6/21/2021
Today from Hiiraan Online:  _
Wararka Maanta- Sabti, Dec 7 , 2013
Booliiska Rabshadaha ka Hortagga ee Waddanka Kenya oo Labaatan qof oo Muslimiin ah ku xirxiray Magaalada Mombasa


Sabti, December 07, 2013 (HOL) — Booliiska rabshadaha ka hor-tagga ee dalka Kenya ayaa shalay oo Jimco ahayd 20-qof oo muslimiin ah ku xiray magaalo xeebeedda dalkaas ee Mombasa, kaddib markii ay hareereeyeen masjidka Sakina oo ku yaalla xaafadda Majengo. Waxaana ku jiray afar qof oo maxkamad ay amartay in lasoo xiro sida uu sheegay taliyaha booliiska ee Makupa.

Amarka lagu soo xirayo afarta qof ee ka midka ah labaatan qof ayaa waxaa bixiyay gasooraha maamadda Irene Ruguru, isagoo sheegay in baaris lagu sameyn doono afartaas qof oo Kenyan ah.

Magacyada afarta qof ayaa lagu kala sheegay; Swabir Twalib, Abdalla Sala Swaleh, Maxamed Cabdalla iyo Jamaal Swaleh Khamis, kuwaasoo la sheegay inay abaabuuleen rabshado dhowr jeer ka dhacay magaalada Mombasa.

Sidoo kale, afartan qof ayaa lagu eedeeyay in la arkay iyadoo hub gelinaya masaajidka Sakina, balse waxaa arrintaas beeniyay imaamka masaajidkaas, Sheekh Khaliifa Maxamed, isagoo ku tilmaamay arrin aanay waxba ka jirin.

Booliiska ayaa masaajidkan ku tilmaamay mid lagu tababarro dhallinyarada jihaad-doonka ah, waxaana sarkaal u hadlay booliiska uu u sheegay qaar ka mid ah warbaahinta Kenya inay jiraan 200 oo dhallinyaro ah oo hubeysan oo ku xiran masaajidkaas, kuwaasoo uu sheegay in lagu tuhunsan yahay inay ka dambeeyeen dilkii Sheekh Cabuud Roobo.

“Ciidamada booliisku rasaas ayay sare u rideen si dadku ay u kala soocmaan dabadeedna waxaa la xiray dadkii la tuhmayay, mana jiro qof kale oo la soo xiray,” ayuu yiri taliyaha booliiska Kisauni, Julius Wanjohi oo warbaahinta la hadlay.

Hadal kasoo baxay booliiska ayaa lagu sheegay in dhallinyarada tababarro lagu siiyo masaajidkaas, iyagoo xusay inay jiraan afar lix wadaad oo arrinta wax ka wada, kuwaasoo aan magacyadooda la shaacin.

Taliyaha booliiska Mombasa, Tom Okoth ayaa laga soo xigtay in wadaadadu ay khatar ku yihiin ammaanka, ayna dhallinyarada baraan jihaadka iyo sidii rabshado looga abuuri lahaa magaalada, sidoo kale Okoth wuxuu sheegay in looga baahan yahay hoggaamiyeyaasha muslimiinta ah inay arrintan fiiro u lahaadaan.

“Ma jirto wax war ah oo aan anigu soo saaray, haya’daha ammaanku waa in ay wataan howlahooda,” ayuu yiri Sheekh Maxamed Khaliifa oo ka mid ah culummada lagu eedeeyay inay dhibaatooyin amni-darro ka wadaan gudaha magaalada Mombasa.  Guddoomiyaha golaha muslimiinta Kenya, Mudhar Khitamy ayaa dibadda ku maqan mana jirto wax uu arrintan ka yiri.

“Qorshaheennu waa inaan ka hortagno kuwa nabadgalyo xumada ku wada magaalada Mombasa, mana doonayno inaan iska horkeenno muslimiinta iyo xukuumadda Kenya,” ayuu mar kale yiri taliyaha booliiska Mombasa Okoth.

Guddoomiyaha Mombasa, Xasan Cumar ayaa isaguna sheegay in wadaadada Muslimiinta looga baahan yahay inay la socdaan waxbarashada dhallinta oo aanay dhicin in la baro falal ay ammaanka ku qarbudayaan.

Dhanka kale, ciidamada la dagaalanka argagaxisada ee dalka Kenya ayaa u arka dugsiyada diinta lagu barto inay yihiin kuwo dhallinyarada lagu baro jihaadka iyo xagjirnimada.

