6/24/2019
Today from Hiiraan Online:  _
Wararka Maanta- Talaado, Feb 26, 2013
Barnaamijka Tartanka Hirgeli Hammigaaga Faneed oo Muqdisho lagu qabtay (SAWIRRO)



Talaado, February 26, 2013(HOL): Kaddib dhowr iyo labaatan sano oo colaado iyo dagaallo ay ka socdeen dalka Soomaaliya ayaa waxaa Magaalada Muqdisho lagu qabtay tartan faneed la mid ah midkii Heesaha Hirgalay, kaasi oo hal-ku-dhiggiisu yahay Hirgeli Hammigaaga Faneed oo ay ka qeybgaleen fannaaniin badan oo hibo faneed leh.

 

In ka badan 1000 fannaan oo isugu jira heesaa, gabyaa, majaajiliistayaal ayaa tartankan ka qeybgalaya, kuwaasi oo laga soo xulay 16-ka degmo ee magaalada Muqdisho, iyadoo ay ka qeybgalka tartankan soo dalbadeen tartatamayaal kale oo ku sugan gobollada dalka Soomaaliya.

 

Tartankan ayaa waxaa tebinaya TV-yo iyo Idaacado Soomaaliyeed, iyadoo fannaaniinta tartameysana ay u kala garsoorayaan shaqsiyaad caan ah iyo fannaaniin Soomaaliyeed oo qaarkood u soo joogay barnaamijkii heesaha hirgalay ee berisamaadkii loo qaban jiray fannaaniinta leh hibada faneed.

 

“Aad iyo aad ayaan ugu faraxsanahay in aan hibadeyda faneed tuso dhammaan dadka Soomaaliyeed” sidaas waxaa tiri Canab Cali Maxamed oo dibadda Stuudiyaha Tiyaatarka Qaranka nagula hadashay, ”Heesaha waan sameyn karaa, ku heesi karaa, sidoo kalena meteli karaaa, laakin haddi wixii ka horreeyay ma jirin meel aan ku soo bandhigno hibadeenna”ayay hadalkeeda ku sii dartay Canab.

 


Guddoomiyaha Gobolka Banaadir Maxamed Axmed Nuur ”Tartan” ayaa sheegay in magaalada Muqdisho aysan kaliya ahayn magaalo ganacsi, hayeeshee ay tahay magaalo dhaqan iyo muusik ama fan leh, “Hadda waan soo kabsaneynaa sidii aan u billownay in aan waqti gelinno dhaqanka iyo muusikada, halkii aan is-dili lahayn” ayuu yiri Guddoomiyaha Gobolka Banaadir Maxamuud Axmed Nuur “Tartan”.

 

Tan iyo markii la billaabay tartankan kummanaan dhalinyaro ah iyo weliba dad waa weyn ayaa u soo dirayay guddiga soo xulista tartamayaasha muuqaallo yar yar, si ay fursad ugu helaan in ay tartamaan. Agaasimaha guud ee Tiyaatarka Qaranka oo maareeyay barnaamijkan ayaa sheegay in dadka istijaabiyay ay badnaayeen, hayeeshee uu doorka dhalinyarada suugaanta soo bandhigtay ay ahaayeen kuwo la soo bannaanbaxay hibo faneed, wuxuuna carrabka ku dhuftay in ay adkaaneyso si sahal ah lagu kala saaro.

 


Dhalinyaro badan oo tartankan ka qeybgalay ayay u ahayd markii ugu horreysay oo ay arkaan Studio iyo Tiyaatar heeso looga qabto. Yahye Maxamed Diini oo gabayo uga qeybgalay tartanka ayaa yiri “Waa markii iigu horreysay oo aan arko masrax tiyaatar oo ay daawadayaal joogaan. Waxay ii ahayd waayo-aragno, waana wax weyn in aan dareenkeyga la wadaago dhammaanba Soomaalida meel kasta oo ay joogaan”ayuu yiri Yaxye Maxamed Diini.

