4/24/2019
Today from Hiiraan Online:  _
Wararka Maanta- Sabti, Aug 3 , 2013
Saraakiil Soomaali ah oo ku biiray Ciidanka Booliska Metro Transit magaaladda Minneapolis ee gobolka Minnesota (SAWIRRO)



Sabti, 03 August 2013(HOL)—Taliska ciidanka booliska gobolka Minnesota gaar ahaan waaxda Metro Transit Police ayaa soo dhaweeyay  2 sarkaal oo Somali-America ah, kuwaas oo ka mid ahaa 19 saarkiil cusub oo shalay loo dhaariyay ka mid noqoshada ciidanka booliska gobolka.

 

Labdan sarkaan ee Soomaaliyeed ayaa kala ah Saalax Axmed iyo Cabdi-kheyr Xirsi waxayna si rasmi ah uga mid noqdeen ciidanka bad-qabka dadweynaha ee loo yaqaan Metro Transit Police ee gobolka, iyadoo taliyaha ciidanka booliska John Herrington uu dhaariyay saraakiishan cusub.

 

Xafladda dhaarta oo ay ka soo qeyb galeen qoysaska saraakiishan iyo asaxaabtooda oo ka dhacday hotelka Ramada Plazza ayaa waxaa ka hadlay agaasimaha  guud ee ciidanka  Brian Lamb wuxuna sheegay inay ku faraxsan yihiin ciidanka cusub ee ku soo biiray.

 

“Dadkiina ayaad caawineysaan, si ay u helaan ammaan” ayuu yiri Lamb oo intaas ku daray “Waan ogahay inaysan aheyn shaqo fudud, laakiin dadaal ayaa la idinka rabaa, waayo dadka ayaa u baahan, waana idinka mahadcelin doonaa”

 


Tirada dhalinyarada SOomaaliyeed ee ku biiraya ciidanka booliska ayaa sii kordheysa, waxaana la filaya in saraakiil kale oo Soomaaliyeed  loo labiso, maadaama daba yaqaada sanakan la dhaarin doono 22 sarkaal oo cusub, iyadoo tirada guud ee Soomaalida booliska gobolkan ayaa hada gaareysa 13 sarkaal oo howl kar ah.

 

Soomaalida magaaladda Minneapolis ayaa soo dhaweeyay xulashada Sarakiisha Cusub ee Saalax Axmed iyo Cabdi-kheyr Xirsi.

 

Si loo ilaaliyo bad-qabka dad weynaha waxay  Saraakiishan ka shaqeyn doonaan goobaha laga raaco gaadiidka dadweynaha, sida basaska iyo tageernka.



Sawirqaade: Ilyaas Macoow

 

Faarax Blue, Hiiraan Online

[email protected]
Minneapolis, Minnesota







Click here
8/3/2013 4:04 PM EST
Sabti, August 03, 2013 (HOL) — Eritrea ayaa sheegtay inay aqoonsan tahay madax-bannaanida dhuleed ee Soomaaliya iyo dowladda uu hoggaaminayo madaxweyne Xasan Sheekh Maxamuud; ayna taageerayaan dadaallada ay ku doonayso xasilinta dalkeeda.

8/3/2013 4:03 PM EST
Sabti, August 03, 2013 (HOL) — AMISOM ayaa raallin-gelin ka bixisay darawal Soomaaliyeed oo ay maanta ciidamadoodu ku toogteen illinka hore ee Xalane oo ah xarunta ay AMISOM ka deggen tahay Muqdisho.

8/3/2013 10:09 AM EST
Sabti, August 03, 2013 (HOL) — Madaxweynaha Soomaaliya, Xasan Sheekh Maxamud iyo wafdi uu hoggaaminayo ayaa soo gaaray magaalada Kampala ee xarunta dalka Uganda si ay uga qayb-galaan shirka dalalka ay ciidamada AMISOM ka joogaan Soomaaliya.

8/3/2013 10:03 AM EST
Sabti, August 03, 2013 (HOL) — Madaxweynihii hore ee maamulka Puntland, Jen. Cadde Muuse Xirsi ayaa iska fogeeyay eedeyn ku saabsan inuu mas’uul ka ahaa dagaallo ka dhacay Qardho, isagoo ku tilmaamay eedeyntaas mid aanay waxba ka jirin.

8/3/2013 9:24 AM EST
Sabti, August 03, 2013 (HOL) — Madaxweynaha Puntland, C/raxmaan Sheekh Maxamed Faroole ayaa ku eedeyay dowladda Somalia inay jabisay heshiisyo badan oo horay loo gaaray, isagoo ku goodiyay inay xiriirka u jari doonaan.

8/3/2013 8:29 AM EST
Sabti, August 03, 2013 (HOL) — Maxkamadda darajada koowaad ee ciidamada qalabka sida ee dowladda Soomaaliya ayaa dil toogasho ku ah ku xukuntay eedeysane, Aadan Sheekh Cabdi Sheekh Xuseen oo lagu helay in uu dilay 21-kii September, 2012 wariye Xasan Yuusuf Absuge oo ka mid ahaa wariyeyaasha ka howlgala magaalada Muqdisho.

8/3/2013 8:14 AM EST
Sabti, August 03, 2013 (HOL) — Ra’iisul wasaare ku xigeenka Somalia ahna wasiiradda arrimaha dibadda, Fowsiyo Yuusuf Xaaji Aadan ayaa ugu baaqday dalalka caalamka inay maal-gasho ku sameystaan Soomaaliya, kaddib isbedel dhinaca ammaanka ah oo ka dhacay sida ay ku sheegtay wareysi ay siisay wakaaladda wararka Shiinaha ee Shinwaa.

8/3/2013 7:38 AM EST
Sabti, August 03, 2013 (HOL) — Ugu yaraan afar qof oo dhinacyadii dagaalku u dhexeeyay ah ayaa ku dhintay, tiro kalena way ku dhaawacmeen dagaallo dagaal beeleed ka qarxay maanta deegaanka Baraag-Ciise oo ku taalla koonfurta gobolka Mudug.

8/3/2013 3:50 AM EST
Sabti, August 03, 2013 (HOL) — Afhayeenka ciidamada AMISOM, Col. Cali Aadan Xumad oo la hadlay warbaahinta ayaa sheegay inay ka shaqeynayaan sidii aanay Muqdisho mar kale uga dhici lahayn qaraxyo lagu dhibaateeyo shacabka Muqdisho.

8/3/2013 2:50 AM EST
Sabti, August 03, 2013 (HOL) — Madaxweeynaha jamhuuriyadda federaalka Soomaaliya Mudane Xasan Sheekh Max’uud iyo wafdi uu hogaaminayo ayaa maanta u ambabaxay magaalada Kampala ee dalka Uganda, halkaasoo uu uga qeybgali doono shirka madaxweeynayaasha wadamada ay ciidamada ka joogaan Soomaaliya.