Mombasa oo ah magaalada labaad ee Kenya ugu weyn ayaa waxaa dhowr jeer ka dhacay isku dhacyo dhexmaray booliiska iyo dhallinyaro careysan, kuwaasoo sheegay in dhibaato ay ku hayaan ciidamada booliiska, inkastoo rabshadahaas lagu guuleystay in la damiyo.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/7/2013 2:42 PM EST
Sabti, December 07, 2013 (HOL) — Magaalada Jigjiga ee magaalo-madaxda ismaamulka Soomaalida Itoobiya ayaa waxaa ka socda diyaar-gowga loogu jiro xuskii siddeedaad ee qowmiyadaha dalka Itoobiya ayaa waxaa u suuro-gashay Hiiraan Online (HOL) inay idiin soo gudbiso sawirrada diyaar-garowga xuskaas.

12/7/2013 1:35 PM EST
Sabti, December 07, 2013 (HOL) — Shirkii looga hadlayay ammaanka iyo dhaqaalaha Qaaradda Afrika oo labadii casho ee lasoo dhaafay ka socday magaalada Paris ee xarunta dalka Faransiiska ayaa lasoo gaba-gabeeyay caawa, iyadoo la isku raacay in Afrika laga caawiyo sidii ay uga bixi lahayd dhaqaale xumada iyo amni-darrada haysata.

12/7/2013 12:57 PM EST
Sabti, December 07, 2013 (HOL) — Khataraha ka jira dalka Liibya waxay u ekeysiiyeen dalkaas sidii Somalia oo kale, sidaa waxaa yiri madaxweynaha dalka Nayjar, Mahamadou Issoufou oo la hadlayay warfidiyeenka isagoo kusii jeeda magaalada Paris ee xarunta dalka Faransiiska oo uu ka socdo shir ammaanka Qaaradda Afrika looga hadalyo.

12/7/2013 12:07 PM EST
Sabti, December 07, 2013 (HOL) — Garaad Saleebaan Garaad Max'ed Garaad Maxamuud oo ay weheliyaan odayaal iyo waxgaradka deegaanka Sarmaanyo oo degmada Taleex kaga beegan dhinaca waqooyi 80-km ayaa ku baaqay in nabad iyo wadahadal lagu dhameeyo khilaafkii sababay dagaalladii ka dhacay degmada Taleex ee gobolka Sool.

12/7/2013 9:37 AM EST
Sabti, December 07, 2013 (HOL) — Taliyaha ciidamada ilaalada waddooyinka ee gobolka Banaadir, Jen. Cali Xirsi Barre (Cali Gaab) ayaa shaaciyay in sannadkan ay Muqdisho iyo degmooyinka ku dhow-dhow ka dhaceen illaa 12,00 oo shilal gaadiid ah, kuwaasoo ay ku naf-waayeen 80-qof.

12/7/2013 9:21 AM EST
Sabti, December 07, 2013 (HOL) — Iyadoo lagu waday in maxkadda gobolka Banaadir ay maanta dhageysato dacwad loo haysto milkiilaha Radio Shabelle, C/maalik Yuusuf, wariye Maxamed Bashiir iyo gabar wariye ah oo sheegtay in la kufsaday ayaa dib loo dhigay.

12/7/2013 8:34 AM EST
Sabti, December 07, 2013 (HOL) — Shirar kala duwan ayaa maanta Baydhabo ka dhacay maanta kaddib markii uu magaaladaas gaaray guddoomiyihii hore ee baarlamaankii KMG ahaa ee Somalia, Shariif Xasan Sh. Aadan oo ka mid ah xildhibaan ka tirsan baarlamaanka hadda jira iyo wafdi u badan xildhibaanno oo uu hoggaaminayay.

12/7/2013 7:35 AM EST
Sabti, December 07, 2013 (HOL) — Waxaa laga dayrinayaa xaaladda caafimaad ee qaar kamid ah dadkii ku dhaawacmay qaraxii is-miidaaminta ahaa ee saddex maalmood kahor ka dhacay magaalada Boosaaso ee xarunta gobolka Bari.

