3/29/2024
Today from Hiiraan Online:  _
Wararka Maanta- Talaado, Aug 20, 2013
Markab Sida Deeq Raashin ah oo ka Timid Turkiga oo ku soo Xirtay Dekedda Kismaayo

Talaado, August 20, 2013 (HOL) — Waxaa maanta marsada caalamiga ah ee magaalada Kismaayo kusoo xirtay markab sida raashin gargaar ah oo ka yimid dalka Turkiga, kaasoo loogu talogalay in loo qeybiyo dadka danta yar ee ku dhaqan gobollada Jubbooyinka.

Raashinka deeqda ah ee uu markabkani sido ayaa isugu jira: Bur, Bariis, Saliid iyo cuntooyin kale, waxaana la filayaa in raashiinkani la gudoonsiiyo dadka ku dhibaateeysan gudaha magaalada Kismaayo ee xarunta gobolka Jubbada Hoose.

Raashiinkan oo gaaraya 20-kun oo kiish, ayaa waxa ku deeqday hay'adda Bisha Cas ee Turkiga sida uu warbaahinta u xaqiijiyay masuul ka tirsan hay'adaasi oo lagu magacaabo Axmed Warsame.

Raashinka ayaa waxaa lagu wareejiyay masuuliyiinta maamulka Jubbaland si ay u gaarsiiyaan dadka ku dhibaateeysan gudaha magaalada Kismaayo.

Dowladda Turkiga ayaa  dalka Soomaaliya ka wadda hawlo ballaaran oo isugu jira dhinacyada bini aadamnimada, waxbarashada, horumarka iyadoona ay xusid mudantahay in dowladda Turkigu ay kaalin muuqata ka qaadatay abaarihii ugu danbeeyay ee ku dhuftay dalka.

Xasan Nuur, Hiiraan Online
[email protected]
kismaayo, Soomaaliya.













Click here
8/20/2013 11:06 AM EST
Talaado, August 20, 2013 (HOL) — Wafdi ka socda Qaramada Midoobay oo uu hoggaaminayo xiriiriyaha deeqaha bani’aadamnimo ee Somaaliya Philippe Lazzarini, ayaa gaaray degmada Jowhar ee xarunta gobolka Shabeellada dhexe, halkaasoo ay kula kulmeen maamulka iyo waxgaradka degmada.

8/20/2013 10:59 AM EST
Talaado, August 20, 2013 (HOL) — Waxaa maanta ka furmay magaalada Beledweyn ee xarunta gobolka Hiiraan, Shir-weyne loogu magac daray (Shirweynaha dhaqanka iyo wada tashiga beesha Xawaadle ee Samadoon) kaasoo uu horay ugu baaqay Ugaaska guud ee beesha Ugaas C/raxmaan Ugaas Khaliif Ugaas Rooble, bilihii ugu dambeeyeyna ay qaban qaabadiisu socotey.

8/20/2013 8:16 AM EST
Talaado, August 20, 2013 (HOL) — Wasiirka arrimaha gudaha Masar ayaa sheegay in hoggaamiyihii ururka Ikhwaanul Muslimiiin, Maxamed Badiic la xiray maanta oo Salaaso ah, kaddib isku dhacyo dhexmaray ciidamada ammaanka iyo taageerayaasha madaxweynihii xukunka laga tuuray ee Maxamed Mursi.

8/20/2013 7:29 AM EST
Talaado, August 20, 2013 (HOL) — Maxkamadda sare ee dalka Baakistaan ayaa maanta oo Salaasa ah si rasmi ah ugu eedeysay madaxweynihii hore ee dalkaas Berefeez Musharraf in uu ka dambeeyey dilkii Benaziir Bahuto.

8/20/2013 7:25 AM EST
Talaado, August 20, 2013 (HOL) —Kulankan oo muddo labo maalmood ah socon doona ayaa ah mid looga wada tashanayo ka qaybgalka Soomaaliya ee shirka New Deal (Hiigsiga Cusub) kaasoo bisha soo socota ee September ka dhici doona caasimadda Biljamka ee Brussels. Kulanka waxaa si wada jir ah u furay wasiir ku-xigeenka wasaaradda maaliyadda Soomaaliya, Abuukar Sheekh Cabdi Ibraahim iyo madaxweynaha maamul goboleedka Gal-mudug, Cabdi Xassan Cawaale (Qeybdiid).

8/20/2013 3:37 AM EST
Talaado, August 20, 2013 (HOL) — Xarakada Al-shabaab ee Soomaaliya ka dagaalanta ayaa ka hadashay markii ugu horreysay xiisadaha siyaasadeed ee ka taagan dalka Masar, kuwaasoo ka dhashay muran dhinaca hoggaanka dalkaas ah.

8/20/2013 3:07 AM EST
Talaado, August 20, 2013 (HOL) — Dowladda Turkiga ayaa sheegtay inay ka billaabayso Soomaaliya wajigii labaad ee howlaha samafalka ah ee ay ka waddo Soomaaliya, iyadoo sidoo kale sheegtay in wejigii koowaad uu soo gabagaboobey.