3/28/2024
Today from Hiiraan Online:  _
Wararka Maanta- Khamiis, Jan 24, 2013
Saraakiisha Kenya oo sheegay inaysan Xarakada Al-shabaab kala Xaajoonayn Muwaadiniin Kenyan ah oo u Afduuban


Khamiis, Jannaayo 24, 2013 (HOL) — Saraakiisha dalka Kenya ayaa sheegay Khamiista maanta ah inaysan Al-shabaab kala xaajoon doonin la-haystayaal dalkeeda u dhashay oo ay Al-shabaab ku goodisay inay dili doonaan muddo saddex toddobaad gudahood ah, haddii aanay xukuumadda Kenya sii-dayn muslimiin ku eedeysan argagaxisonimo oo ku xir-xiran xabsiyada dalkaas.

Al-shabaab ayaa Arbacadii shalay sii-daysay cajalad ay kasoo muuqdeen laba lahayste oo Kenyan ah, kuwaasoo afduub ay u qabsadeen sanad ka hor, iyagoo sheegay in ay ku badbaadi karaan Kenya oo fulisa amarkooda.

“Xukuumadda Kenya lama xaajoojinayso koox argagaxiso, Al-shabaab waa dambiilayaal mudan doona ciqaab,” ayuu yiri afhayeenka milateriga dalka Kenya Col. Cyrus Oguna.

Maalmo ka hor ayay Al-shabaab dileen Denis Allex oo ahaa la hayste dalka Faransiiska u dhashay oo ay in ka badan saddex sano afduub ku haysteen, kaasoo ay sheegeen inuu u dhintay weerarkii fashilmay ee ciidamad garka ah ee Faransiiska ay ku qaadeen deegaanka Buulo-mareer.

Col. Oguna ayaa sheegay in maxaabiista ay soo bandhigtay Al-shabaab aysan ahayn maxaabiis dagaal, balse ay yihiin dad rayid ah oo lagu kala magacaabo Mule Yesse Edward iyo Fredrick Irungu oo ka mid ahaa shaqaalaha rayidka ah ee Kenya.

Sidoo kale, muuqaalka cajalada ah ayaa waxaa kasoo muuqday sawirrada afar qof oo ay Al-shabaab ku sheegtay inay yihiin maxaabiis dagaal, balse Oguna ayaa sheegay inaysan ogeyn ciidammo Kenyan ah oo maxaabiis ahaan loo haysto.

Dhanka kale, xoghayaha joogtada ah ee wasaaradda arrimaha dibadda ee dalka Kenya, Thuita Mwangi ayaa sheegay inuusan fiirsan cajalada sidoo kalena uusan akhrin farriinta Al-shabaab, laakiin siyaasadda Kenya aysan ku jirin in lala xaajoodo koox malleeshiyo ah.

Kenya ayaa xabsiyada dalkeeda ku haysa dad badan oo ku eedeysan inay Al-shabaab xiriir la leeyihiin, sidoo kalena waxay dalka Uganda u gudbisay kooxo ku eedeysnaa inay ka dambeeyeen weerarkii Kampala ka dhacay sannadkii 2010 kaasoo ay mas’uuliyaddiisa sheegatay Al-shabaab oo ay ku dhinteen 76 qof.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
1/24/2013 3:49 PM EST
Khamiis, January 24, 2013(HOL): Ururka Adal Unity & Development ee Gobolada Awdal/Selel Iyo Gabiley ayaa maanta deeq raashina soo gaadhsiiyay Dhakhtarka dhimirka Boorama, deeqdaas oo ahayd lacag dhan $550 oo Dollarka maraykanka ah, taasoo loogu badaly raashin dhan 34 Kiish oo Bariis ah oo ay kiishkiiba ku jiraan 25Kg.

1/24/2013 3:45 PM EST
Khamiis, January 24, 2013(HOL): Olole Nadaafadeed oo ay soo qaban-qaabiyeen fulinayeena dawladda Hoose ee degmada Laascaanood ayaa laga fuliyay Isbitaalka dhexe iyo qaybo kale oo ka mid ah degaannada dadka ka dhexeeya ee ku yaalla magaaladda Laascaanood ee xarunta Gobolka Sool.

1/24/2013 7:52 AM EST
Khamiis, Jannaayo 24, 2013 (HOL) — Ugu yaraan shan qof oo dhinacyadii dagaalamay ka tirsan ayaa ku dhintay dagaal xalay ciidamada dowladda Soomaaliya iyo Al-shabaab ku dhexmaray demada Jowhar ee xarunta gobolka Shabeellada Dhexe.

1/24/2013 7:25 AM EST
Khamiis, Jannaayo 24, 2013 (HOL) — Madaxweynaha Soomaaliya, Xasan Sheekh Maxamuud, ra’iisul wasaare Cabdi Faarax Shirdoon Saacid iyo xubno wasiirro ah ayaa ka qaybgalay maanta Khamiis ah xaflad ballaaran oo lagu soo dhaweynayay aqoonsigii Mareykanku siiyay dowladda Soomaaliya oo lagu qabtay hoteel ku yaalla Muqdisho.

1/24/2013 7:12 AM EST
Khamiis, Jannaayo 24, 2013 (HOL) —Laba askari oo ka mid h ciidamada dowladda Soomaaliya ayaa shalay lagu dilay degmada Afgooye ee gobolka Shabeellada Hoose sida ay saxaafadda u sheegeen saraakiisha ammaanka ee degmadaas, iyadoo mid kalena lagu dhaawacay isla weerarkaas.

1/24/2013 7:04 AM EST
Khamiis, Jannaayo 24, 2013 (HOL) — Saraakiisha ciidamada maamulka degmada Baladweyne iyo kuwa Jabuuti ee howlgalka midowgga Africa AMISOM ayaa tababar uga furay magaalada Baladweyne ilaa 1000 maleeshiyaad ah oo marka danbe la doonayo in ay ka mid noqdaan ciidamada maamulka dowladda ee gobollka Hiiraan.

1/24/2013 7:04 AM EST
Khamiis, Jannaayo 24, 2013 (HOL) — Magaalada Hargeysa ayaa maanta si weyn looga xusay dhalashadii Nebigeenii Maxamed (NNKHA) oo ku began taariikhdda Hijriyadda 12-ka Rabiicul Awal 1434.

1/24/2013 2:25 AM EST
Khamiis, Jannaayo 24, 2013 (HOL) —Xarakada Al-shabaab ayaa war ay soo saartay Arbacadii shalay ku sheegtay inay dilayso la haystayaasha Kenyanka ah ee ay gacanta ku hayso, haddi dowladd Kenya aysan xabsiyadeeda kasii dayn dhammaan dadka u xirxiran eedeymaha argagaxisonimada ee ku jira xabsiyadooda.

1/24/2013 2:24 AM EST
Khamiis, Jannaayo 24, 2013 (HOL) — Dowladda federaalka Soomaaliya ayaa loogu baaqay inay si dhaqso ah kusii dayso wariye Cabdicasiis Cabdinuur Ibraahim iyo saddex qof oo kale kuwaasoo u xiran arrin la xiriirta haweeney sheegtay inay kufsi u geysteen ciidamada dowladda Soomaaliya.