 

Daawadayaasha iyo Guddiga Garsoorka ee goob-joogga u ah tartanka ayaa waxay fannaaniinta ku kala xulayaan heesaha fannaanka iyo sida ay isu waafajiyaan heesta iyo dareenka ay ka turjumeyso, “Waan ogeyn in aan arki doonno fannaaniin da’ yar laakin waxaan aad ula yaabnay hibada dadkan dhalinyarada ah ee fanka ku soo biiraya, gaar ahaan gabar 18 sano jir ah oo tirisay gabay ku saabsan burburka waddankeena ku dhacay, kaasi ilmo ku soo joojiyay indhaha dadkii daawanayay ee ku jiray gudaha Studiyaha Tiyaatarka.

 


20-kii sano ee la soo dhaafay waxaa gudaha Soomaaliya ku geeriyooday 500 fannaan, kuwaasi oo isugu jiray kuwo la dilay iyo kuwo si caadi ah u dhintay, kuwii ka badbaaday dagaallada sokeeye-na waxay ku kala baaheen caalamka. Tiro kale oo fannaaniintii caanka ahaa ka mid ahna waxay ku nool yihiin qurbaha, gaar ahaan waddamada reer galbeedka. Nasiib darro celceliska da’da waxqabadka muusikiistayaasha iyo heesaaga Soomaaliyeed waxaa lagu sheegaa 56 sano, taasina wuxuu macnaheedu yahay in fannaaniintii hore ay sii noqonayaan howlgab, iyadoo aanu muuqan jiil kale oo la diyaariyay oo kaalinkooda buuxinaya. Barnaamijkan Hirgeli Hammigaaga Faneed ayaa looga gol leeyahay in dib loo soo celiyo fankii Soomaaliyeed, isla markaana lagu muujiyo in dadka Soomaaliyeed ay leeyihiin dhaqan ay tahay in loo gudbiyo jiilka dambe.








Salaad Iidow Xasan (Xiis), Hiiraan Online
[email protected]










Click here
2/26/2013 3:33 PM EST
Talaado, Tuesday, February 26, 2013 (HOL) - Munaasabad lagu xusayey sanad guuradii 40-aad ee ka soo wareegtay markii la qoray far-Soomaaliga sanaddii 1972-dii ayaa xalay lagu qabtay magaaladda Minneapolis ee gobolka Minnesota.

2/26/2013 12:35 PM EST
Talaado, Feberaayo 26, 2013 (HOL) — Madaxweynaha Puntland, C/raxmaan Sheekh Maxamed Faroole ayaa maanta magaalada Garoowe kula kulmay wafdi uu hoggaaminayo danjiraha Britain ee dalka Soomaaliya, Matt Baugh oo booqasho gaaban ku tagay xarunta Puntland.

2/26/2013 12:34 PM EST
Talaado, Feberaayo 26, 2013 (HOL) — Wasiirka arrimaha gudaha iyo ammaanka Qaranka ee dowladda Soomaaliya, C/kariin Xuseen Guuleed oo shalay booqasho ku tagay magaalada Kismaayo ee xarunta gobolka Jubbada Hoose ayaa ka warbixiyay safarkiisaas, isagoo sheegay in dagaalkii dhawaan ka dhacay degmadaas uusan geysan wax dhibaato ah oo weyn.

2/26/2013 12:33 PM EST
Talaado, Feberaayo 26, 2013 (HOL) — Ra’iisal wasaaraha Soomaaliya, Cabdi Faarax Shir-doon (Saacid) ayaa maanta kulan balaaran kula qaatay xarunta taliska booliska Soomaaliyeed, saraakiisha ciidanka booliska Soomaaliyeed isagoo ku boorriyay inay dardar-geliyaan howlaha lagu sugayo ammaanka guud ee magaalada Muqdisho iyo deegaannada kale ee dalka.