12/7/2013 7:00 AM EST
Sabti, December 07, 2013 (HOL) — Wafdi uu horkacayo wasiirka war-faafinta, boostada, isgaarsiinta iyo gaadiidka Soomaaliya, C/llaahi Ciilmooge Xirsi oo ay ka mid yihiin, wasiirka ganacsiga iyo warshadaha, Maxamed Axmed Xasan, xildhibaanno, odayaal-dhaqameed iyo xubno ka socday ururrada bulshada rayidka ah ayaa xalay gaaray magaalada Jigjiga oo ah xarunta ismaamulka Soomaalida Itoobiya.

12/7/2013 6:37 AM EST
Sabti, December 07, 2013 (HOL) — Wasiiradda arrimaha dibadda Soomaaliya, Fowsiyo Yuusuf Xaaji Aadan oo ka qaybgalaysa shirka looga hadlayo amniga iyo nabadgalyada qaaradda Afrika ee ka socda Paris ayaa sheegtay in Nelson Mandela uu astaan u ahaa midnimada iyo dib u heshiisiinta dalka Koonfur Afrika.

12/7/2013 6:30 AM EST
Sabti, December 07, 2013 (HOL) — C/weli Maxamed Cali Gaas oo ah musharrax u taagan xilka madaxweynenimo ee Puntland, ayaa maanta si weyn loogu soo dhoweeyey magaalada Boosaaso ee xarunta gobolka Bari.

12/7/2013 6:16 AM EST
Sabti, December 07, 2013 (HOL) — Nin ay si aad ah u doon-doonayeen cidamada la dagaalanka argagaxisada ee Kenya ayaa lagu dilay maanta magaalada Mombasa ee dalka Kenya, iyadoo ciidamadu ay ku toogteen bas gudihiis.

12/7/2013 5:44 AM EST
Sabti, December 07, 2013 (HOL) — Xildhibaan Maxamed Warsame Faysal oo shalay lagu dilay qarax ka dhacay afaafka hore ee madaxtooyada Somalia oo maanta lagu aasay gudaha isbitaalka Madiina ee magaalada Muqdisho, iyadoo aaskiisana ay ka qayb-galeen ra’iisul wasaaraha xilka ka dagaya ee Somalia, Cabdi Faarax Shirdoon (Saacid), xildhibaanno uu ka mid ahaa guddoomiye ku xigeenka baarlamaanka iyo wasiirro ka tirsan xukuumadda.

12/7/2013 5:30 AM EST
Sabti, December 07, 2013 (HOL) — Wafdi uu hoggaaminayo guddoomiyihii hore ee baarlamaanka Soomaaliya, Shariif Xasan Sheekh Aadan ayaa maanta gaaray magaalada Baydhabo ee xarunta gobolka Bay, halkaasoo si weyn loogu soo dhaweeyay.

12/7/2013 2:08 AM EST
Sabti, December 07, 2013 (HOL) — Ugu yaraan laba ruux ayay dhaawacyo kasoo gaareen saddex madfac oo xalay ku dhacay xaafadda Xamar-jadiid ee degmada Wadhiigley, iyadoo aan la ogeyn halka ay madaafiicdaas ka yimaadeen.

12/7/2013 2:08 AM EST
Sabti, December 07, 2013 (HOL) — Madaxweyne ku xigeenka maamulka Khaatumo, Maxamed Jaamac Yuusuf (Indha-sheel) ayaa wacad ku maray inaanu marna baaqan doonin shirkii Khaatumo, kaddib mar shalay boqolaal qof kula hadlayay degmada Buuhoodle.

12/7/2013 1:42 AM EST
Sabti, December 07, 2013 (HOL) — Ciidammo Itoobiyaan ah oo hor leh ayaa soo gaaray deegaanka Ceelbarde ee gobolka Bakool halkaasoo ay dowladdu ka taliso, iyadoo aan la ogeyn ujeeddada ciidamadan, sidoo kale ciidamada dowladda Soomaaliya iyo kuwa Itoobiya ayaa howlgallo ka sameeyay waddo isku xirta deegaanka Awdiinle iyo degmada Qasax-dheere oo Al-shabaab u xirnayd.

12/7/2013 1:08 AM EST
Sabti, December 07, 2013 (HOL) — Wareegto kasoo baxday xafiiska hoggaamiyaha guud ee maamulka KMG ee Jubba, Sheekh Axmed Maxamed Islaam (Axmed Madoobe) ayaa maanta lagu magacaabay siddeed wasiir iyo madaxweyne ku xigeenka labaad ee maamulka Jubba.