10/21/2019
Today from Hiiraan Online:  _
Wararka Maanta- Talaado, Feb 26, 2013
Minnesota oo laga xusay sanad guuradii 40-aad ee far-Soomaaliga



Talaado, Tuesday, February 26, 2013 (HOL) - Munaasabad lagu xusayey sanad guuradii 40-aad ee ka soo wareegtay markii la qoray far-Soomaaliga sanaddii 1972-dii ayaa xalay lagu qabtay  magaaladda Minneapolis ee gobolka Minnesota.

Madashaan oo ay si wada jir ah u soo qaban-qaabiyeen Naadiga Qalinleyda iyo Hal’abuurka Soomaaliyeed (Somali Speaking Pen) iyo Meertada Afka iyo Suugaanta Soomaalida oo ah koox ka jirta Minnesota, ayaa waxaa ka soo qeybgalay dad badan oo isugu jiray qeybaha bulshada Soomaaliyeed ee ku dhaqan gobolka Minnesota.

Waxaa halkaasi la isku weydaarsaday warbixinno iyo doodwadaag, kuwaasi oo dhammaantood ku saabsanaa taarikhda iyo marxaladihii uu soo maray qoraalka Soomaaliga iyo waliba horumar iyo dib-udhac wixii uu sameeyey muddadii uu qornaa, iyadooo sidoo kalena goobta lagu daawaday filim [muuqaal] laga soo duubay dad kala duwan oo isugu jiray macalimiin iyo kuwa gacan ka geystay ole-olihii hirgalinta farta Soomaaliga ee loogu magacdaray “Bar ama Baro” oo ahaa mashruuc ay dowladdii kacaanku ku faafineysay barashada Af-Sooomaaliga.

Dadka afyahannada ah ee magacweyn ku leh bulshada Soomaaliyeed dhexdeeda ee goobtaasi ka hadlay ayaa waxaa ka mid ahaa abwaanka weyn ee Macalin Saciid Salaax Axmed, oo ka sheekeeyey qeymaha ay ummad waliba u leedahay ilaalinta iyo dhowrista afkeeda hooyo, isagoo sidoo kalena sheegay in luuqada Soomaaligu ay tahay mid facweyn leh, islamarkaana ay kaalin wanaagsan kaga jirto luuqadaha dunida, gaar ahaanna kuwa lagaga hadlo wadamada ku yaalla qaaradda Afrika.

Sahuur Xassan Axmed, oo xubin ka ah Naadiga Soomaali Pen, oo ka warbixineysay dadaalada la sameeyey muddooyinkii ugu dambeeyey ayaa dowladaha iyo maamullada ka jira deegaanada iyo dalalka  looga hadlo Afka Soomaaliga ku ammaantay doorkooda ku aadan horumarinta iyo kobcinta Soomaaliga ee ay sameeyeen, gaar ahaan dowladda Jabuuti oo dhawaan iyadu marti-galisay isku imaatinkii ugu weynee oo looga arinsanayo qoraalka iyo sare u qaadida Soomaaliga.

Intooda badan dadkii kulanka ka hadlay ayaa caqabadda ugu weyn ee soo food-saartay Afka Soomaaliga ku tilmaamay in ay tahay dagaalkii sokeeye ee dalka ka dhacay oo dadka Soomaalida ku qasbay in ay daris iyo deegaan la noqdeen bulshooyin kala duwan oo aysan af-wadaag ahayn, islamarkaana ku qasbay in ay ku milmaan luuqado shisheeye.

Marka la eego Soomaalida oo lagu tilmaamo in ay yihiin dad ku wanaagsan hal’abuurka suugaaneed, gaaar ahaanna gabayada, ayaa waxaa munaasabadan lagu soo bandhigay qaar ka mid ah suugaanta ay Soomaalidu leedahay sida, heeso, maansooyin iyo gabayo, kuwaasi oo ay goobta ka tirinayeen abwaanno, fanaaniin iyo dad habka suugaanta wax ku cabbira.

Waxaa sidoo kale fagaaraha lagu soo bandhigay buugaag ay qoreen qoreyaal Soomaaliyeed isugu jiray kuwa lagu daabacay Soomaali iyo Ingiriisba, iyadoona sidoo kale lagu iibinayey nugullo ka mid ah qaamuus (diwaan) ku qoran Af-Soomaali oo la magacbaxay “Soo Maal” kaasi oo ah kii ugu weynaa ee ilaa hada qoray.

Ugu dambeyn, waxaa halkaasi Naadiga Soomaali Pen iyo kooxda Meertada Afka iyo Sugaanta Soomaalidu ay halkaasi shahaado sharaf ku gudoonsiiyeen dad kala duwan oo isugu jiray qoreyaal, wariyeyaal iyo shaqsiyaad kale oo la sheegay in ay gacan lixaad leh ka geysteen baxnaaninta iyo sare u qaadida Soomaaliga.

Maxamed Faarax Talyaani, Hiiraan Online
[email protected]
Sawirrada: Siyaad Saciid Saalax
Minneapolis, Minnesota










Click here
2/26/2013 2:02 PM EST
Talaado, February 26, 2013(HOL): Kaddib dhowr iyo labaatan sano oo colaado iyo dagaallo ay ka socdeen dalka Soomaaliya ayaa waxaa Magaalada Muqdisho lagu qabtay tartan faneed la mid ah midkii Heesaha Hirgalay, kaasi oo hal-ku-dhiggiisu yahay Hirgeli Hammigaaga Faneed oo ay ka qeybgaleen fannaaniin badan oo hibo faneed leh.

