3/29/2024
Today from Hiiraan Online:  _
Wararka Maanta- Arbaco, Feb 6 , 2013
Ganacsade Axmed Nuur Cali Jimcaale oo ku deeqay dhaqaale xirfado ganacsi loogu Abuurayo Haweenka danta yar (SAWIRRO)


Arbaco, Feberaayo 06, 2013 (HOL) — Haweenka gobolka Banaadir, gaar ahaan labada urur ee SSWC iyo HINA ayaa maanta ku qabtay magaalada Muqdisho munaasabad ay deeq lacageed oo tabarucaad ah ku siinayeen haween dan-yar ah oo gaaraya illaa 30 si ay ugu shaqeystaan.

Guddoomiyaha ururka ilaalinta haweenka iyo caruurta ee SSWC, Aamino Xaaji Climi oo munasabaddaas ka hadashay ayaa sheegtay in lacagta la siiyay haweenkaas ay ahayd lacag Zeko ah oo uu bixiyay ganacsadaha Soomaaliyeed, Axmed Nuur Cali Jimcaale.

“Haweenkan waxaan kasoo kala ururinnay degmooyinka gobolka Banaadir; waxayna isugu jiraan kuwo dan-yar ah iyo qaar agoomo haysta intaan la siinin lacagta waxay qaateen tababar socday saddex maalmood oo sare loogu qaadayay aqoontooda ku saabsan ganacsiga, sida faa’iidada loo sameeyo iyo sida khasaarada looga digtoonaado, si ay ugu shaqeystaan lacagta la siinayo,” ayay tiri Aamino Xaaji Cilmi.

Soddonkii hawenka haweenka ee ka qayb-galay tababarka xirfadda ganacsi loogu abuurayay ayaa middiiba waxaa la gudoonsiiyay lacag gaareysa Soddonkii hawenka haweenka ee ka qayb-galay tababarka xirfadda ganacsi loogu abuurayay ayaa middiiba waxaa la gudoonsiiyay lacag gaareysa 500 oo doollar si ay ugu ganacsato nolol maalmeedka qoysaskoodana uga soo saartaan.

Guddoomiyaha SSWC Marwo Aamino Xaaji Climi ayaa kula dar-daarantay haweenkaas inay ka faa’iideystaan fursaddaas tababarka iyo dhaqaalaha lagu siiyay, ayna ka digtoonaadaan dhaqaalaha loogu deeqay oo aan ahayn dayn laga doonayo. Iyadoo xustay in bil walba ay kormeer ku tegi doonaan goobaha ay ku ganacsadaan haweenkan, haweeneydii la arko iyadoo horumar sameysaynna ay abaalmarin siin doonaa, isla markaana looga faa’iideyn doono fursadaha noocan oo kale ah.

Sidoo kale, waxaa munaasabaddaas ka hadlay haween badan oo ka tirsan kuwa gobolka Banaadir, waxaana ka mid ahaa, Caasho Shaacuur Ugaas oo ah guddoomiyaha haweenka horseedka nabadda iyo nolosha oo ganacsade Axmed Nuur Cali Jimcaale uga mahad-celisay taageerada uu siiyay dumarka Soomaaliyeed, iyadoo ugu baaqday dadka kale ee Alle uu wax-siiyey inay ku daydaan ganacsade Axmed Nuur, gacanna siiyaan haweenka danta yar.

Haweenkii ka faa’iideystay dhaqaalaha iyo tababarka oo iyaguna halkaas ka hadlay ayaa ka mahadceliyay sida loo gacan-qabtay si ay noloshooda u maareeyaan, iyagoo balan-qaaday inay lacagtaas ugu ganacsan doona sidii loogu talo-galay, nolol maalmeedkoodana ka raadsan doonaan,.

Ugu dambeyn, waxaa munaasabadda looga hadlay dhibaatada weli ku hayo gudniinka fircooniga ah haweenka qaarkood iyo sidii loo cirib-tiri lahaa; iyadoo maanta ay ku beegan tahay maalinta caalamiga ah ee loo asteeyay ka hortagga gudniinka fircooniga ah.    





Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/6/2013 1:09 PM EST
Wareysi gaar ah madaxweyne Xasan Sheekh uu siiyay Hiiraan Online ayuu uga waramay qodobo muhiim oo ay ka mid yihiin Shirka bisha May ee magaalada London, socdaalkiisa London iyo arrimo kale.

