6/13/2021
Today from Hiiraan Online:  _
Wararka Maanta- Khamiis, Dec 5 , 2013
Kulan lagu soo dhaweeyay go'aankii golaha Shacabka ee kalsoonida loogala laabtay Xukuumadda oo Muqdisho lagu qabtay (SAWIRRO)



Khamiis, December 05, 2013 (HOL) — Munaasabad casho sharaf ah oo uu xalay guddoomiyaha baarlamaanku u sameeyay xildhibaannada golaha shacabka ayaa waxaa ka qaygalay madaxweynaha Soomaaliya, Xasan Sh. Maxamuud iyo xubno kale oo dowladda ka tirsan.

Xildhibaanno ka tirsan baarlamaanka oo khudbado ka jeediyay xafladda ayaa ku amaanay guddoonka baarlamaanka sidii quruxda badnayd ee ay fadhiyada baarlamaanka u hoggaamiyeen, gaar ahaan kulankii xasaasiga ahaa ee kalsooni kala noqoshada xukuumadda, iyagoo sidoo kale u mahad-celiyay ra’iisul wasaaraha Soomaaliya, Cabdi Faarax Shirdoon (Saacid) oo ay ku amaaneen sida geesinimada leh ee go’aanka baarlamaaanka uu u aqbalay.

Sidoo kale xildhibaannadu waxay madaxweynaha ka codsadeen inuu soo dedejiyo magacaabista ra’iisul wasaaraha cusub ka hor fasaxa kalfadhiga saddexaad ee baarlamaanka oo ku beegan 31-ka bishan December 2013.

Guddoomiyaha baarlamaanka Soomaaliya, Maxamed Sh. Cusmaan Jawaari oo munaasabadda hadal ka jeediyey ayaa xusay in ujeeddada xafladda ay tahay in guddoonka baarlamaanka uu u mahadceliyo xildhibaannada golaha shacabka.

“Waxaan xildhibaanada golaha shacabka leeyahay mahadsanidiin maadaama aad ilaaliseen qalbigii shacabka, mahadsanidiin maadaama aad muujiseen mas’uuliyad xildhibaannimo, mahadsanidiin maadaama aad xal ka gaarteen mushkilad la idin horkeenay, mahadsanidiin in markii aan xeer hoosaadka iyo dastuurka soo qabsado qodobbadiisa aad iigu hogaansanteen,” ayuu yiri guddoomiyaha baarlamaanka Soomaaliya oo khudbad ka jeediyay kulanka.

HALKAN KA DAAWO SAWIRRO BADAN:

Prof. Jawaari oo hadalkiisa sii wata ayaa ka hadlay muhiimadda ay leedahay midnimada baarlamaanka isagoo tilmaamay in baarlamaanku uu yahay tiir-dhexaadka dowladda isla markaana ay shacabka ku tashanayaan; sidaa darteedna ay lagama maarmaan tahay in la ilaaliyo wadajirka iyo midnimada baarlamaanka,

Guddoomiyaha baarlamaanku wuxuu sidoo kale amaanay doodihii mooshinkii kalsooni kala laabashada xukuumadda ay ka yeesheen xidhibaannadu isagoo sheegay inay taasi ka tarjumayso hirgelinta dhaqan dimuqraadiyadeed.

Intaa kaddib waxaa hadlay madaxweynaha Somalia, Xasan Sh. Maxamuud oo khudbad ka jeediyay gabagabadii munaasabadda ayaa xildhibaannada baarlamaanka iyo guddoonkoodaba ku amaanay sidii quruxda badnayd ee ay u guteen waajibaadkooda qaran, sidoo kalena wuxuu u mahadceliay isla markaana amaanay ra’iisul wasaaraha xilka ka dagaya Cabdi Faarax Shir-doon (Saacid).

“Runtii waxaan rabaa inaan aad idin kugu amaanayaa sidii quruxda badnayd ee baarlamaanku waajibaadkiisa u gutay, weliba waxaan si gaar ah ammaan ugu soo jeedinayaa sidii xidhibaannadu uga qaybtaateen dooddii mooshinka, iyadoo shacabka Soomaaliyeed ay si toos ah ula socdeen; xaqiiqdiina waa raalli-geliseen shacabka. Mar haddaad shacabka raalli-geliseenna waxaad raalli-geliseen ALLE, aad ayaana idin kugu ammaanayaa,” ayuu yiri Xasan Sheekh.

Madaxweynaha ayaa tallaabadaas ku tilmaamay mid kalsoonida shacabka, dowladnimada iyo dimuqraadiyada soo nooleysay. Wuxuu sheegay inuu u mahadcelinayo xukuumaddii hore maadaama ay howl wanaagsan qabatay, balse isbedelka ay doonayaan uu yahay mid ku saleysan in horumarka inta uu hadda yahay laga sii badiyo.

