safan hab beeleed, waxaana ka digaynaa in askarta ee deegaannadaas ku sugan ay ku lug yeeshaan,” ayuu yiri guddoomiyaha degmada Afgooye oo saxaafadda la hadlay.

Waa markii ugu horreysay oo uu dagaal dhexmaro ciidammo kawada tirsan dowladda Soomaaliya oo la sheegay in iskahorimaadkoodu uu salka ku hayo hab beeleed, inkastoo aan la ogeyn khasaaraha soo kala gaaray.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/15/2013 4:52 PM EST
Sabti, June 15, 2013(HOL)—Madaxweynaha Jamhuuriyadda Federaalka Soomaaliya, Mudane Xasan Sheekh Maxamud ayaa maanta kulan la qaatay Ra’iisul Wasaaraha UK David Cameron, isla markaana ka qeybgalay xafladda dhalashada Boqortooyada UK, isla galabtanah khudbad ka jeediyey shirka hordhaca G8 oo looga hadlayey arrimaha canshuuraha, ganacsiga xorta ah iyo maamul wanaaga.

6/15/2013 4:21 PM EST
Sabti, June 15, 2013(HOL)—Imtixaankan oo ay ka qayb qaadanayaan sida uu sheegay Isuduwaha gobolka Sool ee wasaaradda waxbarashada ee maamulka Somaliland Maxamuud Bisinle in 1163 arday oo isugu jira dugsi dhexe iyo dugsi sare.

6/15/2013 4:18 PM EST
Sabti, June 15, 2013(HOL)—417 arday ayaa loogu qaybiyey raashin degmada Xuddun oo 83Km dhinaca waqaqooyi kaga beegan magaaladda Laascaanood Xarunta gobolka Sool.

6/15/2013 11:05 AM EST
Sabti, June 15, 2013(HOL)— Madaxweynaha Somaliland Mudane Axmed Maxamed Maxamuud (Silaanyo), ayaa maanta Qasriga Madaxtooyada kulan balaadhan ugu sameeyey Ardayda Dhagoolayaasha Somaliland ee wax ka barata dugsiyadda Dhagooleyaasha ee gobolladda.

6/15/2013 11:03 AM EST
Sabti, Juun 15, 2013 (HOL) — Magaalada Garoowe ee xarunta maamulka Puntland waxaa maanta ka furmay kal-fadhigii 30-aad ee golaha wakiillada Puntland. Kal-fadhigan oo ay xildhibaanadu arimo dhowr ah ku eegi doonaan, waxaa si rasmi ah u furay madaxweyne-ku-xigeenka Puntland, ahna sii hayaha xilka madaxweynaha Jen. C/samed Cali Shire.

6/15/2013 9:02 AM EST
Booliska soomaliyeed ayaa hawlgal ay sameeyeen ku soo qabtay hub aad u badan iyo waxyaabaha qarxa oo laga soo saaray meel dhulka hoostiisa ah oo ku taal degmada Hodan sida lagu sheegay warsaxaafadeed kasoo baxay taliska ciidanka booliska.

6/15/2013 8:34 AM EST
Sabti, June 15, 2013(HOL) :- Ciidamo ka tirsan kuwa Kenya ee ku sugan gobolka J/hoose islamarkaana qeybta ka ah howlgalka AMISOM ayaa lagu soo waramayaa in ay askar ka tirsan ciidamada dowladda Soomaaliya ku dileen deegaanka Hoosingoow ee gobolka J/hoose, kadib iska horimaad dhexmaray labada dhinac.

6/15/2013 7:46 AM EST
Sabti, June 15, 2013(HOL) :- Waxaa maanta garoonka diyaaradaha ee magaalada Kismaayo ka dhacay kulan ay soo qabanqaabiyeen qaar ka tirsan madaxda gudiyadii shirkii maamul u sameynta Jubooyinka ee lagu soo doortay Sheekh Axmed Max'ed Islaam (Axmed Madoobe), iyadoonta ujeedada kulanku ahayd sidii loo heshiisiin lahaa beelaha dega Jubooyinka, waxaana sidoo kale halkaasi looga dhawaaqay guddi ka shaqeyn doona nabadda iyo xallinta dhibaatooyinkii dhawaan ka dhacay Kismaayo.

6/15/2013 6:45 AM EST
Sabti, June 15, 2013(HOL)—Ra’iisul Wasaaraha Xukuumadda Federaalka ah ee Soomaaliya Cabdi Faarax Shirdoon (Saacid) ayaa xafiiskiisa kulan kula qaatay Ra’iisul Wasaarihii hore ee Norway Kjell Magne Bondevik oo hada ah gudoomiyaha Xarunta Oslo ee dimuqraadiyadda iyo xuquuqda aadanaha oo la asaasay sanadkii 2006.