3/28/2024
Today from Hiiraan Online:  _
Wararka Maanta- Arbaco, Dec 4 , 2013
Iska-horimaad ciidamada dowladda Soomaaliya iyo xoogaga Al-shabaab ku dhexmaray Degmada Huriwaa ee Gobolka Banaadir

Arbaco, December 04, 2013 (HOL) — Ugu yaraan laba ruux ayaa ku dhintay tiro intaas ka bandanna way ku dhaawacmeen iska-horimaad culus oo xalay ku dhexmaray degmada Huriwaa ciidamada dowladda Soomaaliya iyo kuwa Al-shabaab.

Dagaalkan ayaa yimid kaddib markii xoogag Al-shabaab taabacsan ay weerar ku qaadeen shineemo ku dhow isbitaalka SOS ee degmada Huriwaa, halkaasoo  saldhig u ahayd ciidamada nabadsugidda dowladda Soomaaliya.

Guddoomiyaha degmada Huriwaa, Cumar Cabdulle Jacfaan oo saxaafadda la hadlay ayaa sheegay in laba ka mid ah kooxaha hubeysan ay dileen laba kalena ay gacanta ku dhigeen.

“Kooxo hubeysan oo Al-shabaab ka tirsan ayaa xalay weeraray saldhig ay kaga sugnaayeen ciidamada dowladda degmada Huriwaa, waxaana la jabiyay, markii aan daba-galnay waxaan tagnay guri ay hubka dhigteen, halkaas ayaana laba ka mid ah ku dilnay, laba kalena ku qabanay,” ayuu yiri Cumar Jacfaan.

Sidoo kale, guddoomiyuhu wuxuu sheegay in dagaalkan uu qayb ka yahay rabshado ay Al-shabaab kawaddo degmada, balse ay diyaar u yihiin inay ka hortagaan falal walba oo ammaanka lagu waxyeeleynayo.

Dadka deegaanka oo la hadlay warbaahinta ayaa iyaguna sheegay inay saqdii dhexe ee xalay ay kusoo baraarugeen qaraxyada baasuukayaasha iyo rasaasta culus oo ay is-dhaafsanayeen dhinacyada dagaalamaya.

Goobjoogayaal ayaa sheegay in saakay ay degmada ka socdaan baaritaanno xooggan, kuwaasoo dadka lagu qabqabanayo, waxaana dagaalkii xalay uu ka mid noqonayaa iskahorimaadyo iyo falal kala duwan oo degmadaas ka dhacayay sannadkan.

Maalmo ka hor ayay ahayd markii degmadaas lagu dilay turjubaan ciiidamada AMISOM u shaqeynaya, iyadoo labadii qof ee dilkiisa geystay iyagana isla goobta lagu dilay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
12/4/2013 1:13 PM EST
Arbaco, December 04, 2013 (HOL) —Xulka kubadda cagta Soomaaliya ayaa galabta gabi ahaanba isaga haray koobka bartamaha iyo bariga Africa oo sanadkan ka soconaya wadanka Kenya,waxaana ciyaartoyda Soomaaliya ay ku guul-daraysteen in Group B ay dhibco ka heleen,iyadoo ciyaaro adag horey ula soo yeeshay xulalka kala ah Tanzania iyo Burundi.

12/4/2013 12:16 PM EST
Arbaco, December 04, 2013 (HOL) — Madaxweynaha Soomaaliya, Xasan Sh. Maxamuud ayaa maanta ka qayb-galay kulankan lagu soo gaba-gabeynayay xarunta AMISOM ee Muqdisho, kaasoo looga hadlayay doorka haweenku ay ku leeyihiin ka hortagga tacadiyada ka dhanka ah haweenka iyo kaalinta ay ku leeyihiin horumarka dalka, iyadoo xiritaanka kulankan ay goob-joog ka ahaayeen, wasiirka horumarinta adeegga bulshadda, Maryan Qaasim, dajire Nicholas Kay, danjirayaasha dalalka Talyaaniga, Sweden u jooga Soomaaliya iyo mas’uuliyiin kale.

12/4/2013 11:37 AM EST
Arbaco, December 04, 2013 (HOL) — Madaxweynaha Puntland, C/raxmaan Maxamed Maxamuud (Faroole) ayaa markii ugu horreysay ka jawaab celiyay diidmo ay kala horyimaadeen guddi uu magacaabay musharraxiinta Puntland oo iyagu madaxweyne Faroole kula tartamaya doorashada soo socota ee dhici doonta bisha Koowaad ee sannadka soo socda 2014-ka.

12/4/2013 11:25 AM EST
Arbaco, December 04, 2013 (HOL) — Magaalada Baydhabo ayaa waxaa ku soo badanaya iskuullada ama dugsiyada wax lagu barto sida dugsiga hoose, dhexe iyo kuwa sare kuwaas oo ay furayaan hay’ado caalimi ah, iyadoo ay iskuul degmada ka furtay dhawaan hay’adda ZAMZAM oo maxalli ah.

12/4/2013 11:01 AM EST
Arbaco, December 04, 2013 (HOL) — Wafdi uu hogaaminayo murrashaxa madaxweynaha Xisbiga UCID Jamaal Cali Xuseen ayaa maanta laga horjoogsaday inay galaan Gobolka Gabilay.

12/4/2013 7:02 AM EST
Arbaco, December 04, 2013 (HOL) — Ciidamada nabad-sugidda Qaranka ayaa maanta is-hortaag ku sameeyay dibadbax lagu taageerayay go’aankii uu baarlamaanka Soomaaliya kalsoonida kala laabtay xukuumadda ra’iisul wasaare Saacid oo Muqdisho ka dhici lahaa.

12/4/2013 6:50 AM EST
Arbaco, December 04, 2013 (HOL) — Maamulka gobolka Banaadir ayaa maanta sheegay inay la wareegi doonaan guryaha burbursan ee Muqdisho ku yaalla haddii milkiilayaasha iska leh ay ku dhisi waayaan muddo saddex bilood gudahood ah.

12/4/2013 6:30 AM EST
Arbaco, December 04, 2013 (HOL) — Xulka kubadda cagta Soomaaliya ayaa maanta kulankii seddexaad ee Group-ka B la yeelanaya xulka kubadda cagta Zambia ciyaar ka tirsan koobka bartamaha iyo bariga Afrika, iyadoo ciyaartan ay maanta afarta galabnimo ka dhacayso garoonka Nyanyo National Stadium ee Kenya.

12/4/2013 5:34 AM EST
Maxkamad ku taalla dalka Kenya ayaa go'aamisay inaan damaanad lagu sii dayn karin wiilal Soomaali ah oo lagu eedeeyay inay ku lug lahaayeen weeraradii lagu qaaday xarunta ganacsiga ee Westgate oo ay ku dhinteen dad kor u dhaafay 67 ruux.

12/4/2013 1:41 AM EST
Arbaco, December 04, 2013 (HOL) — Ugu yaraan saddex qof ayaa ku dhintay toddoba kalena way ku dhaawacmeen qaraxyo is-xigay oo xalay ka dhacay maqaahi ku taalla degmada Ceel-waaq ee gobolka Gedo.