“Waxaa la yiraahdaa horumarku xuduud ma lahan illaa circa ayay xuduuddiisu jirtaa, sidaa daraadeed sababata isbedelka loo sameynayo waa in horumarka la xoojiyo ee wax kale ma ahan,” ayuu hadalkiisa raaciyay.

Ugu dambeyn, madaxweynuhu wuxuu ka hadlay soo jeedinta xildhibaannada baarlamaanka ee la xiriirtay in la dadajiyo magacaabista ra’iisul wasaaraha cusub , isagoo sheegay in howsha hortaalla aysan yarayn laakiin uu kalsooni ku qabo in wax waliba ay noqon doonaan kuwo loogu guuleysto; sida hadda la soo jeediyay ka hor waqtiga fasaxa baarlamaanka ama kaddib; waxaana uu ALLE ka baryay in dhammaan howlaha horyaalla uu ku guuleeyo.

Munaasabadda ayaa kusoo gabagabowday jawi farxadeed, inkastoo uusan goob-joog ka ahayn ra’iisul wasaaraha xilka kasii dagaya oo looga bartay in uu madaxda dowladda kala qaybgalo munasabadaha noocan oo kale ah.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/5/2013 5:45 PM EST
Khamiis, 05 December 2013(HOL)—Madaxweynihii ugu horreeyay ee madow ah ee madax ka noqda Dalka Koofur Afrika, isla markaana si weyn caan ugu caan ahaa la-dagaallanka midab-takoorka Nelson Mandela ayaa caawa ku geeriyooday magaalada Johannesburg.

12/5/2013 12:26 PM EST
Khamiis, December 05, 2013 (HOL) — Ugu yaraan 105-qof ayaa lagu dilay dagaallo culus oo maanta ka qarxay magaalada Bangui ee xarunta Jamhuuriyadda Afrikada dhexe, iyadoo lasoo sheegayo in dagaalladan ay u dhexeeyaan kooxo hubeysan oo muslimiin ah iyo kooxo kiristan ah.

12/5/2013 11:03 AM EST
Khamiis, December 05, 2013 (HOL) — Ergeyga gaarka ah ee xog-hayaha guud ee QM u qaabilsan Soomaaliya Nicholas Kay ayaa ka hadlay qaraxii is-miidaaminta ahaa ee maanta magaalada Boosaaso ka dhacay.

12/5/2013 10:50 AM EST
Khamiis, December 05, 2013 (HOL) — Guddoomiyihii hore ee baarlamaankii KMG ahaa ee Soomaaliya, ahna xildhibaan ka tirsan baarlamaanka, Sheekh Aadan Maxamed Nuur (Sheekh Aadan Madoobe) ayaa maanta gaaray magaalada Baydhabo ee xarunta gobolka Bay isagoo sheegay in dhawaan ay magaaladaas tegi doonaan guddoomiyaha baarlamaanka iyo xildhibaanno wehlinaya.

12/5/2013 10:35 AM EST
Khamiis, December 05, 2013 (HOL) — Ra’iisul wasaare ku xigeenka ahna wasiiradda arrimaha dibadda dowladdii kalsoonida lagala laabtay ee Somalia, Fowziyo Yuusuf Xaaji Aadan oo ka qaybgaleysa shirka ammaanka iyo nabada Afrika oo ka dhacaya dalka Faransiiska ayaa maanta kulan gaar ah la yeelatay guddoomiyaha Bankiga Bred, Mr Steve Gentili iyadoo ay kawada-hadleen sidii arrimaha dhaqaalaha Soomaaliya ay u noqon lahaayeen kuwo horumar sameeya.

12/5/2013 9:43 AM EST
Khamiis, 05 December 2013(HOL): Waxaa shalay, waraaqihiisa dublimaasiyadeed u gudbiyey Safiirka Soomaliya u fadhiya wadanka Britain Danjire Cabdullaahi Maxamed Cali “Sanbaloolshe”.

12/5/2013 9:36 AM EST
Khamiis, December 05, 2013 (HOL) — Munaasabad lagu daah furayay olole 16 maalmood soconaya oo looga hadlayo ka hortagga xad-gudubyada lagula kaco haweenka Soomaaliya oo ay soo qabanqaabisay agaasinka haweenka ee wasaaradda horumarinta iyo adeegga bulshada Soomaaliyeed ayaa ka furma maanta magaalada Muqdisho.

