4/17/2021
Today from Hiiraan Online:  _
Wararka Maanta- Talaado, Aug 27, 2013
Shir-weyne looga hadlayo dib u dhiska Soomaaliya iyo Hay'adaha Dowladda oo ka furmay Magaalada Addis Ababa



Talaado, August 27, 2013 (HOL) — Kulan wadatashi ah oo ku saabsan sidii loogu heli lahaa dhaqaale dib u dhiska Soomaaliya iyo sidii loo xoojin lahaa hay’adaha dowladda Soomaaliya ayaa ka furmay magaalada Addis Ababa ee dalka Itoobiya Isniintii shalay, sida ay baahisay wakaaladda  wararka dalka Itoobiya ee ENA.

Dajiraha Soomaaliya u fadhiya dalka Itoobiya, Axmed C/salaam Aadan oo ka hadlay xalaadda Soomaailya ayaa ka dalbaday bulshada caalamka inay sare u qaadaan isla markaana xoojiyaan taageerada dib u dhiska Soomaaliya.

“Beesha caalamka waa inay ka caawiso dowladda Soomaaliya dadaalka ay kusoo celinayso nabadda iyo haya’daha dowladdu ay noqdaan kuwo awood ahaan ka adag sida ay hadda yihiin,” ayuu yiri Axmed C/salaan.

Ururka Midowga Afrika iyo urur goboleedka IGAD ayaa dowladda Soomaaliya si dhow ugala shaqeynaya dib u soo celinta xasilloonida dalka iyo qorshaha lagu doonayo in dalka dib loogu dhiso.

Shirkan oo socon doona muddo saddex maalmood ah ayaa waxaa soo qaban-qaabiyay machad lagu magacaabo - Machadka dhaqaalaha iyo arrimaha bulshada ee geeska Afrika (HESPI).

Kulanka ayaa waxaa sidoo kale diiradda lagu saarayaa sidii si buuxda loogu fahmi lahaa xaaladaha adag ee xilligan hortaagan dib u soo kabashada dalka Soomaaliya iyo weliba sidii loo wajihi lahaa.

Xubnaha shirka ka qaybqaadanaya ayaa waxay isugu jiraan aqoonyahanno Soomaaliyeed iyo khuburo ka socda beesha calaamka oo ku takhasusay dib u dhiska dalalka ay colaaduhu ragaadiyeen, si ay shirka uga jeediyaan sida ugu wanaagsan ee dib loogu dhisi karo hay’adaha dowliga ah ee Soomaaliya.

Dhanka kale, waxaa la filayaa in shrka inta uu socdo laga doodo sidii loo heli lahaa guddi gaar ah oo daba-gal ku sameeya heshiiska ay galayaan Somalia iyo dalalka ay saxiibka yihiin. Iyadoo shirka uu soo xirmayo berry oo Arbaco ah.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/27/2013 2:06 PM EST
Talaado, August 27, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta ku dhawaaqay in 27-ka Ogoosto ay tahay maalinta xaquuqda aadanaha Soomaaliya, kaddib kulan maanta ka dhacay xafiiska ra’iisul wasaaraha, kaasoo lagu soo bandhigayay khariiradda geeddi socodka xaquuqda aadanaha Soomaaliya.

8/27/2013 1:32 PM EST
Talaado, August 27, 2013 (HOL) — Ugu yaraan shan askari ayaa ku dhintay tiro kalena way ku dhaawacmeen qaraxyo is-xig-xigay oo gellinkii dambe ee maanta lagula eegtay ciidammo ka tirsan kuwa dowladda Somalia xaafadda Caymiska ee degmada Yaaqshiid.

8/27/2013 1:30 PM EST
Talaado, August 27, 2013 (HOL) — Kulan ballaaran oo ay kasoo qayb-galeen qaybaha kala duwan ee ururada haweenka Soomaaliyeed ayaa maanta lagu qabtay Muqdisho, kaasoo lagu taageerayay go’aankii 22-kii bishan ay golaha wasiirradu ku dalbadeen in xayiraadda laga qaado ganacsade, Axmad Nuur Cali Jimcaale.

8/27/2013 9:07 AM EST
Talaado, August 27, 2013 (HOL) — Ra’iisul wasaare ku xigeenka Soomaaliya ahna wasiirka arrimaha dibadda iyo iskaashiga caalamiga ah Fowsiyo Yuusuf Xaaji Aadan ayaa shalay magaalada Beijing ee xarunta dalka Shiinaha kula kulantay ra’iisul wasaare ku xigeenka jamhuuriyada dadka Shiinaha, Wang Yan.

8/27/2013 8:56 AM EST
Talaado, August 27, 2013 (HOL) — Madaxweynaha Soomaaliya, Xasan Sheekh Maxamud ayaa maanta ku dhawaaqay in la aasaasay golaha amniga Qaranka Soomaaliyeed oo leh xogheyn gaar ah oo dabagal ku sameysa fulinta go’aannada golaha amniga Qaranka.

8/27/2013 8:32 AM EST
Talaado, August 27, 2013 (HOL) — Wasiirka Arimaha gudaha Somaliland Cali Maxamed WaranCade, ayaa digniin u diray maamul goboleedka Puntland ee Soomaaliya, isla markaana hawadda u mariyey in aanay soo farogalin xuduudda Somaliland.

8/27/2013 8:27 AM EST
Talaado, August 27, 2013 (HOL) — Maamulka gobolka Hiiraan ayaa ku guuleystay in ay kala qaadan maleeshiyo beelleed dagaal ku dhaxmaray deegaannka Deefoow oo 30-km dhinac W/qooyi kaga beegan magaalada Baladweyne ee gobolka Hiiraan kadib markii ay halkaa gaareen mas'uuliyiin ka tirsan maamulka oo ay wehliyaan saraakiil ciidan.

8/27/2013 3:35 AM EST
Talaado, August 27, 2013 (HOL) — Sarkaalka ugu sareeya howlgalka UN-ka ee arrimaha Soomaaliya, Nicholas Kay ayaa beesha caalamka iyo kuwa ka jira gobolka ugu baaqay inay Soomaaliya ka caawiyaan sidii ay cagaheeda isugu taagi lahayd mar kale.

8/27/2013 2:40 AM EST
Talaado, August 27, 2013 (HOL) — Afhayeenka guud ee ururka Al-shabaab, Sheekh Cali Maxamuud Raage (Sh. Cali Dheere) oo la hadlya warbaahinta afkooda ku hadasha ayaa sheegay in deegaannada ay ka taliyaan ay amni ahaan iyo nolol ahaan ka wanaagsan yihiin kuwa ay ka taliso dowladda.

8/27/2013 2:08 AM EST
Talaado, August 27, 2013 (HOL) — Dowladda Soomaaliya ayaa sheegtay in horraanta bisha September ee soo socota la qaban doono shirweyne Qaran oo socon doona muddo shan maalmood ah si bulshada looga qayb-geliyo siyaasadda dalka.