3/28/2024
Today from Hiiraan Online:  _
Wararka Maanta- Talaado, Aug 27, 2013
Xukuumada Soomaaliya oo 27-ka Ogoosto u aqoonsatay Maalinta Xaquuqul Aadanaha Waddanka Soomaaliya (SAWIRRO)


Talaado, August 27, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa maanta ku dhawaaqay in 27-ka Ogoosto ay tahay maalinta xaquuqda aadanaha Soomaaliya, kaddib kulan maanta ka dhacay xafiiska ra’iisul wasaaraha, kaasoo lagu soo bandhigayay khariiradda geeddi socodka xaquuqda aadanaha Soomaaliya.

Kulankan ayaa waxaa goob-joog ka ahaa wafdi heer caalami ah oo uu hor-kacayay khabiirka madaxa-bannaan ee arrimaha xaquuqul insaanka ee Soomaaliya, Dr. Shamsul Bari. Sidoo kale waxaa kasoo qaybgalay xubno ka socday baarlamaanka Soomaaliya, ururrada bulshada rayidka, haweenka iyo madaxda hay’adaha xuquuqda aadanaha.

Kulanka kaddib, waxaa shir aan caadi ahayn yeeshay golaha wasiirrada xukuumadda Soomaaliya, waxaana shir guddoominayay ra’iisul wasaare Cabdi Faarax Shirdoon Saacid, iyagoo isla eegay qorshahan geeddi-socodka xaquuqda aadanaha Soomaaliya, waxaana ay dood-dheer kaddib, ay isku raaceen in la dhaqan-geliyo qorshaha geeddi-socodka xaquuqda aadanaha Soomaaliya kaasoo socon doona muddo labo sano ah 2013-2015.

Ra’iisul wasaaraha Soomaaliya iyo Dr. Shamsul Bari oo shir jaraa’id oo si wadajir ah u qabtay ayaa isla qeexay in laga billaabo maanta uu yahay dhaqangal qorshahan geeddi-socodka xaquuqda aadanaha Soomaaliya.

“Maanta oo ay taariikhdu tahay 27-ka Agoosto waxaan iclaaminayaa inay tahay loona aqoonsado maalinta Qaran ee xaquuqda aadanaha Soomaaliya,” sidaa waxaa yiri ra’iisul wasaaraha Soomaaliya oo xusay in dawladdu ay mar kasta u taagan tahay difaaca iyo illaalinta xaquuqda aadanaha muwaadinka Soomaaliyeed, qorshahaanina uu ifinayo waddada loo marayo illaalintaas.

Sidoo kale, khabiirka madaxa-bannaan ee xaquuqul insaanka Soomaaliya, Dr. Shamsul Bari oo isna hadlay ayaa ku amaanay xukuumada Soomaliya sida wanaagsan ee ay uga shaqeysay ilaalinta xuquuqul insaanka; isagoo sheegay in muhiimaddooda ugu weyn ay tahay sidii loo ilaalin lahaa xuquuqda shacabka Soomaaliyeed loogana hortagi lahaa falalka tacadiga ee Jinsiga iyo aragtida qofka.

Dhanka kale, ra’iisu wasaare Saacid ayaa shahaado sharaf guddoonsiiyay Dr. Shamsul Bari iyo howlwadeenno dhanka xaquuqul insaanka Somalia howlo badan kasoo qabtay, wuxuuna uga mahadceliyay si gaar ah, Dr. Shamsul Bari geesinimadiisa iyo howl-karnimadiisa ku aaddan horumarinta arrimaha xaquuqul insaanka Soomaaliya.

Kulankan ayaa wuuxuu qayb ka ahaa kulammo isdaba-joog ahaa oo ay dowladda Soomaaliya ku horumarinayso xuquuqaha bini’aadamka, waxaana xusid mudan inay golaha wasiirraduu aqoon-sadeen maalinta Qaranka ee xuquuqda bini’aadamka Soomaaliya ee 27-ka Agoosto.










Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/27/2013 2:06 PM EST
Talaado, August 27, 2013 (HOL) — Kulan wadatashi ah oo ku saabsan sidii loogu heli lahaa dhaqaale dib u dhiska Soomaaliya iyo sidii loo xoojin lahaa hay’adaha dowladda Soomaaliya ayaa ka furmay magaalada Addis Ababa ee dalka Itoobiya Isniintii shalay, sida ay baahisay wakaaladda wararka dalka Itoobiya ee ENA.

8/27/2013 1:32 PM EST
Talaado, August 27, 2013 (HOL) — Ugu yaraan shan askari ayaa ku dhintay tiro kalena way ku dhaawacmeen qaraxyo is-xig-xigay oo gellinkii dambe ee maanta lagula eegtay ciidammo ka tirsan kuwa dowladda Somalia xaafadda Caymiska ee degmada Yaaqshiid.

8/27/2013 1:30 PM EST
Talaado, August 27, 2013 (HOL) — Kulan ballaaran oo ay kasoo qayb-galeen qaybaha kala duwan ee ururada haweenka Soomaaliyeed ayaa maanta lagu qabtay Muqdisho, kaasoo lagu taageerayay go’aankii 22-kii bishan ay golaha wasiirradu ku dalbadeen in xayiraadda laga qaado ganacsade, Axmad Nuur Cali Jimcaale.

8/27/2013 9:07 AM EST
Talaado, August 27, 2013 (HOL) — Ra’iisul wasaare ku xigeenka Soomaaliya ahna wasiirka arrimaha dibadda iyo iskaashiga caalamiga ah Fowsiyo Yuusuf Xaaji Aadan ayaa shalay magaalada Beijing ee xarunta dalka Shiinaha kula kulantay ra’iisul wasaare ku xigeenka jamhuuriyada dadka Shiinaha, Wang Yan.

8/27/2013 8:56 AM EST
Talaado, August 27, 2013 (HOL) — Madaxweynaha Soomaaliya, Xasan Sheekh Maxamud ayaa maanta ku dhawaaqay in la aasaasay golaha amniga Qaranka Soomaaliyeed oo leh xogheyn gaar ah oo dabagal ku sameysa fulinta go’aannada golaha amniga Qaranka.

8/27/2013 8:32 AM EST
Talaado, August 27, 2013 (HOL) — Wasiirka Arimaha gudaha Somaliland Cali Maxamed WaranCade, ayaa digniin u diray maamul goboleedka Puntland ee Soomaaliya, isla markaana hawadda u mariyey in aanay soo farogalin xuduudda Somaliland.

8/27/2013 8:27 AM EST
Talaado, August 27, 2013 (HOL) — Maamulka gobolka Hiiraan ayaa ku guuleystay in ay kala qaadan maleeshiyo beelleed dagaal ku dhaxmaray deegaannka Deefoow oo 30-km dhinac W/qooyi kaga beegan magaalada Baladweyne ee gobolka Hiiraan kadib markii ay halkaa gaareen mas'uuliyiin ka tirsan maamulka oo ay wehliyaan saraakiil ciidan.

8/27/2013 3:35 AM EST
Talaado, August 27, 2013 (HOL) — Sarkaalka ugu sareeya howlgalka UN-ka ee arrimaha Soomaaliya, Nicholas Kay ayaa beesha caalamka iyo kuwa ka jira gobolka ugu baaqay inay Soomaaliya ka caawiyaan sidii ay cagaheeda isugu taagi lahayd mar kale.

8/27/2013 2:40 AM EST
Talaado, August 27, 2013 (HOL) — Afhayeenka guud ee ururka Al-shabaab, Sheekh Cali Maxamuud Raage (Sh. Cali Dheere) oo la hadlya warbaahinta afkooda ku hadasha ayaa sheegay in deegaannada ay ka taliyaan ay amni ahaan iyo nolol ahaan ka wanaagsan yihiin kuwa ay ka taliso dowladda.

8/27/2013 2:08 AM EST
Talaado, August 27, 2013 (HOL) — Dowladda Soomaaliya ayaa sheegtay in horraanta bisha September ee soo socota la qaban doono shirweyne Qaran oo socon doona muddo shan maalmood ah si bulshada looga qayb-geliyo siyaasadda dalka.