4/17/2021
Today from Hiiraan Online:  _
Wararka Maanta- Talaado, Aug 27, 2013
Ergayga Qaramada Midoobay ee Arrimaha Somalai oo ku baaqay in Somalia la Taageero si ay Cagaheeda ugu Istaagto



Talaado, August 27, 2013 (HOL) — Sarkaalka ugu sareeya howlgalka UN-ka ee arrimaha Soomaaliya, Nicholas Kay ayaa beesha caalamka iyo kuwa ka jira gobolka ugu baaqay inay Soomaaliya ka caawiyaan sidii ay cagaheeda isugu taagi lahayd mar kale.

Ergayga oo ka hadlayay shirkii 392-aad ee ay yeeshaan golaha ammaanka iyo nabadgalyada Midowga Afrika ee Itoobiya ka dhacay ayaa sheegay inay dhici doonto in Soomaaliya wax horumar ah sameyn weydo haddii aan laga tagaeerin waxyaabaha ay u baahan tahay.

“Soomaaliya horumarro badan ayaa laga sameeyay, laakiin ujeeddooyinkii la filayo lama gaarayo haddii aanan si wadajir ah u kordhin dadaalkeenna ku aaddan Soomaaliya,” ayuu yiri Kay.

Horumarrada laga ayaa yimid wixii ka dambeeyay 2011 markaasoo ururka Al-shabaab ay isaga baxeen degmooyinka magaalada Muqdisho, sidoo kale sannadkii hore markii la dhisay dowladda joogtada ah ee Soomaaliya waxaa jiray horumarro ay sameysay inkastoo aanay ku guuleysan inay halkii laga filayay Soomaaliya ay gaarsiiso.

Nicholas Kay wuxuu hoosta ka xarriiqay in dowladda Soomaaliya ee hadda jirta ay gaartay horumarro la taaban karo tan iyo sannadkii hore markii la dhisay. Sidoo kalena baarlamaanku uu meel-mariyay guddi dib u eegis ku sameeya dastuurka KMG ah, kuwaasoo ay ku jiraan bulshada rayidka ah iyo sharci-yaqaanno.

“Wadjir u shaqeynayteennii waxay sababtay inaan ku guuleysanno arrimo badan oo runtii aan rumeysanahay inay gacan ka geysanayaan dib u dhiska iyo nabad soo celinta Soomaaliya,” ayuu Kay yiri. “Waa inaanan lumen inaan diiradda saarno dadaallada aan ku caawinayno Soomaaliya xilligan adag ee lagu jiro.”

Dhanka kale, wuxuu ka hadlay howlgalka ciidamada Midowga Afrika AMISOM ee ku sugan Soomaaliya, isagoo sheegay inay horumarro ka gaareen dagaalka ay kula jiraan Al-shabaab, sidoo kalena ay gacan ka geysteen sidii ay howlo bani’aadamnimo uga fulin lahaayeen gudaha Soomaaliya.

“Qaramada Midoobay waxay si wadajir ah ugala shaqeynaysaa Midowga Afrika iyo dowladda federaalka Soomaaliya, gaar ahaan sidii nabadda iyo horumarka dalka horumar looga sameyn lahaa,” ayuu Kay mar kale yiri. “Sidoo kale waxaan rajeynayaa inaan horumar la taaban karo ka sameyno dib u habeynta iyo tayeynta ciidamada xoogga Soomaaliya.”

Ergaygu wuxuu sidoo kale tilmaamay in AMISOM ay sii wadayso taageerada ay siinayso dowladda Soomaaliya, sidoo kalena ay ka shaqeynayso xoojinta hay’adaha dowladda, sida hirgelinta cadaaladda.

Ugu dambeyn, wakiilka Qaramada Midoobay ee Soomaaliya wuxuu sheegay in taageerada ay bixinayaan aysan noqon mid ku kooban caasimadda dalka Soomaaliya oo keliya, balse diiradda la saaro gobollada, sida wadahadallada lagula jiro Somaliland, doorashooyinka Puntland iyo kuwo kale.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/27/2013 2:06 PM EST
Talaado, August 27, 2013 (HOL) — Kulan wadatashi ah oo ku saabsan sidii loogu heli lahaa dhaqaale dib u dhiska Soomaaliya iyo sidii loo xoojin lahaa hay’adaha dowladda Soomaaliya ayaa ka furmay magaalada Addis Ababa ee dalka Itoobiya Isniintii shalay, sida ay baahisay wakaaladda wararka dalka Itoobiya ee ENA.

