4/17/2021
Today from Hiiraan Online:  _
Wararka Maanta- Talaado, Aug 27, 2013
Xukuumadda Somaliland oo ka hadashay Safarka Madaxweyne ku xigeenka Puntland uu ku yimid Magaalada Taleex


Talaado, August 27, 2013 (HOL) — Wasiirka Arimaha gudaha Somaliland Cali Maxamed WaranCade, ayaa digniin u diray maamul goboleedka Puntland ee Soomaaliya, isla markaana hawadda u mariyey in aanay soo farogalin xuduudda Somaliland.

Wasiirka Arimaha gudaha Somaliland Cali Maxamed Waran Cade, ayaa sheegay in wixii dhibaato ah ee ka yimaada arintaasi ay dusha ku qaadan doonaan madaxweyne ku xigeenka maamul goboleedka Puntland iyo ciidamadda uu wato.

“Waa xad-gudub qayrul-sharci ah oo uu kusoo xad-gudbay xuduudda Somaliland ninka sheeganaya madaxweyne ku xigeenka maamul goboleedka Puntland, arintaas  waxaanu u aragnaa mid khatar ku ah nabad galyada u dhaxaysa dawlada Somaliland iyo maamul goboleedka Puntland”ayuu yidhi wasiirka Arrimaha gudaha Somaliland Warancadde oo shirjaraa’id ku qabtay deegaanka God Heeli ee degmadda Oog  oo uu u joogo hawlo nabadeed, isla markaana uu  dhexdhexaadinayo laba beelood oo dhowaan ku dagaalamay deegaankaasi.

“Waxaanu u sheegaynaa madaxweyne ku xigeenka maamul goboleedka Puntland arintaasi inay tahay mid khatar ah, caalamkana waxaanu ugu baaqaynaa in wixii halkaas ka yimaada  ay dusha ku qaadan doonaan ninkaas soo xad gudbay iyo ciidamada uu wato, waxaanu imika heegan galinay ciidamada Somaliland wixii halkaas ka yimaadana waxa masuul ka ah ninkaas ku soo xadgudbay xuduuda Somaliland”ayuu raaciyey hadalkiisa.

Hadalkan wasiirka ka soo yeedhay, ayaa ka dambeeyey ka dib markii madaxweyne ku xigeenka Puntland shalay booqasho ku yimid degmadda Taleex ee gobolka Sool, halkaasi oo ka mid ah dhulka ay Somaliland iyo Puntland isku haystaan.

Dhinaca kale, dirirtii dhowaan ka dhacday deegaanka God haleeli ee labadda beelood isku laayey ayaa waxay wasiiradii iyo madax dhaqameedkii ka qaybgalay nabadeynta deegaankaasi isa soo hor fadhiiyeen labadii dhinac ee dagaalku dhexmaray, iyadoo qollo walba min konton qof laga dhaariyey, isla markaana wuxuu khasaare iyo dhimasho dhacayna loo kala tirsan lahaa.

Sidoo kale, waxa labadda dhinacba loo soo jeediyey in heshiish aan shuruud ku xidhnayn ay qaataan, isla markaana waxay labaddii dhinac isla qaateen in nabaddii dib loo soo celiyo ceeleeshii la isku laayeyna la wadaago.

Dagaalkan labadda beelood ayaa waxa ku dhintay illaa lix qof, toddoba kalana way ku dhaawacmeen ka dib markii ceel xoolaha lagu dhibeeyo la isku qabtay, isla markaana dagaal ka dhacay, haseyeeshee tan iyo intii loo gurmaday waxa deegaanka ka socda in labadda beelood ku heshiiyaan sidii ay u wada noolaan jireena ay u wada noolaadaan.

Barkhad-ladiif M. Cumar, Hiiraan Online
[email protected]
Hargeysa, Somaliland












Click here
8/27/2013 2:06 PM EST
Talaado, August 27, 2013 (HOL) — Kulan wadatashi ah oo ku saabsan sidii loogu heli lahaa dhaqaale dib u dhiska Soomaaliya iyo sidii loo xoojin lahaa hay’adaha dowladda Soomaaliya ayaa ka furmay magaalada Addis Ababa ee dalka Itoobiya Isniintii shalay, sida ay baahisay wakaaladda wararka dalka Itoobiya ee ENA.