2/6/2013 11:53 AM EST
Arbaco, Feberaayo 06, 2013 (HOL) — Waxaa maanta magaalada Boorame ee xarunta gobolka Awdal booqasho maalin ah ku yimid taliye ku xigeenka koowaad ee ciidamada booliiska Somaliland, Jen. C/raxmaan Axmed Liibaan (Fooxle), iyadoo booqashadan lagu sheegay mid loogu kuurgalayay ciidanka booliiska ee ku sugan degmada.

2/6/2013 9:33 AM EST
Arbaco, Feberaayo 06, 2013 (HOL) — Isbaheysiga nabadda Soomaaliya ayaa cadaalad-darro ku tilmaamay xukunkii maxkamada gobolka Banaadir ay shalay ku riday weriye, Cabdicasiis Cabdinuur Ibraahim (Koronto) iyo Luul Cali Cusmaan oo ah haweeney Soomaaliyeed oo sheegtay in la kufsaday.

2/6/2013 7:49 AM EST
Madaxweynaha Jamhuuriyadda Federaalka Soomaaliya Mudane Xasan Sheekh Maxamuud iyo wafdi uu hogaaminayo ayaa maanta ka qeyb galay shirka Ururka Islaamka (OIC) oo ka furmay caasimadda Qaahira.

2/6/2013 7:29 AM EST
Arbaco, Feberaayo, 06, 2013 (HOL) – Ra’iisal wasaaraha xukuumada Soomaaliya Cabdi Faarax Shirdoon Saacid iyo wafdi balaaran oo uu horkacayo ayaa maanta gaaray magaalada Baladweyne ee xarunta gobollka Hiiraan.

2/6/2013 7:24 AM EST
Arbaco, Feberaayo 06, 2013 (HOL) — Dowaldda Mareykanka ayaa Qaramada Midoobay ugu baaqay inay tixigeliso codsidii dowladda Soomaaliya ee ahaa in cunno-qabteynta hubka laga qaado si ay dib ugu dhisto ciidamadeeda si ay dalka oo dhan ammaank ugu soo rogto.

2/6/2013 6:58 AM EST
Arbaco, Feberaayo 06, 2013 (HOL) — Wasiirka wasaaradda amniga ee Puntland Col. Khaliif Ciise Mudan oo maanta shir-saxaafadeed ku qabtay xarunta wasaaradda ee magaalada Boosaaso ayaa ka hadlay arimo badan.

2/6/2013 6:34 AM EST
Arbaco, Feberaayo 06, 2013 (HOL) — Madaxweynaha Somaliland Md. Axmed Maxamed Maxamuud (Siilaanyo) ayaa safar shaqo ugu anbabaxay dalka Ingiriiska si uu ugala soo hadlo wasaaradda Arrimaha dibadda ee dalkaasi amni daradii ay ku sheegeen Somaliland iyo sidii ay cilaaqaadka labadda dhinaca uga dhexeeya usoo hagaajin lahaa.

2/6/2013 6:28 AM EST
Arbaco, Feberaayo 06, 2013 (HOL) — Ciidamada ammaanka Puntland ee gobolka Mudug ayaa xalay magaalada Gaalkacayo ee xarunta gobolka Mudug ka sameeyey howlgal ballaaran oo lagu soo qabtay in ka badan 200 oo qof.

2/6/2013 6:26 AM EST
Arbaco, Feberaayo 06, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hogaaminayo ayaa xalay gaaray magaalada Qaahira ee xarunta dalka Masar, halkaasoo uu uga qaybgalayo shirka ururka Islaamka (OIC) kasoo ay kasoo qayb-galayaan 59 dowladdood oo Islaam ah.

2/6/2013 3:22 AM EST
Arbaco, Feberaayo 06, 2013 (HOL) — Iyadoo tan iyo wixii ka danbeeyay burburkii dowladii hore ee Soomaaliya ay dalka Soomaaliya ka dhaceen colaado u dhexeeyay qabaa’illada Soomaaliyeed kuwaasoo sababay in la isku ugaarsado qaab qabiil iyo weliba in lakala dhaco hanti ayay dowladda Soomaaliya shaaca ka qaaday in ay dhiseyso guddi qaran oo kasoo talo bixiya habka ugu haboon ee dib loogu celin karo hantida ay kala heystaan dadka Soomaaliyeed.

2/6/2013 2:20 AM EST
Arbaco, Feberaayo 06, 2013 (HOL) — Wafdi uu horkacayo ra’isul wasaaraha xukuumadda federaalka Soomaaliya Dr. Cabdi Faarax Shirdoon (Saacid) ayaa goor dhow gaaray magaalada Baladweyne ee xarunta gobolka Hiiraan.