2/26/2013 12:13 PM EST
Talaado, Feberaayo 26, 2013 (HOL) — Ugu yaraan toddoba qof oo labada dhinac ah ayaa ku dhintay dagaal culus oo ciidamada Soomaaliyeed ee ku sugan degmada Xudur iyo Al-shabaab ku dhexmaray deegaanno lagu kala magacaabo: Faraq iyo Abag-beedey.

2/26/2013 10:43 AM EST
Talaado, Febraayo,26, 2013 (HOL)- Madaxweyne ku xigeenka Somaliland mudane Cabdiraxmaan Cabdilaahi Ismaaciil Saylici’ ayaa 87 arday oo ka tirsan shaqaalaha dawladda oo ka qalin jabiyey Machadka shaqaalaha Dawlada shahaadooyin ku gudoonsiiyey Hoteel maansoor ee Magaaladda Hargeysa.

2/26/2013 10:04 AM EST
Talaado, February 26, 2013(HOL): Qofna waxbarasho kama duqoobo, cilmigana qofka waa baran karaa markaa uu dhasho illaa uu ka dhinto, sida qur’aamka kariimka ah ku cadna ma eka qof wax bartay iyo qof aanan waxba baran.

2/26/2013 9:04 AM EST
Talaado, February 26, 2013 (HOL) - Ra’iisul wasaare ku xigeenkii, ahaana wasiirkii hore ee warfaafinta Soomaaliya Axmed C/salaam Xaaji Aadan ayaa soo gaaray magaalada Nairobi, kadib markii uu ka soo kabtay dhaawac kasoo gaaray qaraxii ismiidaaminta ahaa ee lagula beegsaday magaalada Dhuusamareeb 1-dii bishii May 2012.

2/26/2013 8:47 AM EST
Talaado, Feberaayo 26, 2013 (HOL) — Waxaa maanta magaalada Muqdisho warqadahooda aqoonsiga danjirinimo u gudbiyay madaxweeynaha Soomaaliya ilaa shan danjire oo ka socotay qaar katirsan wadamada reer Yurub, kadib 21 sano oo dalka Soomaaliya aysan ka jirin wax dowlad rasmi ah.

2/26/2013 6:57 AM EST
Talaado, Feberaayo 26, 2013 (HOL) —Ciidamada dowladda federaalka Soomaaliya oo kaashanaya kuwa AMISOM ayaa dhaqdhaqaaqyo ciidan ka wada deegaano hoostaga degmada Buurhakaba oo ay dhawaan soo gaareen ciidamada isgarabsanaya kadib markii ay isaga baxeen xoogagga Al-shabaab ee mudada dheer ka arimin jiray.

2/26/2013 2:53 AM EST
Talaado, Feberaayo 26, 2013 (HOL) — Dabley hubeysan ayaa xalay jidka u galay gaari ay dad rikaab ahi la socdeen oo ka baxay waqooyiga magaalada Gaalkacayo ee xarunta gobolka Mudug, kuna sii jeedey degmada Gal-dogob.

2/26/2013 2:51 AM EST
Talaado, Feberaayo 26, 2013 (HOL) — Dagaalyahanno taabacsan Al-shabaab ayaa toogasho ku dilay xalay guddoomiyihii deegaanka Buusaar ee dowladda Soomaaliya iyo ku xigeenkiisii, kaddib markii ay ugu dhaceen guryo ay ka deggenaayeen deegaankaas.

2/26/2013 2:51 AM EST
Talaado, Feberaayo 26, 2013 (HOL) — Maamulka degmada Boocame ee gobolka Sool ayaa sheegay in kooxo la rumeysan yahay in ay ka tirsanaayeen xarakada Al-shabaab oo ka yimid dhinaca koonfurta dalku ay degmadaas ka gudbeen iyaga oo ku wajahan dhinaca buuraleyda Galgala.