3/28/2024
Today from Hiiraan Online:  _
Wararka Maanta- Khamiis, Jan 10, 2013
Deeq lacageed oo Maanta lasoo Gaarsiiyay Isbitaalka lagu daweeyo Cudurka Qaaxada (TB) ee Magaalada Laascaanood

Khamiis, Jannaayo 10, 2013 (HOL) —Isbitaalka lagu daweeyo cudurka qaaxada (TB-da) ee magaaladda Laascaanood ee xarunta gobolka Sool ayaa maanta la gaarsiiyay deeq lacageed oo loogu talo-galay in lagu quudinta dadka lagu daweynayo isbitaalkaas.

Deeqdan oo ahayd 1,000 doolarka Maraykanka ah ayaa waxaa madaxda isbitaalka guddoonsiiyay madaxa xawaaladda Tawakal ee magaalada Laas-caanood, Cali Cabdinuur Xaashi oo sheegay inuu deeqdan soo gaarsiisay, Yaasmiin Jaamac Cabdi Bille.

Dr. Cabdi Maxamed Buraale madaxa isbitaalka  qaxada ee Laascaanood oo lacagtaas guddoomay ayaa uga mahad-celiyey Yaasmiin iyo inta kale ee la wadaagta howshan lagu soo ururiyay lacagta deeqda ah ee lasoo gaarsiiyay walaalahooda cudurka qaaxadu la-jiifa sariiraha isbitaalka Laascaanood.

Sidoo kale Dr. Buraale ayaa sheegay in muddooyinkii lasoo dhaafay ay dhowr jeer deeq tan oo kale ah ay soo gaarsiisay isbitaalka Yaasmiin jaamac oo uu ka xusay mid ay kusoo iibsadeen agab isbitaalku u baahnaa iyo kuwo cunno ahaan loo siiyay.

Dhakhtarka ayaa ku dheeraaday dhibaatada qaaxadu ay ku hayso bulshada degaanka, isagoo sheegay inay tahay cudurka koowaad ee dadka ku dhaca waxaana taas ugu wacan ayuu yiri bukaanka oo aan raashin ku filan helin dawaduna aanay sidii la rabay wax-tar u yeelanayn.

Isagoo hadalkiisa sii wata ayuu Dr. Buraale sheegay inay jiraan weli dad badan oo wax ceeb ah u haysta cudurka qaaxada isla markaana ka fogaada baaritaanka iyagoo dadka ugu sheega hargab ama durey ku xumaaday oo inta badan sababa fiditaanka cudurkan.

Si kastaba ha ahaatee, waxaa soo badanayay sannadihii lasoo dhaafay deeqaha soo gaaraya isbitaalka Laascaanood oo ka imaanaya qurba-joogta meelo kala duwan ku sugan taasoo wax weyn ka tartay bukaanka isbitaalka ku sugan khaasatan kuwa isbitaalka qaaxada oo ah halka keliya ee aan marna faaruqin.

Saynab Cabdi Warsame
[email protected]
Laascaanood, Gobolka Sool













Click here
1/10/2013 2:17 PM EST
Khamiis, Jannaayo 10, 2013 (HOL) — Wararka naga soo gaaraya degmada Saylac ayaa sheegaya in munaasabadii xil-wareejinta Maayarka cusub ee degmadaas ay si wanaagsan ugu dhacday xarunta barasaabka gobolka Selel waxaana kasoo qayb-qalay xil-wareejintan saraakiil ka socotay wasaaradda arrimaha gudaha Somaliland iyo mas’uuliyiin kale.

1/10/2013 10:06 AM EST
Khamiis, Jannaayo 10, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kula kulmay xarunta madaxtooyada Soomaaliya wafdi ka socday Bankiga Adduunka, isagoo u sheegay inay diyaar u yihiin inay qayb ka noqdaan Bankiga Adduunka kaddib labaatan sano oo colaado ah.

1/10/2013 10:05 AM EST
Khamiis, Jannaayo 10, 2013 (HOL) — Ciidamada ammaanka Jabuuti ayaa ku dilay toogasho wiil 14-jir ah kaddib markii ay rasaas ku fureen mudaaharaad nabadeed oo ka dhacayay magaalada Obokh, iyadoo rasaastaas ay tiro kale oo dad ah ku dhaawacmeen, sida ay shaacisay hay’ad u doodda xuquuqda aadanaha oo magaceeda loosoo gaabiyo FIDH.

1/10/2013 9:11 AM EST
Khamiis, Jannaayo 10, 2013 (HOL) — Afhayeenka AMISOM, Col. Cali Aadan Xumud oo u dhashay dalka Jabuuti ayaa sheegay maanta oo Khamiis ah in ciidamada Midowga Afrika ee howgallada kawada gudaha Soomaaliya ay guulo la taaban karo ka gaareen, isagoo sidoo kale sheegay in ciidamada dowldda Soomaaliya hadda kaddib lagu tababari doono gudaha dalka.

1/10/2013 8:59 AM EST
Khamiis, Jannaayo 10, 2013 (HOL) — Dowladda Maraykanka ayaa shan milyan oo doollar dul-dhigtay laba ruux oo u dhashay dalka Suudaan oo la rumeysan yahay inay ka barbar dagaalamaan Al-shabaabta Soomaaliya, iyadoo saraakiil Mareykanka u hadlay ay sheegeen in ruuxii xogta labadan qof keena ay siinayaan lacagtaas.

1/10/2013 3:49 AM EST
Khamiis, Jannaayo 10, 2013 (HOL) —Magaalada Kismaayo ayaa waxaa ka socoto qabanqaabadii ugu danbeeysay oo loogu jiro in dib loo ambaqaado shirkii maamul u sameynta gobollada Jubooyinka kaasoo mudooyinkii u danbeeyay uu hakad ku yimid.

1/10/2013 3:44 AM EST
Khamiis, Jannaayo 10, 2013 (HOL) — Ciidamada Midowga Afrika ee AMISOM ayaa sheegay inay tababarro siinayaan shaqaalaha rayidka ah ee dowladda si ay sare ugu qaaddo aqoonta shaqaalaha kala duwan ee hay’adaha dowladda Soomaaliya, iyagoo sheegay inay tani qayb ka tahay howlaha ay u joogaan Soomaaliya.

1/10/2013 3:07 AM EST
Khamiis, Jannaayo 10, 2013 (HOL) — Kooxo hubeysan islamarkaasina ku labisan dareeska ciidamada dowladda federaalka Soomaaliya ayaa dhibaatooyin ba’an ku haya gaadiidka rakaabka ee isticmaala qeybo katirsan gobolka Shabeelaha hoose.