4/17/2021
Today from Hiiraan Online:  _
Wararka Maanta- Isniin, Aug 26, 2013
Wasiirka warfaafinta Soomaaliya oo shaaciyay inay shirkaddii Somali Airline dib u howlgelinayaan inta lagu jiro Sannadkan



Isniin, August 26, 2013 (HOL) — Dowladda Soomaaliya ayaa shaacisay inay heshay illaa afar diyaaradood oo ay ku howl-gelineyso shirkadii diyaaradaha Soomaaliyeed ee Somali Airline, kaddib muddo 22-sano ah, taasoo ku tegi doonta dalalka caalamka duulimaadyo kala duwan.

Wasiirka warfaafinta, boostada, isgaarsiinta iyo gaadiidka dowladda Somalia, C/llaahi Ciilmooge Xirsi ayaa sheegay inay rajo ka qabaan inay dib u howl-geliyaan shirkaddii Somali Airline ka hor inta aanu dhammaan sanadkan lagu jiro.

"Afar diyaaradood ayaa hadda ballan-qaad u haysanaa inaan ku howl-galino  Somali Airline, waxaan rajeynayaa in sannadkan inta aanu dhammaan aanu howl-gelinno, sida qorshuhu yahay hadduu Alle idmo," ayuu yiri Ciilmooge.

Sidoo kale, wasiirku wuxuu sheegay in howlo kale ay socdaan, isla markaana ay qayb-qayb u soo celinayaan howlihii shirkaddii Somali Airline oo ay ka mid tahay in guryihii ay lahayd dadka shacabka ah ee deggen laga saaro si ay u dagaan shaqaalaha shirkadda.

"Howlo kale waa inoo socdaan, laakiin guud ahaan diyaarado waan helnay, duuliyeyaal Soomaaliyeedna waa la xiriirnay, qaar liiskooda waan helnay, rajo-weyn ayaa ka qabnaa in Soomaaliya mar kale aragto diyaaraddii uu ku yaallay calankeenna oo dunida ka shaqeynaysa ," ayuu wasiirku hadalkiisa ku daray.

Hadalka wasiirka ayaa wuxuu imaanayaa iyadoo dhawaan ay dowladdu soo saartay shuruucda ay ku howlgalayaan shirkadaha diyaaradaha ee dalka ka shaqeeya, kuwaasoo ay ka mid yihiin ballamada duulimaadyada iyo kuwo kale.

Garoonka diyaaradaha Aadan Cadde ee Muqdisho ayaa muddo sannado ah howlgalaya, waxaana haatan lagu wareejiyay maamulkiisa shirkad dalka Turkiga laga leeyahay, taasoo casriyeynaysa garoonka.

Tan iyo markii uu dalku burburka galay ayaa waxaa shaqeynayay diyaarado ay leeyihiin shirkado madax-bannaan, kuwaasoo intooda badan ah kuwo aan tayo wanaagsan lahayn, waxaase dalka ka howl-billaabay shirkado caalami ah oo ay ka mid yihiin shirkadda diyaaradaha Turkish Arilines iyo shirkadda Air Uganda.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/26/2013 1:38 PM EST
Isniin, August 26, 2013 (HOL) — Ciidammo Itoobiyaan ah oo Khamiistii lasoo dhaafay gaarya degmada Balad-xaawo ee gobolka Gedo oo ku dhow xadka u dhexeeya Soomaaliya iyo Kenya ayaa halkaas ka billaabay dhaqdhaqaaq ciidan.

8/26/2013 1:37 PM EST
Isniin, August 26, 2013 (HOL) — Howlgallo lagu soo qab-qabtay xubno Al-shabaab ka tirsan iyo hub fara badan ayaa waxaa maanta ciidamada dowladdu ay ka sameeyeen degmada Baydhabo ee xarunta gobolka Bay.

8/26/2013 1:36 PM EST
Isniin, August 26, 2013 (HOL) — Xoogag taabacsan Xarakada Al-shabaab ayaa maanta si nabadgalyo ah kula wareegay gacan ku haynta deegaanka Qurac-joome oo ka tirsan gobolka Bakool, halkaasoo uu ka jiray maamul hoos-taga dowladda Soomaaliya.

8/26/2013 1:34 PM EST
Isniin, August 26, 2013 (HOL) — Guddoonka baarlamaanka federaalka Soomaaliya ayaa si rasmi ah ugu dhawaaqay xiliga uu furmayo kal-fadhigga saddexaad ee golaha shacabka, kaasoo socon doona afarta bilood ee soo socota.

8/26/2013 12:17 PM EST
Isniin, August 26, 2013 (HOL) — Degmada Taleex ee gobolka Sool waxaa maanta gaarey wefdi ballaaran oo uu horkacayo madaxweyne ku-xigeenka Puntland Jen. C/samed Cali Shire.

8/26/2013 12:02 PM EST
Isniin, August 26, 2013 (HOL) — Kulan ay maanta isugu yimaadeen wasiirka amniga, wasiirka howlaha guud iyo gaadiidka iyo taliyaha booliska Puntland ayaa laga soo saaray ammaro la xiriira nabadgelyada waddooyinka Puntland.

8/26/2013 8:39 AM EST
Isniin, August 26, 2013 (HOL) — Wasaaradda arrimaha gudaha iyo amniga ayaa shacabka Soomaaliyeed ugu baaqay inay ka qaybqaataan sugidda ammaanka, horumarinta adeegyada bulshada iyo inay bixiyaan canshuuraha.

8/26/2013 8:16 AM EST
Isniin, August 26, 2013 (HOL) — Madaxweynaha Puntland C/raxmaan Sheekh Maxamed (Faroole) iyo wefdi uu horkacayo ayaa maanta ka dhoofay garoonka diyaaradaha ee magaalada Garoowe. Wefdiga madaxweynaha ayaa ku wajahan magaalada Nairobi ee xarunta dalka Kenya.

8/26/2013 3:32 AM EST
Isniin, August 26, 2013 (HOL) — Abaanduulihii hore ee ciidamada xoogga dalka, Jen. C/kariin Yuusuf Aadan (Dhega-badan) ayaa ugu baaqay taliska ciidamada xooga dalka Soomaaliyeed inay cadaalada horkeennaan cidii ka dambeysay dilka taliyihii guutada labaad ee ciidamada xooga, Col. Cali Guure Afdhuub oo shalay lagu aasay magaalada Muqdisho.

8/26/2013 3:09 AM EST
Isniin, August 26, 2013 (HOL) — Madaxwene ku xigeenka maamulka Puntland, Jen. C/samad Cali Shire ayaa la sheegay inuu u ambabaaxay magaalada Taleex ee gobolka Sool, halkaasoo ay ka taagan yihiin kacdoono laga soo horjeedo imaanshihiisa.

8/26/2013 3:06 AM EST
Isniin, August 26, 2013 (HOL) — Xuseen Samatar, ahaa shaqsigii ugu horreeyey oo Soomaali ah oo loo doorto in uu xubin ka noqdo guddiga maamula iskuullada waxbarashada magaaladda Minneapolis ee gobolka Minnesota, ayaa shalay galinkii dambe geeriyooday, kaddib markii uu muddo la xanuunsanayey cudurka Kansarka oo dhuuxa ka haleelay [leukemia], sida ay HOL u xaqiijiyeen dad ku dhow-dhow.