3/19/2024
Today from Hiiraan Online:  _
Wararka Maanta- Arbaco, Jan 16, 2013
Madaxweyne ku-xigeenka Puntland oo maanta dhagax dhigay dhisme cusub oo ay yeelaneyso Wasaaradda Duulista iyo Garoomada.

Arbaco, Jannaayo 16, 2013 (HOL) — Madaxweyne ku-xigeenka Puntland Gen. C/samed Cali Shire ayaa maanta si rasmi ah u dhagax dhigay dhisme cusub oo ay yeelan doonto wasaaradda duulista hawada iyo garoomada ee Puntland.

Xaruntan oo laga dhisayo magaalo-madaxda Puntland ee Garoowe, waxaa ku baxaya adduun lacageed oo badan, waxayna Injineerada dhismeheeda u xilsaarani sheegeen in ay noqon doonto mid kamid ah dhismeyaasha ugu waaweyn uguna qorxoon kuwa ay wasaaraduhu degen yihiin.

Wasiirka duulista hawada iyo garoomada ee Puntland Xuseen Xasan Cabdi oo goobta dhismaha wasaaradda laga bilaabayo war-fidiyeenada kula hadlay, ayaa sheegay in ay muhiim tahay in wasaaraddu ay dhisme u gaar ah yeelato, islamarkaana garoonka Garoowe uu noqdo mid casri ah; maadaama uu magaalo madaxda ku yaal.

"Dhagax dhigakan maanta anaga wasaarad ahaan muhiimad weyn bay no leedahay sababtoo ah Garoowe waa xarun, marka anagu inaan xoogga saarno aad iyo aad bay muhiim nogu tahay" wasiirka ayaa yiri.

Sidoo kale madaxweyne ku-xigeenka Puntland Gen. C/samed Cali Shire oo isna goobta ka hadlay ayaa tilmaamay in dowladihii hore ee dalka Soomaalay aysan deegaanada Puntland uga tegein wax hanti ah oo ma guuraan ah.

"Waxaa xusid mudan in umadda Puntland aysan nasiib u yeelan inay hanti ma guurto ah ka dhaxaso dowladihii hore, waxaa nasiib daro ahayd in asaaskii Puntland ay wasaaradaha intooda badani ku jireen guryo kiro ah, laakiin dowladda hadda arintaas si weyn ayey wax uga qabatay"

Dhowaan ayey ahayd markii garoonka diyaaradaha ee magaalada Garoowe lagu soo kordhiyey qalab casri ah oo u badan kuwa loo adeegsado baaritaanka alaabta iyo dadka iyadoo dhinaca kale la bilaabay dhismaha Terminal weyn oo garoonka Garoowe uu yeelan doono.

Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
1/16/2013 1:18 PM EST
Arbaco, Jannaayo 16, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan (Jawaari) ayaa sheegay in dowladda Soomaaliya ay soo dhaweynayso wadahadallo walba oo nabadeed, isagoo ugu baaqay dhammaan dhinacyada Soomaalida inay kusoo biiraan qorshaha nabadeed ee dalka.

1/16/2013 11:58 AM EST
Arbaco, Jannaayo 16, 2013 (HOL) — Ururrada bulshada rayidka Somalia ayaa munaasabad ay soo qabanqaabiyeen oo ay ka qaybgaleen waxgarad fara badan oo matalayay qaybaha bulshada Soomaaliyeed iyo qaar ka mid ah fanaaniinta ayaa lagu soo dhaweeyay dhallinyaro dhawaan ku dhawaaqay inay ka tanaasuleen falalka burcadbadeednimada.

1/16/2013 8:33 AM EST
Arbaco, Jannaayo 16, 2013 (HOL) —Ciidamada maamulka KMG ee degmada Kismaayo ayaa xalay toogasho ku dilay mid kamid ah dadka rayidka, waxaana ilaa imika la garanayn sababta ka danbeeysay dilkiisa.

1/16/2013 8:24 AM EST
Arbaco, Jannaayo 16, 2013 (HOL) —Taliyaha ciidamada Booliska Soomaaliyeed Shariif Sheekhunaa Maye ayaa shir jaraa’id oo uu maanta ku qabtay xafiiskiisa magaalada Muqdisho uga warbixiyay sababaha loo xiray wariye C/casiis Cabdinuur Ibraahim Koronto oo maalmihii ugu danbeeyay ay isa soo tareeysay cambaareynta ku aadan xarigiisa.

1/16/2013 8:18 AM EST
Arbaco, Jannaayo 16, 2013 (HOL) — Xarakada Al-Shabaab ayaa bayaan ay soo saartay ku sheegtay in go'aan kama dambeys ah ay ku gaareen in dil toogasho ah ay ku fulinayso sarkaalka Faransiiska ee Dennis Allex kaasoo gacanta ay ku hayeen saddexdii sano ee ugu dambeeyay.

1/16/2013 7:57 AM EST
Arbaco, Jannaayo 16, 2013 (HOL) — Ciidamada Midowga Afrika ee AMISOM ayaa sheegay inay baaritaanno ku sameyn doonaan dhacdo dad rayid ay ku dhinteen oo shalay ka dhacday deegaanka Leego ee gobolka Shabeellada Hoose.

1/16/2013 7:39 AM EST
Arbaco, Jannaayo 16, 2013 (HOL) — Maxkamadda ciidamada dowladda qalabka sida ee dowladda Soomaaliya ayaa maanta xukunno dil ah ku fulisay laba askari oo ka tirsanaa ciidamada dowladda Soomaaliya kuwaasoo ku kala eedeysnaa dil iyo kufsi.

1/16/2013 7:38 AM EST
Arbaco, Jannaayo 16, 2013 (HOL) — Xarunta hay'adda wadahadalka bulshada ee CCD ayaa maanta lagu soo gaba-gabeeyay kulan wadatashi ahaa oo looga hadlayay qorshe-howleedka hay'adda ee sannadka 2013, kaasoo laga soo saaray qodobbo la xiriira yoolka hay'adda ay hiigsaneyso sannadkan.

1/16/2013 7:14 AM EST
Arbaco, Jannaayo 16, 2013 (HOL) — Wareegto kasoo baxday xafiiska madaxweynaha Soomaaliya, Xasan Sheekh Maxamuud ayaa wuxuu guddoomiyaha bankiga dhexe ee Qaranka u magacaabay, C/salaan Cumar Hadliye.

1/16/2013 6:40 AM EST
Arbaco, Jannaayo 16, 2013 (HOL) — Madaxweynaha Puntland iyo wefdi uu horkacayo oo maanta ka dhoofay garoonka diyaaradaha magaalada Boosaaso ee xarunta gobolka Bari, ayaa u kicitimay dalka Jabuuti.

1/16/2013 2:41 AM EST
Arbaco, Jannaayo 16, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo booqasho ku jooga dalka Mareykanka ayaa la kulmay 20 xubnood oo ka tirsan Congress-ka dalka Mareykanka oo uu ku jiray mudane keliya ee muslimka ah ee laga soo doorto gobolka Minnesota ee dalka Mareykanka, Keith Ellison.

1/16/2013 2:39 AM EST
Arbaco, Jannaayo 16, 2013 (HOL) — Qaylo-dhaan aad u xooggan ayaa bilihii u danbeeyey kasoo yeereysey kaluumaysatada Puntland, gaar ahaan kuwa gobolka Bari, waxayna la xiriirtaa maraakiibta shisheeyaha ee sida aan sharciga ahayn uga kaluumaysta xeebaha Soomaaliya.