8/27/2013 2:06 PM EST
Talaado, August 27, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta ku dhawaaqay in 27-ka Ogoosto ay tahay maalinta xaquuqda aadanaha Soomaaliya, kaddib kulan maanta ka dhacay xafiiska ra’iisul wasaaraha, kaasoo lagu soo bandhigayay khariiradda geeddi socodka xaquuqda aadanaha Soomaaliya.

8/27/2013 1:32 PM EST
Talaado, August 27, 2013 (HOL) — Ugu yaraan shan askari ayaa ku dhintay tiro kalena way ku dhaawacmeen qaraxyo is-xig-xigay oo gellinkii dambe ee maanta lagula eegtay ciidammo ka tirsan kuwa dowladda Somalia xaafadda Caymiska ee degmada Yaaqshiid.

8/27/2013 1:30 PM EST
Talaado, August 27, 2013 (HOL) — Kulan ballaaran oo ay kasoo qayb-galeen qaybaha kala duwan ee ururada haweenka Soomaaliyeed ayaa maanta lagu qabtay Muqdisho, kaasoo lagu taageerayay go’aankii 22-kii bishan ay golaha wasiirradu ku dalbadeen in xayiraadda laga qaado ganacsade, Axmad Nuur Cali Jimcaale.

8/27/2013 9:07 AM EST
Talaado, August 27, 2013 (HOL) — Ra’iisul wasaare ku xigeenka Soomaaliya ahna wasiirka arrimaha dibadda iyo iskaashiga caalamiga ah Fowsiyo Yuusuf Xaaji Aadan ayaa shalay magaalada Beijing ee xarunta dalka Shiinaha kula kulantay ra’iisul wasaare ku xigeenka jamhuuriyada dadka Shiinaha, Wang Yan.

8/27/2013 8:56 AM EST
Talaado, August 27, 2013 (HOL) — Madaxweynaha Soomaaliya, Xasan Sheekh Maxamud ayaa maanta ku dhawaaqay in la aasaasay golaha amniga Qaranka Soomaaliyeed oo leh xogheyn gaar ah oo dabagal ku sameysa fulinta go’aannada golaha amniga Qaranka.

8/27/2013 8:27 AM EST
Talaado, August 27, 2013 (HOL) — Maamulka gobolka Hiiraan ayaa ku guuleystay in ay kala qaadan maleeshiyo beelleed dagaal ku dhaxmaray deegaannka Deefoow oo 30-km dhinac W/qooyi kaga beegan magaalada Baladweyne ee gobolka Hiiraan kadib markii ay halkaa gaareen mas'uuliyiin ka tirsan maamulka oo ay wehliyaan saraakiil ciidan.

8/27/2013 3:35 AM EST
Talaado, August 27, 2013 (HOL) — Sarkaalka ugu sareeya howlgalka UN-ka ee arrimaha Soomaaliya, Nicholas Kay ayaa beesha caalamka iyo kuwa ka jira gobolka ugu baaqay inay Soomaaliya ka caawiyaan sidii ay cagaheeda isugu taagi lahayd mar kale.

8/27/2013 2:40 AM EST
Talaado, August 27, 2013 (HOL) — Afhayeenka guud ee ururka Al-shabaab, Sheekh Cali Maxamuud Raage (Sh. Cali Dheere) oo la hadlya warbaahinta afkooda ku hadasha ayaa sheegay in deegaannada ay ka taliyaan ay amni ahaan iyo nolol ahaan ka wanaagsan yihiin kuwa ay ka taliso dowladda.

8/27/2013 2:08 AM EST
Talaado, August 27, 2013 (HOL) — Dowladda Soomaaliya ayaa sheegtay in horraanta bisha September ee soo socota la qaban doono shirweyne Qaran oo socon doona muddo shan maalmood ah si bulshada looga qayb-geliyo siyaasadda dalka.