2/26/2013 12:35 PM EST
Talaado, Feberaayo 26, 2013 (HOL) — Madaxweynaha Puntland, C/raxmaan Sheekh Maxamed Faroole ayaa maanta magaalada Garoowe kula kulmay wafdi uu hoggaaminayo danjiraha Britain ee dalka Soomaaliya, Matt Baugh oo booqasho gaaban ku tagay xarunta Puntland.

2/26/2013 12:34 PM EST
Talaado, Feberaayo 26, 2013 (HOL) — Wasiirka arrimaha gudaha iyo ammaanka Qaranka ee dowladda Soomaaliya, C/kariin Xuseen Guuleed oo shalay booqasho ku tagay magaalada Kismaayo ee xarunta gobolka Jubbada Hoose ayaa ka warbixiyay safarkiisaas, isagoo sheegay in dagaalkii dhawaan ka dhacay degmadaas uusan geysan wax dhibaato ah oo weyn.

2/26/2013 12:33 PM EST
Talaado, Feberaayo 26, 2013 (HOL) — Ra’iisal wasaaraha Soomaaliya, Cabdi Faarax Shir-doon (Saacid) ayaa maanta kulan balaaran kula qaatay xarunta taliska booliska Soomaaliyeed, saraakiisha ciidanka booliska Soomaaliyeed isagoo ku boorriyay inay dardar-geliyaan howlaha lagu sugayo ammaanka guud ee magaalada Muqdisho iyo deegaannada kale ee dalka.

2/26/2013 12:13 PM EST
Talaado, Feberaayo 26, 2013 (HOL) — Ugu yaraan toddoba qof oo labada dhinac ah ayaa ku dhintay dagaal culus oo ciidamada Soomaaliyeed ee ku sugan degmada Xudur iyo Al-shabaab ku dhexmaray deegaanno lagu kala magacaabo: Faraq iyo Abag-beedey.

2/26/2013 10:43 AM EST
Talaado, Febraayo,26, 2013 (HOL)- Madaxweyne ku xigeenka Somaliland mudane Cabdiraxmaan Cabdilaahi Ismaaciil Saylici’ ayaa 87 arday oo ka tirsan shaqaalaha dawladda oo ka qalin jabiyey Machadka shaqaalaha Dawlada shahaadooyin ku gudoonsiiyey Hoteel maansoor ee Magaaladda Hargeysa.

2/26/2013 10:04 AM EST
Talaado, February 26, 2013(HOL): Qofna waxbarasho kama duqoobo, cilmigana qofka waa baran karaa markaa uu dhasho illaa uu ka dhinto, sida qur’aamka kariimka ah ku cadna ma eka qof wax bartay iyo qof aanan waxba baran.

2/26/2013 9:04 AM EST
Talaado, February 26, 2013 (HOL) - Ra’iisul wasaare ku xigeenkii, ahaana wasiirkii hore ee warfaafinta Soomaaliya Axmed C/salaam Xaaji Aadan ayaa soo gaaray magaalada Nairobi, kadib markii uu ka soo kabtay dhaawac kasoo gaaray qaraxii ismiidaaminta ahaa ee lagula beegsaday magaalada Dhuusamareeb 1-dii bishii May 2012.

2/26/2013 8:47 AM EST
Talaado, Feberaayo 26, 2013 (HOL) — Waxaa maanta magaalada Muqdisho warqadahooda aqoonsiga danjirinimo u gudbiyay madaxweeynaha Soomaaliya ilaa shan danjire oo ka socotay qaar katirsan wadamada reer Yurub, kadib 21 sano oo dalka Soomaaliya aysan ka jirin wax dowlad rasmi ah.

2/26/2013 6:57 AM EST
Talaado, Feberaayo 26, 2013 (HOL) —Ciidamada dowladda federaalka Soomaaliya oo kaashanaya kuwa AMISOM ayaa dhaqdhaqaaqyo ciidan ka wada deegaano hoostaga degmada Buurhakaba oo ay dhawaan soo gaareen ciidamada isgarabsanaya kadib markii ay isaga baxeen xoogagga Al-shabaab ee mudada dheer ka arimin jiray.

2/26/2013 2:53 AM EST
Talaado, Feberaayo 26, 2013 (HOL) — Dabley hubeysan ayaa xalay jidka u galay gaari ay dad rikaab ahi la socdeen oo ka baxay waqooyiga magaalada Gaalkacayo ee xarunta gobolka Mudug, kuna sii jeedey degmada Gal-dogob.

2/26/2013 2:51 AM EST
Talaado, Feberaayo 26, 2013 (HOL) — Dagaalyahanno taabacsan Al-shabaab ayaa toogasho ku dilay xalay guddoomiyihii deegaanka Buusaar ee dowladda Soomaaliya iyo ku xigeenkiisii, kaddib markii ay ugu dhaceen guryo ay ka deggenaayeen deegaankaas.

2/26/2013 2:51 AM EST
Talaado, Feberaayo 26, 2013 (HOL) — Maamulka degmada Boocame ee gobolka Sool ayaa sheegay in kooxo la rumeysan yahay in ay ka tirsanaayeen xarakada Al-shabaab oo ka yimid dhinaca koonfurta dalku ay degmadaas ka gudbeen iyaga oo ku wajahan dhinaca buuraleyda Galgala.