4/14/2021
Today from Hiiraan Online:  _
Wararka Maanta- Talaado, Aug 27, 2013
Maamulka Gobolka Hiiraan oo Xabad-joojin Dhex-dhigay beelo Dagaal uu ku dhex-maray duleedka Magaalada Baladweyne (SAWIRRO)



Talaado, August 27, 2013 (HOL) — Maamulka gobolka Hiiraan ayaa ku guuleystay in ay kala qaadan maleeshiyo beelleed dagaal ku dhaxmaray deegaannka Deefoow oo 30-km dhinac W/qooyi kaga beegan magaalada Baladweyne ee gobolka Hiiraan kadib markii ay halkaa gaareen mas'uuliyiin ka tirsan maamulka oo ay wehliyaan saraakiil ciidan.

C/llaahi Barre oo ka mid ah saraakiisha ciidamada maamulka gobolka ee tagtay deegaanka lagu dirray oo la hadllay HOL ayaa sheegay in ay xabad joojin kala dhax-dhigeen beelihii halkaa ku dagaallamay, islamarkaana ku guuleysteen in ay kala qaadaan maleeshiyadii uu iska horimaadku dhaxmaray.

“Markii aan tagnay deegaannka Deefoow ugu horeynba xooga saarnay joojinta dagaalka, waxaan kala qaadnay maleeshiyaadii uu iska horimaadku dhaxmaray, sidoo kalana labada dhinac waxaa ugu baaqnay in ay xabad joojiyaan, waana naga aqballeen,'' ayuu yiri C/llaahi Barre.

Waxaa uu intaa ku darray in ay la soo wareegeen hub sida uu sheegay lagu kala furtay dagaallka oo gacanta ugu jiray maleeshiyaadka uu iska horimaadku dhaxmaray, isaga oo intaa raaciyay in odayaasha iyo waxgaradka labada dhinac kula balleen in wixii khilaaaf ah ee jira lagu dhameeyo wada hadal.

“Waxaa jira hub lagu kala furtay dagaallka, waan la soo wareegnay hubkaa, maamulka ayaana hadda gacanta ku haya, waxaana ku war-galinay labada dhinac in khilaaf kasta oo jira lagu dhameeyo wada hadal, dad dhintay ayaa jira, hanti la kala qaatay ayaa jirta, waxaas oo dhan waxaa laga wada hadllayaa marka labada dhinac isa soo hor fariistaan, inta ka horeysan waxaa ku ballannay in la joojiyo dagaalka iyo gacan hadalka,'' ayuu yiri C/llaahi Barre.

Dagaalka ka dhacay deegaannka Deefoow ayaa salka ku hayay muran la xiriira dhul beereed leysku qabsaday, kaa oo sababay dhimashada ilaa shan ruux oo ka kala tirsan dhinacyadii ay diritrtu dhaxmartay.

Guddoomiyaha maamulka gobolka Hiiraan Cabdi Faarax Laqanyo ayaa horay u digay dagaal beelleedyada ka dhaca deegaannada gobolka Hiiraan, isaga oo ku baaqay in wax kasta oo jira lagu dhameeyo wada hadal.


C/raxmaan Diini, Hiiraan Online
[email protected]
Baladweyne, Soomaaliya












Click here
8/27/2013 2:06 PM EST
Talaado, August 27, 2013 (HOL) — Kulan wadatashi ah oo ku saabsan sidii loogu heli lahaa dhaqaale dib u dhiska Soomaaliya iyo sidii loo xoojin lahaa hay’adaha dowladda Soomaaliya ayaa ka furmay magaalada Addis Ababa ee dalka Itoobiya Isniintii shalay, sida ay baahisay wakaaladda wararka dalka Itoobiya ee ENA.

8/27/2013 2:06 PM EST
Talaado, August 27, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta ku dhawaaqay in 27-ka Ogoosto ay tahay maalinta xaquuqda aadanaha Soomaaliya, kaddib kulan maanta ka dhacay xafiiska ra’iisul wasaaraha, kaasoo lagu soo bandhigayay khariiradda geeddi socodka xaquuqda aadanaha Soomaaliya.

8/27/2013 1:32 PM EST
Talaado, August 27, 2013 (HOL) — Ugu yaraan shan askari ayaa ku dhintay tiro kalena way ku dhaawacmeen qaraxyo is-xig-xigay oo gellinkii dambe ee maanta lagula eegtay ciidammo ka tirsan kuwa dowladda Somalia xaafadda Caymiska ee degmada Yaaqshiid.

8/27/2013 1:30 PM EST
Talaado, August 27, 2013 (HOL) — Kulan ballaaran oo ay kasoo qayb-galeen qaybaha kala duwan ee ururada haweenka Soomaaliyeed ayaa maanta lagu qabtay Muqdisho, kaasoo lagu taageerayay go’aankii 22-kii bishan ay golaha wasiirradu ku dalbadeen in xayiraadda laga qaado ganacsade, Axmad Nuur Cali Jimcaale.

8/27/2013 9:07 AM EST
Talaado, August 27, 2013 (HOL) — Ra’iisul wasaare ku xigeenka Soomaaliya ahna wasiirka arrimaha dibadda iyo iskaashiga caalamiga ah Fowsiyo Yuusuf Xaaji Aadan ayaa shalay magaalada Beijing ee xarunta dalka Shiinaha kula kulantay ra’iisul wasaare ku xigeenka jamhuuriyada dadka Shiinaha, Wang Yan.

8/27/2013 8:56 AM EST
Talaado, August 27, 2013 (HOL) — Madaxweynaha Soomaaliya, Xasan Sheekh Maxamud ayaa maanta ku dhawaaqay in la aasaasay golaha amniga Qaranka Soomaaliyeed oo leh xogheyn gaar ah oo dabagal ku sameysa fulinta go’aannada golaha amniga Qaranka.

8/27/2013 8:32 AM EST
Talaado, August 27, 2013 (HOL) — Wasiirka Arimaha gudaha Somaliland Cali Maxamed WaranCade, ayaa digniin u diray maamul goboleedka Puntland ee Soomaaliya, isla markaana hawadda u mariyey in aanay soo farogalin xuduudda Somaliland.

8/27/2013 3:35 AM EST
Talaado, August 27, 2013 (HOL) — Sarkaalka ugu sareeya howlgalka UN-ka ee arrimaha Soomaaliya, Nicholas Kay ayaa beesha caalamka iyo kuwa ka jira gobolka ugu baaqay inay Soomaaliya ka caawiyaan sidii ay cagaheeda isugu taagi lahayd mar kale.

8/27/2013 2:40 AM EST
Talaado, August 27, 2013 (HOL) — Afhayeenka guud ee ururka Al-shabaab, Sheekh Cali Maxamuud Raage (Sh. Cali Dheere) oo la hadlya warbaahinta afkooda ku hadasha ayaa sheegay in deegaannada ay ka taliyaan ay amni ahaan iyo nolol ahaan ka wanaagsan yihiin kuwa ay ka taliso dowladda.

8/27/2013 2:08 AM EST
Talaado, August 27, 2013 (HOL) — Dowladda Soomaaliya ayaa sheegtay in horraanta bisha September ee soo socota la qaban doono shirweyne Qaran oo socon doona muddo shan maalmood ah si bulshada looga qayb-geliyo siyaasadda dalka.