3/28/2024
Today from Hiiraan Online:  _
Wararka Maanta- Axad, Jan 20, 2013
Askari ka tirsan ciidamada Dowlada Somalia oo Darawal ah ku dilay Degmada Jowhar ee Gobolka Shabeellada Dhexe

Axad, Jannaayo 20, 2013 (HOL) — Askari ka tirsan ciidamada dowladda ayaa maanta ku toogtay bartamaha suuqa degmada Jowhar nin taksiile ah oo lagu magacaabi jiray, Maxamed Daahir Cumar, iyadoo aan la ogeyn sababta keentay in askariga uu dilo ninka taksiilaha.

Goobjoogayaal ku sugan degmada Jowhar ayaa sheegay in askariga uu si toos ah u toogtay ruuxan rayidka ah, iyadoo aanay jirin wax wadahadal ah oo dhexmaray askariga iyo ruuxa uu toogtay.

“Askarigu wuxuu watay tuute iyo qori fudud, wuxuun dhowr xabadood ku dhuftay taksiilaha waxaana dhaawac soo gaaray taksiilaha loo qaaday isbitaalka guud ee Jowhar, halkaasoo uu daqiiqado kaddib ku geeriyooday, lama oga sababta keentay in dilkan uu geysto askariga,” ayuu yiri goobjooge ku sugan Jowhar oo kusoo koobay magaciisa Xuseen.

Sidoo kale, goobjooguhu wuxuu sheegay in ciidamada dowladda ay gacanta ku dhigeen markiiba askarig dilka geystay, iyadoo dilkan uu cabsi weyn ku beegay dadkii ku sugnaa suuqa iyo hareerihiisa.

Magaalada Jowhar oo ciidamada dowladda oo gacan ka helaya AMISOM ay la wareegeen dhammaadkii sannadkii lasoo dhaafay ayaa la sheegayaa inay ciidamada dowladdu dhibaatooyin u geystaan dadka shacabka ah, gaar ahaan xilliyada habeenkii ah.

Dilkan ayaa wuxuu noqonayaa kii ugu horreeyay oo askari ka tirsan ciidamada dowladda Soomaaliya uu ka geysto degmada Jowhar ee gobolka Shabeellada dhexe oo 90-km dhinaca waqooyi kaga beegan magaalada Muqdisho ee xarunta Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
1/20/2013 9:42 AM EST
Axad, Jannaayo 20, 2013 (HOL) — Madaxweynaha dowladda Soomaaliya, Xasan Sheekh Maxamuud ayaa sheegay in dowladdiisu ay ciidammo gaar ah u sameysay sugidda ammaanka magaalada Muqdisho, isagoo hadalkiisa ku daray in muddo yar gudaheed la sugayo ammaanka guud ee caasimadda.

1/20/2013 8:00 AM EST
Axad, Jannaayo 20, 2013 (HOL) —Xukuumadda federaalka Soomaaliya ayaa sheegtay in aysan ahayn arin laga aamusi karo dhibaatooyinka lagu hayo saxaafadda Soomaaliya, waxayna ballanqaaday in ay sameyn doonto baaritaanno iyo dabagal la xiriira cidda ka danbeeyso dilalkaasi.

1/20/2013 7:07 AM EST
Axad, Jannaayo, 20, 2013 (HOL) – Iyadoo isbadal la taaban karo uu ka jiro xiligan amniga magaalada Baladweyne ee xarunta gobollka Hiiraan, ayaa haddana dhinaca kale waxaa wali ka soconaya magaalada kulamo iyo wadatashiyo ay leeyihiin mas’uuliyiinta maamulka gobollka , saraakiisha ciidamada Jabuuti iyo waxgaradka magaalada kuwasoo looga arinsanayo sidii loo soo xoojin lahaa amaanka.

1/20/2013 6:40 AM EST
Axad, Jannaayo 20, 2013 (HOL) —Ra’isul wasaaraha xukuumadda federaalka Soomaaliya mudane Cabdi faarax shirdoon (saacid) iyo wafdi uu hogaaminayo ayaa maanta booqasho ku tagay degmada Afgooye ee gobolka shabeelaha hoose halkaasoo uu kulamo kula qaatay madaxda maamulka degmadaasi.

1/20/2013 4:40 AM EST
Axad, Jannaayo 20, 2013 (HOL) — Gudoomiyaha xisbiga mucaaradka ee Ucid Faysal Cali Waraabe ayaa sheegay in aqoonsiga dowladda Mareykanka ay siisay Soomaaliya uu yahay mid dhabar jab ku ah gooni-isu-taagga Soomaaliland, isagoona sheegay in arintaasi ay dhibaato u keeni karto wadahadalladii u dhexeeyay Soomaaliya iyo Somaliland.