12/5/2013 9:28 AM EST
Khamiis, December 05, 2013 (HOL) — Ururka Midowga Yurub ayaa ka hadlay go’aankii dhawaan ay xildhibaannada barlamaanka Soomaaliya kalsoonida kala noqdeen xukuumaddii uu hogaaminayay raysul-wasaare Saacid ka dib hab cod tirrin ah oo gudoonka sare ee barlamaanka Soomaliya uu sameeyay.

12/5/2013 9:19 AM EST
Khamiis, December 05, 2013 (HOL) — Maamulka gobolka Hiiraan ayaa ku dhawaaqay in dib loo furay wadada hormarta saldhiga booliiska magaalada Beledweyne oo xirneyd tan iyo wixii ka danbeeyay weerarkii Ismiidaaminta ahaa ee lagu qaaday saldhiga 19-bishii November ee ina dhaaftay.

12/5/2013 7:33 AM EST
Khamiis, December 05, 2013 (HOL) — Madaxweynaha dowladda Soomaaliya, Xasan Sh. Maxamuud ayaa si adag u dhaleeceeyay qaraxii Ismiidaaminta ahaa ee maanta ka dhacay magaalada Boosaaso ee xarunta gobolka Bari, isagoo tacsi u diray dhammaan muwaadiniintii ku geeriyootay qaraxaas.

12/5/2013 7:29 AM EST
Talaado, December 03, 2013 (HOL)— Madaxweynaha Puntland C/raxmaan Maxamed Maxamuud Faroole oo goor dhow warbaahinta la hadlay, ayaa cambaareeyey qaraxii khasaaraha badan geystey ee maanta barqadii magaalada Boosaaso ka dhacay.

12/5/2013 6:56 AM EST
Khamiis, December 05, 2013 (HOL) — Taliyaha cusub ee ciidamada badda Soomaaliya, Maadeey Nuuroow Sheekh Ufuroow oo xilkan uu dhawaan u magacabay madaxweynaha Soomaaliya ayaa maanta sheegay inaysan difaaci doonin kalluumeysata iyo doomaha ay wataan oo aan sharciyeysnayn aysanna ka warhayn ciidamada badda Soomaaliya.

12/5/2013 6:34 AM EST
Khamiis, December 05, 2013 (HOL) — Dowladda Soomaaliya ayaa markii ugu horreysay ka qaybgalaysa shirka Amniga & Nabadda ee qaaradda Afrika oo loogu magacdaray Elysee Summit for Peace & Security in Africa oo maanta si hor-dhac ahaan ah uga furmay magaalada Paris ee dalka Faransiiska.

12/5/2013 6:29 AM EST
Khamiis, December 05, 2013 (HOL) — Faah faahin dheeri ah ayaa kasoo baxaysa qarax maanta barqadii lala beegsaday kolonyo gaadiid ah oo ay wateen ciidamo ka tirsan kuwa badda ee Puntland, xilli ay marayeen meel u dhow xarunta weyn ee Shirkadda Amal oo ku taal bartamaha magaalada Boosaaso.

12/5/2013 6:05 AM EST
Khamiis, December 05, 2013 (HOL) — Ra’iisul wasaarihii Somalia ee maalmo ka hor uu baarlamaanku kala laabtay kalsoonida, Cabdi Faarax ayaa maanta sheegay inuu aqbalay go’aankii kalsooni kala laabashada xukuumadiisa uuna la shaqeyn doono xukuumadda cusub ee lasoo dhisayo.

12/5/2013 5:44 AM EST
Khamiis, December 05, 2013 (HOL) — Dood-cilmiyeed looga hadlayay ka hortagga marin habaabinta dhallinyarada Soomaaliyeed ayaa maanta lagu qabtay magaalada Muqdisho, iyadoo dooddan ay ka qayb-galeen odayaasha dhaqanka, waxgarad, culummaa'uddiin iyo dhallinyaro.

12/5/2013 5:08 AM EST
Khamiis, December 05, 2013(HOL) :- Xilli mudooyinkii u danbeeyay ay magaalada Kismaayo ka dhacayeen falal liddi ku ah ammaanka, ayaa wareegto kasoo baxday xafiiska madaxweeynaha maamulka Jubba Sheekh Axmed Max'ed Islaam (Axmed Madoobe) ayaa lagu amray guutada 94-aad ee ciidamada maamulka in maanta wixii ka danbeeyay ay masuul ka yihiin amniga magaalada Kismaayo.

12/5/2013 4:19 AM EST
Khamiis, December 05, 2013 (HOL) — Qarax aad u xooggan ayaa maanta abbaare 11:00AM ka dhacay bartamaha magaalada Boosaaso ee xarunta gobolka Bari. Qaraxa oo ahaa miino dhulka lagu aasay waxaa lala beegsaday kolonyo ay wateen askar ka tirsan ciidamada badda ee Puntland.