3/28/2024
Today from Hiiraan Online:  _
Wararka Maanta- Isniin, Aug 26, 2013
Ciidammo Fara badan oo Itoobiyaan ah oo Dhaq-dhaqaaqyo Ciidan kawada Degmada Balad-xaawo ee Gobolka Gedo

Isniin, August 26, 2013 (HOL) — Ciidammo Itoobiyaan ah oo Khamiistii lasoo dhaafay gaarya degmada Balad-xaawo ee gobolka Gedo oo ku dhow xadka u dhexeeya Soomaaliya iyo Kenya ayaa halkaas ka billaabay dhaqdhaqaaq ciidan.

Suxufi ku sugan degmada Balad-xaawo oo la hadlay VOA-da ayaa sheegay in ciidamada Itoobiya oo gaadiid wata lagu arkayo waddooyinka degmadaas, iyadoo aan la ogeyn ujeedka dhabta ah ee ay ka leeyihiin gaarista degmada Balad-xaawo.

“Ciidamadu waxay la kulmeen saraakiisha ciidamada iyo mas’uuliyiinta kala duwan ee maamulka, mana jiraan wax kasoo baxay kulammadaas,” ayuu u sheegay wariyaha idaacadda VOA-da laanteeda afka Soomaaliga.

Wariyuhu wuxuu sheegay in dadweynaha degmada la isugu yeeray barxad weyn oo ku dhow saldhigga booliiska degmada iyadoo saraakiisha Itoobiya ay ka dalbadeen dadweynaha degmadaas inay ka shaqeeyaan ammaanka guud ee degmada.

Sidoo kale, ciidamadii dowladda ee ku sugnaa degmada Balad-xaawo ayaa intoodii badnayd waxay aadeen degmada Garbahaarey, iyadoo aan faah-faahin laga bixin sababta keentay in ciidamada dowladda degmadaas laga diro.

Arrintan ayaa waxay kusoo beegmaysaa xilli magaalada Addis Ababa uu uga socdo shir dowladda Soomaaliya iyo maamulka Jubbaland, kaasoo lagu wado inay ku xalliyaan khilaafaadyo u dhexeeya labadan dhinac, kuwaasoo ay ka mid yihiin muranka siyaasadeed ee ka dhashay  dhismaha Jubbaland.

Degmada Balad-xaawo oo ku dhow degmada Baladxaawo ee gobolka Gedo ayaa waxaa muddo sannado ah gacanta ku haya ciidammo taabacsan dowladda Soomaaliya, inkastoo dhowr jeer ay Al-shabaab weerarro khasaare  geystay ku qaadday.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/26/2013 1:37 PM EST
Isniin, August 26, 2013 (HOL) — Howlgallo lagu soo qab-qabtay xubno Al-shabaab ka tirsan iyo hub fara badan ayaa waxaa maanta ciidamada dowladdu ay ka sameeyeen degmada Baydhabo ee xarunta gobolka Bay.

8/26/2013 1:36 PM EST
Isniin, August 26, 2013 (HOL) — Xoogag taabacsan Xarakada Al-shabaab ayaa maanta si nabadgalyo ah kula wareegay gacan ku haynta deegaanka Qurac-joome oo ka tirsan gobolka Bakool, halkaasoo uu ka jiray maamul hoos-taga dowladda Soomaaliya.

8/26/2013 1:34 PM EST
Isniin, August 26, 2013 (HOL) — Guddoonka baarlamaanka federaalka Soomaaliya ayaa si rasmi ah ugu dhawaaqay xiliga uu furmayo kal-fadhigga saddexaad ee golaha shacabka, kaasoo socon doona afarta bilood ee soo socota.

8/26/2013 12:17 PM EST
Isniin, August 26, 2013 (HOL) — Degmada Taleex ee gobolka Sool waxaa maanta gaarey wefdi ballaaran oo uu horkacayo madaxweyne ku-xigeenka Puntland Jen. C/samed Cali Shire.

8/26/2013 12:02 PM EST
Isniin, August 26, 2013 (HOL) — Kulan ay maanta isugu yimaadeen wasiirka amniga, wasiirka howlaha guud iyo gaadiidka iyo taliyaha booliska Puntland ayaa laga soo saaray ammaro la xiriira nabadgelyada waddooyinka Puntland.

8/26/2013 8:39 AM EST
Isniin, August 26, 2013 (HOL) — Wasaaradda arrimaha gudaha iyo amniga ayaa shacabka Soomaaliyeed ugu baaqay inay ka qaybqaataan sugidda ammaanka, horumarinta adeegyada bulshada iyo inay bixiyaan canshuuraha.

8/26/2013 8:16 AM EST
Isniin, August 26, 2013 (HOL) — Madaxweynaha Puntland C/raxmaan Sheekh Maxamed (Faroole) iyo wefdi uu horkacayo ayaa maanta ka dhoofay garoonka diyaaradaha ee magaalada Garoowe. Wefdiga madaxweynaha ayaa ku wajahan magaalada Nairobi ee xarunta dalka Kenya.

8/26/2013 3:32 AM EST
Isniin, August 26, 2013 (HOL) — Abaanduulihii hore ee ciidamada xoogga dalka, Jen. C/kariin Yuusuf Aadan (Dhega-badan) ayaa ugu baaqay taliska ciidamada xooga dalka Soomaaliyeed inay cadaalada horkeennaan cidii ka dambeysay dilka taliyihii guutada labaad ee ciidamada xooga, Col. Cali Guure Afdhuub oo shalay lagu aasay magaalada Muqdisho.

8/26/2013 3:22 AM EST
Isniin, August 26, 2013 (HOL) — Dowladda Soomaaliya ayaa shaacisay inay heshay illaa afar diyaaradood oo ay ku howl-gelineyso shirkadii diyaaradaha Soomaaliyeed ee Somali Airline, kaddib muddo 22-sano ah, taasoo ku tegi doonta dalalka caalamka duulimaadyo kala duwan.

8/26/2013 3:09 AM EST
Isniin, August 26, 2013 (HOL) — Madaxwene ku xigeenka maamulka Puntland, Jen. C/samad Cali Shire ayaa la sheegay inuu u ambabaaxay magaalada Taleex ee gobolka Sool, halkaasoo ay ka taagan yihiin kacdoono laga soo horjeedo imaanshihiisa.

8/26/2013 3:06 AM EST
Isniin, August 26, 2013 (HOL) — Xuseen Samatar, ahaa shaqsigii ugu horreeyey oo Soomaali ah oo loo doorto in uu xubin ka noqdo guddiga maamula iskuullada waxbarashada magaaladda Minneapolis ee gobolka Minnesota, ayaa shalay galinkii dambe geeriyooday, kaddib markii uu muddo la xanuunsanayey cudurka Kansarka oo dhuuxa ka haleelay [leukemia], sida ay HOL u xaqiijiyeen dad ku dhow-dhow.