3/29/2024
Today from Hiiraan Online:  _
Wararka Maanta- Isniin, Aug 26, 2013
Xoogag Taabacsan Kooxda Al-shabaab oo si Nabad-galyo ah kula Wareegay Deegaanka Qurac-Joome ee Gobolka Bakool

Isniin, August 26, 2013 (HOL) — Xoogag taabacsan Xarakada Al-shabaab ayaa maanta si nabadgalyo ah kula wareegay gacan ku haynta deegaanka Qurac-joome oo ka tirsan gobolka Bakool, halkaasoo uu ka jiray maamul hoos-taga dowladda Soomaaliya.

Ciidamadii dowladda Soomaaliya ee ku sugnaa deegaankaas iyo xubihii maamulka deegaankaas ayaa isaga baxay degmadaas markii ay maqleen inay kusoo wajahan yihiin xoogag taabacsan Al-shabaab.

Goobjoogayaal ku sugan deegaanka Qurac-joome ayaa saxaafadda u sheegay in xoogagga Al-shabaab ay gudaha deegaankaas ku dileen saddex qof oo ay ku eedeeyeen inay la shaqeynayeen maamulkii dowladda ee halkaas ka jiray.

La wareegista deegaankan ayaa wuxuu kusoo beegmayaa xilli ay dagaallo dhowr ah ka dhaceen toddobaadyadii lasoo dhaafay gobolka Bakool, kuwaa oo ay maamulka gobolka Bay ee dowladda Somalia ku sheegeen inay kula wareegayaan deegaannada gobolkaas ee ay Al-shabaab ka taliso.

Xarakada Al-shabaab ayaa guul ku tilmaantay la wareegista ay sida nabad-galyada kula wareegeen maanta deegaanka Qurac-joome, waxaana xubno ka tirsan ay sheegeen in qorshahoodu uu yahay inay la wareegaan gobolka oo dhan.

Maamulka gobolka Bakool ee dowladda Soomaaliya ayaa billowgii sannadkan lagala wareegay degmada Xudur ee xarunta gobolka Bakool, kaddib markii ay isaga baxeen halkaas ciidamadii Itoobiya ee ku sugnaa.

Kooxda Al-shabaab oo ah xiriir dhow la leh ururka Al-Qaacida dagaalna kula jirta dowladda Soomaaliya ayaa ka talisa deegaanno ku yaalla bartamaha iyo Koonfurta Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/26/2013 1:38 PM EST
Isniin, August 26, 2013 (HOL) — Ciidammo Itoobiyaan ah oo Khamiistii lasoo dhaafay gaarya degmada Balad-xaawo ee gobolka Gedo oo ku dhow xadka u dhexeeya Soomaaliya iyo Kenya ayaa halkaas ka billaabay dhaqdhaqaaq ciidan.

8/26/2013 1:37 PM EST
Isniin, August 26, 2013 (HOL) — Howlgallo lagu soo qab-qabtay xubno Al-shabaab ka tirsan iyo hub fara badan ayaa waxaa maanta ciidamada dowladdu ay ka sameeyeen degmada Baydhabo ee xarunta gobolka Bay.

8/26/2013 1:34 PM EST
Isniin, August 26, 2013 (HOL) — Guddoonka baarlamaanka federaalka Soomaaliya ayaa si rasmi ah ugu dhawaaqay xiliga uu furmayo kal-fadhigga saddexaad ee golaha shacabka, kaasoo socon doona afarta bilood ee soo socota.

8/26/2013 12:17 PM EST
Isniin, August 26, 2013 (HOL) — Degmada Taleex ee gobolka Sool waxaa maanta gaarey wefdi ballaaran oo uu horkacayo madaxweyne ku-xigeenka Puntland Jen. C/samed Cali Shire.

8/26/2013 12:02 PM EST
Isniin, August 26, 2013 (HOL) — Kulan ay maanta isugu yimaadeen wasiirka amniga, wasiirka howlaha guud iyo gaadiidka iyo taliyaha booliska Puntland ayaa laga soo saaray ammaro la xiriira nabadgelyada waddooyinka Puntland.

8/26/2013 8:39 AM EST
Isniin, August 26, 2013 (HOL) — Wasaaradda arrimaha gudaha iyo amniga ayaa shacabka Soomaaliyeed ugu baaqay inay ka qaybqaataan sugidda ammaanka, horumarinta adeegyada bulshada iyo inay bixiyaan canshuuraha.

8/26/2013 8:16 AM EST
Isniin, August 26, 2013 (HOL) — Madaxweynaha Puntland C/raxmaan Sheekh Maxamed (Faroole) iyo wefdi uu horkacayo ayaa maanta ka dhoofay garoonka diyaaradaha ee magaalada Garoowe. Wefdiga madaxweynaha ayaa ku wajahan magaalada Nairobi ee xarunta dalka Kenya.

8/26/2013 3:32 AM EST
Isniin, August 26, 2013 (HOL) — Abaanduulihii hore ee ciidamada xoogga dalka, Jen. C/kariin Yuusuf Aadan (Dhega-badan) ayaa ugu baaqay taliska ciidamada xooga dalka Soomaaliyeed inay cadaalada horkeennaan cidii ka dambeysay dilka taliyihii guutada labaad ee ciidamada xooga, Col. Cali Guure Afdhuub oo shalay lagu aasay magaalada Muqdisho.

8/26/2013 3:22 AM EST
Isniin, August 26, 2013 (HOL) — Dowladda Soomaaliya ayaa shaacisay inay heshay illaa afar diyaaradood oo ay ku howl-gelineyso shirkadii diyaaradaha Soomaaliyeed ee Somali Airline, kaddib muddo 22-sano ah, taasoo ku tegi doonta dalalka caalamka duulimaadyo kala duwan.

8/26/2013 3:09 AM EST
Isniin, August 26, 2013 (HOL) — Madaxwene ku xigeenka maamulka Puntland, Jen. C/samad Cali Shire ayaa la sheegay inuu u ambabaaxay magaalada Taleex ee gobolka Sool, halkaasoo ay ka taagan yihiin kacdoono laga soo horjeedo imaanshihiisa.

8/26/2013 3:06 AM EST
Isniin, August 26, 2013 (HOL) — Xuseen Samatar, ahaa shaqsigii ugu horreeyey oo Soomaali ah oo loo doorto in uu xubin ka noqdo guddiga maamula iskuullada waxbarashada magaaladda Minneapolis ee gobolka Minnesota, ayaa shalay galinkii dambe geeriyooday, kaddib markii uu muddo la xanuunsanayey cudurka Kansarka oo dhuuxa ka haleelay [leukemia], sida ay HOL u xaqiijiyeen dad ku dhow-dhow.