4/17/2021
Today from Hiiraan Online:  _
Wararka Maanta- Isniin, Aug 26, 2013
Howlgallo lagu soo Qab-qabtay Hub iyo Xubno ka Tirsan Al-shabaab oo laga sameeyay Magaalada Baydhabo ee Gobolka Bay


Isniin, August 26, 2013 (HOL) — Howlgallo lagu soo qab-qabtay xubno Al-shabaab ka tirsan iyo hub fara badan ayaa waxaa maanta ciidamada dowladdu ay ka sameeyeen degmada Baydhabo ee xarunta gobolka Bay.

Xubnaha ka tirsan Al-shabaab ee lagu soo qabqbatay howlgalladan ayaa waxay tiradoodu ahayd siddeed qof, kuwaasoo qaarkood ay warbaahinta u sheegeen inay la shaqeeyaan Al-shabaab ayna qorsheynayeen inay degmada Baydhabo qaraxyo ka sameeyaan.

“Magaceygu waa Mustaf waxaan la shaqeyaa Al-shabaab, qorshahayguna wuxuu ahaa inaan falal ammaan-darro ka geysto Baydhabo,” ayuu yiri mid ka mid ah dhallinyaradii lasoo qabtay oo warbaahinta la hadlay.

Taliyaha booliiska gobolka Bay, Col. Mahad Cabdiraxmaan oo isaguna warbaahinta la hadlay ayaa sheegay in howlgallo ballaaran oo ay ciidamadu sameeyeen ay kusoo qabqabteen dhallinyaradan oo Al-shabaab ka tirsan.

“Dhallinyaradan aad arkaysaan oo da’doodu labaatan jirro tahay, waxaa loo soo dhiibay bambooyin waxaana lagu yiri dila waalidkiin, waxaana la yaabay sida ay u ogolaadeen. Waxaana lasoo qabtay iyagoo ku gudo-jira qorshayaal ay amniga wax ugu dhimayaan,” ayuu yiri taliyaha booliiska gobolka Bay.

Sidoo kale, taliyuhu wuxuu sheegay in howlgalka lagu soo qabqabtay hub kala duwan, dhallinyarada ka tirsan Al-shabaabna la geyn doono sharciga wixii uu ku xukumana lagu fulin doono.

Dhanka kale, taliyuhu wuxuu sheegay in howlgalka lagu soo qabtay hub isugu jira, 20 bambaano gacmeed ah, sagaal miinooyinka dhulka lagu aaso ah, 30-rumuud iyo 90-bastooladoo, kuwaasoo loogu talogalay in ammaanka degmada Baydhabo lagu waxyeelleeyo.

Guddoomiye ku xigeenka maamulka gobolkay Bay ee dowladda Soomaaliya ahna ku simaha guddoomiyaha Shiine Macallin Nuuroow ayaa sheegay inuu ahaa howgalkan kii ugu barllaarnaa oo dhawaanahan laga sameeyo degmada Baydhabo.

Howlgalkan ayaa kusoo beegmaya iyadoo lagu wado in degamda Baydhabo ay maalmaha soo socda booqasho ku tagaan mas’uuliyiin sarsare oo ka tirsan dowladda Soomaaliya, kuwaasoo laga xusi karo guddoomiyaha golaha shacabka, Prof. Maxamed Sheekh Cismaan Jawaari.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/26/2013 1:38 PM EST
Isniin, August 26, 2013 (HOL) — Ciidammo Itoobiyaan ah oo Khamiistii lasoo dhaafay gaarya degmada Balad-xaawo ee gobolka Gedo oo ku dhow xadka u dhexeeya Soomaaliya iyo Kenya ayaa halkaas ka billaabay dhaqdhaqaaq ciidan.

8/26/2013 1:36 PM EST
Isniin, August 26, 2013 (HOL) — Xoogag taabacsan Xarakada Al-shabaab ayaa maanta si nabadgalyo ah kula wareegay gacan ku haynta deegaanka Qurac-joome oo ka tirsan gobolka Bakool, halkaasoo uu ka jiray maamul hoos-taga dowladda Soomaaliya.

8/26/2013 1:34 PM EST
Isniin, August 26, 2013 (HOL) — Guddoonka baarlamaanka federaalka Soomaaliya ayaa si rasmi ah ugu dhawaaqay xiliga uu furmayo kal-fadhigga saddexaad ee golaha shacabka, kaasoo socon doona afarta bilood ee soo socota.

8/26/2013 12:17 PM EST
Isniin, August 26, 2013 (HOL) — Degmada Taleex ee gobolka Sool waxaa maanta gaarey wefdi ballaaran oo uu horkacayo madaxweyne ku-xigeenka Puntland Jen. C/samed Cali Shire.

8/26/2013 12:02 PM EST
Isniin, August 26, 2013 (HOL) — Kulan ay maanta isugu yimaadeen wasiirka amniga, wasiirka howlaha guud iyo gaadiidka iyo taliyaha booliska Puntland ayaa laga soo saaray ammaro la xiriira nabadgelyada waddooyinka Puntland.

8/26/2013 8:39 AM EST
Isniin, August 26, 2013 (HOL) — Wasaaradda arrimaha gudaha iyo amniga ayaa shacabka Soomaaliyeed ugu baaqay inay ka qaybqaataan sugidda ammaanka, horumarinta adeegyada bulshada iyo inay bixiyaan canshuuraha.

8/26/2013 8:16 AM EST
Isniin, August 26, 2013 (HOL) — Madaxweynaha Puntland C/raxmaan Sheekh Maxamed (Faroole) iyo wefdi uu horkacayo ayaa maanta ka dhoofay garoonka diyaaradaha ee magaalada Garoowe. Wefdiga madaxweynaha ayaa ku wajahan magaalada Nairobi ee xarunta dalka Kenya.

8/26/2013 3:32 AM EST
Isniin, August 26, 2013 (HOL) — Abaanduulihii hore ee ciidamada xoogga dalka, Jen. C/kariin Yuusuf Aadan (Dhega-badan) ayaa ugu baaqay taliska ciidamada xooga dalka Soomaaliyeed inay cadaalada horkeennaan cidii ka dambeysay dilka taliyihii guutada labaad ee ciidamada xooga, Col. Cali Guure Afdhuub oo shalay lagu aasay magaalada Muqdisho.

8/26/2013 3:22 AM EST
Isniin, August 26, 2013 (HOL) — Dowladda Soomaaliya ayaa shaacisay inay heshay illaa afar diyaaradood oo ay ku howl-gelineyso shirkadii diyaaradaha Soomaaliyeed ee Somali Airline, kaddib muddo 22-sano ah, taasoo ku tegi doonta dalalka caalamka duulimaadyo kala duwan.

8/26/2013 3:09 AM EST
Isniin, August 26, 2013 (HOL) — Madaxwene ku xigeenka maamulka Puntland, Jen. C/samad Cali Shire ayaa la sheegay inuu u ambabaaxay magaalada Taleex ee gobolka Sool, halkaasoo ay ka taagan yihiin kacdoono laga soo horjeedo imaanshihiisa.

8/26/2013 3:06 AM EST
Isniin, August 26, 2013 (HOL) — Xuseen Samatar, ahaa shaqsigii ugu horreeyey oo Soomaali ah oo loo doorto in uu xubin ka noqdo guddiga maamula iskuullada waxbarashada magaaladda Minneapolis ee gobolka Minnesota, ayaa shalay galinkii dambe geeriyooday, kaddib markii uu muddo la xanuunsanayey cudurka Kansarka oo dhuuxa ka haleelay [leukemia], sida ay HOL u xaqiijiyeen dad ku dhow-dhow.