8/27/2013 2:06 PM EST
Talaado, August 27, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta ku dhawaaqay in 27-ka Ogoosto ay tahay maalinta xaquuqda aadanaha Soomaaliya, kaddib kulan maanta ka dhacay xafiiska ra’iisul wasaaraha, kaasoo lagu soo bandhigayay khariiradda geeddi socodka xaquuqda aadanaha Soomaaliya.

8/27/2013 1:32 PM EST
Talaado, August 27, 2013 (HOL) — Ugu yaraan shan askari ayaa ku dhintay tiro kalena way ku dhaawacmeen qaraxyo is-xig-xigay oo gellinkii dambe ee maanta lagula eegtay ciidammo ka tirsan kuwa dowladda Somalia xaafadda Caymiska ee degmada Yaaqshiid.

8/27/2013 1:30 PM EST
Talaado, August 27, 2013 (HOL) — Kulan ballaaran oo ay kasoo qayb-galeen qaybaha kala duwan ee ururada haweenka Soomaaliyeed ayaa maanta lagu qabtay Muqdisho, kaasoo lagu taageerayay go’aankii 22-kii bishan ay golaha wasiirradu ku dalbadeen in xayiraadda laga qaado ganacsade, Axmad Nuur Cali Jimcaale.

8/27/2013 9:07 AM EST
Talaado, August 27, 2013 (HOL) — Ra’iisul wasaare ku xigeenka Soomaaliya ahna wasiirka arrimaha dibadda iyo iskaashiga caalamiga ah Fowsiyo Yuusuf Xaaji Aadan ayaa shalay magaalada Beijing ee xarunta dalka Shiinaha kula kulantay ra’iisul wasaare ku xigeenka jamhuuriyada dadka Shiinaha, Wang Yan.

8/27/2013 8:56 AM EST
Talaado, August 27, 2013 (HOL) — Madaxweynaha Soomaaliya, Xasan Sheekh Maxamud ayaa maanta ku dhawaaqay in la aasaasay golaha amniga Qaranka Soomaaliyeed oo leh xogheyn gaar ah oo dabagal ku sameysa fulinta go’aannada golaha amniga Qaranka.

8/27/2013 8:32 AM EST
Talaado, August 27, 2013 (HOL) — Wasiirka Arimaha gudaha Somaliland Cali Maxamed WaranCade, ayaa digniin u diray maamul goboleedka Puntland ee Soomaaliya, isla markaana hawadda u mariyey in aanay soo farogalin xuduudda Somaliland.

8/27/2013 8:27 AM EST
Talaado, August 27, 2013 (HOL) — Maamulka gobolka Hiiraan ayaa ku guuleystay in ay kala qaadan maleeshiyo beelleed dagaal ku dhaxmaray deegaannka Deefoow oo 30-km dhinac W/qooyi kaga beegan magaalada Baladweyne ee gobolka Hiiraan kadib markii ay halkaa gaareen mas'uuliyiin ka tirsan maamulka oo ay wehliyaan saraakiil ciidan.

8/27/2013 2:40 AM EST
Talaado, August 27, 2013 (HOL) — Afhayeenka guud ee ururka Al-shabaab, Sheekh Cali Maxamuud Raage (Sh. Cali Dheere) oo la hadlya warbaahinta afkooda ku hadasha ayaa sheegay in deegaannada ay ka taliyaan ay amni ahaan iyo nolol ahaan ka wanaagsan yihiin kuwa ay ka taliso dowladda.

8/27/2013 2:08 AM EST
Talaado, August 27, 2013 (HOL) — Dowladda Soomaaliya ayaa sheegtay in horraanta bisha September ee soo socota la qaban doono shirweyne Qaran oo socon doona muddo shan maalmood ah si bulshada looga qayb-geliyo siyaasadda dalka.